Croma, Chatter Kid, e Imovie para presentarnos.

 O alumnado desde 1º ata 6º de primaria, prepararon unhas presentacións sobre eles nas que empregaron distintas aplicacións, desde o Chatter Kid en 1º e 2º, o Imovie en 3º e 4º e o Croma en 5º e 6º.

Quedaron moi ben!

Entrevista na radio aos pallasos de hospital Galiclown feita por 5º de primaria

Polo Día da Paz, o colexio de Quintela, recibiu unha visita moi especial: os voluntarios de GaliClown. Rimos coa súa actuación e contáronnos cal é súa labor no hospital. Invitámosvos a escoitar esta entrevista que lles fixo o alumnado de 5º de primaria.

Croma na aula de 5º de infantil

 O alumnado de 5º de infantil este trimestre investigou sobre as bolboretas. Aprendemos moito sobre este insecto e aproveitamos tamén para aprender un poema e gravalo en croma. Aquí tedes o poema e o recitado con croma.

Un verme branco vivía nunha moreira

e chamábanlle verme de seda.

Gustábanlle as follas, era moi lambón

e en pouquiños meses fíxose maior.

Coa súa fina seda teceu un casulo

e aquel verme sorriu con orgullo.

Cando rematou estaba canso

e dentro do casulo quedouse deitado.

Despois dun tempo de estar durmido

nunha bolboreta se convertera.

Chegou a hora de poñer os ovos

e así a historia comezará de novo.

Imovie gravando as voces do alumnado de 1º de primaria

 Que fermoso o poema de Antonio García Teijeiro e un dito e adiviña popular na voz do alumnado de 1° de primaria.

Non menos fermosos son os fondos debuxados por eles e elas.

ZOWI NA AULA DE 2º DE PRIMARIA

Traballamos as matemáticas e a expresión corporal usando a zowi como un dado. Tocándolle na cabeza cun golpe suave, zowi dábanos un número co que avanzábamos no taboleiro logo de superar unha proba que nos pedía a tarxeta que levantavamos.

Pasámolo moi ben!

TOONTASTIC EN 4º DE PRIMARIA

 Esta semana, dedicamos a sesión a traballar as partes das historias coa aplicación Toontastic.

Saíron cousiñas interesantes...

MERGE CUBE E MR. BODY PARA TRABALLAR O CORPO HUMANO EN 6º DE INFANTIL

HOXE, COMO PARTE DO NOSO PROXECTO SOBRE O CORPO HUMANO, UTILIZAMOS ESTE RECURSO TIC TAN CHULO QUE DEIXOU OS LEÓNS E LEOAS ABRAIADOS. GRAZAS A REALIDADE AUMENTADA E O MERGE CUBE PUIDEMOS OBSERVAR MÁIS DE CERCA ALGÚNS DOS NOSOS ÓRGANOS.

6º DE INFANTIL COÑECE A ZOWI

 O alumnado de 6º de Infantil coñeceu esta semana a ZOWI, o  simpático robot da biblioteca de Paco.

Zowi é un robot interactivo que inicia aos nenos e nenas no mundo da tecnoloxía e da programación. Aprendemos robótica dun xeito lúdico e educativo. Camiña cara diante e cara atrás, para os lados, xira, móvese cos sons e baila. 

Esperamos descubrir máis nas próximas sesións. Estamos impacientes!!!

MERGE CUBE PARA CREAR HISTORIAS EN 1º E 2º DE PRIMARIA

Os nenos e nenas tiveron que crear un conto introducindo escenarios, protagonistas, antagonistas, obxectos... que lles ían saíndo ao enfocar a tablet no Merge Cube.

Saíron historias moi interesantes...

1º FELICITA O NADAL COA APLICACIÓN 30HANDS

A clase de primeiro dedícavos esta felicitación con moito agarimo  esperando que todos e todas teñamos un feliz Nadal

ESCORNABOT EN 3º DE PRIMARIA

 Que divertido que foi traballar a competencia matemática usando o escornabot. Pasámolo moi ben!

ESCORNABOT NA AULA DE 2º DE PRIMARIA

O alumnado de 2º curso estivo repasando todo o que aprendeu sobre o Dragón de Komodo dun xeito moi lúdico, xogando cos escornabots. 
A actividade consistiu en dividir á clase en grupos e en contestar a unhas cuestións que se ían facendo uns a ourtros. O grupo que tiña que resolver a pregunta, poñíase dacordo na resposta e programaban o escornabot para levalo á casilla correspondente. Se a resposta era certa, o grupo conseguía un pacopunto.
O obxectivo foi afianzar o aprendido durante o primeiro trimestre sobre o Dragón de Komodo.
Deixamos un resumo da actividade así como as plantillas e adiviñas que empregamos no xogo.

PICPLAYPOST NA SEMANA DA FROITA EN 6º DE INFANTIL

Onte, os nenos/as de 5º de primaria cos nosos afillados/as lectores tivemos unha xornada de convivencia.

No colexio de Quintela dámoslle moita importancia á alimentación saudable, polo que todos os anos participamos no proxecto Aliméntate ben, dentro dos Plans Proxecta.

Esta semana e a que vén merendamos todos froita no cole e aproveitamos esta gran oportunidade para facer una obradoiro de froita, na que participamos as dúas clases, polo noso vínculo especial de ser padriños e afilllados lectores. 

Tiveron que facer unhas simpáticas figuras coa froita e outros ingredientes que utilizamos para decorar.

E, como non,  aproveitamos a visita para ler contos xuntos.

Foi moi divertido!!!

AS TECNOLOXÍAS NA ELABORACIÓN DOS INFORMATIVOS DO COLE

Aquí deixamos os informativos que elaboramos no noso cole para presentar na canle de televisión do concello.

TOUCHCAST NA AULA DE 2º DE PRIMARIA

A clase de Segundo celebra o mes da poesía recitando uns versos dunha bonita escolma de poesías.

 

ESCORNABOT, TYPORAMA E PICPLAYPOST EN 2º DE PRIMARIA

Na aula de 2° curso estivemos repasando os principais ósos do corpo humano co Escornabot. Plantexamos as preguntas, o equipo resolve e un dele da as ordes ao robot para levalo á resposta correcta.

Traballamos a competencia dixital, a competencia social e cívica, a competencia oral e a competencia matemática.

O obxectivo fundamental foi traballar os ósos do corpo humano.

Os corridos traballados foron as partes do corpo, no es dos ósos principais, traballo cooperativo...

O resultado foi moi positivo. A continuación deixamos un resumo.

STOP MOTION, 30 HANDS E IMOVIE EN 1° CURSO

O alumnado de 1° empregou a aplicación 30 Hands para expresar os seus desexos de paz.

TOUCHCAST NA CLASE DE 5º DE INFANTIL

TOUCHCAST NA AULA DE 5º DE INFANTIL

ESCORNABOT NA AULA DE 3º DE PRIMARIA

Os nenos e nenas de 3º de primaria usaron o Escornabot para aprender sobre adiviñas do outono. Traballaron a orientación espacial, a oralidade, a lectura, o respeto polas normas de xogo, etc.