Min første applikasjon

Ja, eg ser så mange stilige applikasjonar rundtom i andre sine bloggar at no måtte eg berre prøve meg. Har sydd ei enkel selebukse i babycord og klippa på frihånd ut ein bil i brun babycord. Brukte ein av applikasjonssømmane på maskina. Til å vere første gang så synest eg det vart ikkje så verst.

Bambusvelour

Kva kan ein sy av bambusvelour. I utgangspunktet så kjøpte eg dette hos ein butikk som sel tilbehør og stoff til bleier og bambusvelour er deilig inn mot huda i tøybleier og tøybind. Stoffet er deilig mjukt og eg tenkte at dette må kunne brukast til noko meir. Og sidan eg nettopp har blitt tante til ein liten gut så tenkte eg at ei sparkebukse måtte vere tingen. Eg har kanta den med jersey fra Stoff og stil og knappane fann eg i syskrinet som eg arva etter mormor.