បានធ្វើបច្ចុប្បន្នភាពចុងក្រោយ៖ ថ្ងៃទី 3 ខែមីនា ឆ្នាំ 2021

Tenor រួមមានកម្មវិធីឧបករណ៍ចល័ត Tenor, គេហទំព័ររបស់ Tenor ដែលស្ថិតនៅ http://tenor.com, កម្មវិធីបន្ថែម Tenor និង Tenor API។ Tenor API អាចត្រូវបានរួមបញ្ចូលជាមួយសេវាកម្ម ឬឧបករណ៍ភាគីទីបី ប៉ុន្តែសេវាកម្មទាំងឡាយដែលពាក់ព័ន្ធនឹង Tenor ត្រូវបានផ្ដល់ដោយ Google។

ដើម្បីប្រើ Tenor អ្នកត្រូវទទួលយក (1) លក្ខខណ្ឌប្រើប្រាស់ Google និង (2) លក្ខខណ្ឌប្រើប្រាស់បន្ថែមទាំងនេះរបស់ Tenor ("លក្ខខណ្ឌបន្ថែមរបស់ Tenor")។

សូមអានឯកសារនីមួយៗនៃឯកសារទាំងនេះដោយប្រុងប្រយ័ត្ន។ ឯកសារទាំងនេះត្រូវបានហៅរួមគ្នាថា "លក្ខខណ្ឌ"។ លក្ខខណ្ឌទាំងនេះបង្កើតអ្វីដែលអ្នកអាចរំពឹងពីយើង នៅពេលអ្នកប្រើសេវាកម្មរបស់យើង និងអ្វីដែលយើងរំពឹងពីអ្នក។

ប្រសិនបើលក្ខខណ្ឌបន្ថែមទាំងនេះរបស់ Tenor មានចំណុចផ្ទុយគ្នានឹងលក្ខខណ្ឌប្រើប្រាស់ Google លក្ខខណ្ឌបន្ថែមទាំងនេះនឹងត្រូវបានអនុវត្តសម្រាប់ Tenor។

ទោះបីជាវាមិនមែនជាផ្នែកមួយនៃលក្ខខណ្ឌទាំងនេះក៏ដោយ ក៏យើងលើកទឹកចិត្តឱ្យអ្នកអានគោលការណ៍ឯកជនភាពរបស់យើង ដើម្បីយល់ឱ្យបានកាន់តែច្បាស់អំពីរបៀបដែលអ្នកអាចធ្វើបច្ចុប្បន្នភាព គ្រប់គ្រង នាំចេញ និងលុបព័ត៌មានរបស់អ្នកដែរ។

1. ខ្លឹមសាររបស់អ្នក។

Tenor អនុញ្ញាតឱ្យអ្នកដាក់បញ្ជូន រក្សាទុក ផ្ញើ ទទួល ឬចែករំលែកខ្លឹមសាររបស់អ្នក។ ខ្លឹមសាររបស់អ្នកត្រូវបានផ្ដល់អាជ្ញាបណ្ណឱ្យ Google ដូចដែលបានរៀបរាប់នៅក្នុងលក្ខខណ្ឌប្រើប្រាស់ Google ដូច្នេះប្រសិនបើអ្នកបង្ហោះខ្លឹមសារទៅ Tenor យើងអាចបង្ហាញខ្លឹមសារនោះដល់អ្នកប្រើប្រាស់ និងចែករំលែកវា នៅពេលត្រូវបានណែនាំឱ្យធ្វើបែបនោះ ហើយអ្នកប្រើប្រាស់ទាំងនោះ (រួមទាំងអ្នកប្រើប្រាស់ដែលមានសិទ្ធិចូលប្រើខ្លឹមសារតាមរយៈ Tenor API) អាចមើល ចែករំលែក និងកែប្រែខ្លឹមសារនោះបាន។

2. ខ្លឹមសារដែលត្រូវបានហាមឃាត់។

2.1 អ្នកមិនត្រូវប្រើ Tenor សម្រាប់គោលបំណងពាណិជ្ជកម្ម ឬសម្រាប់ប្រយោជន៍របស់ភាគីទីបីណាមួយឡើយ។

2.2 ដូចដែលយើងពន្យល់នៅក្នុងលក្ខខណ្ឌប្រើប្រាស់ Google យើងចង់រក្សាមជ្ឈដ្ឋានដែលមានការគោរពគ្នាសម្រាប់អ្នកគ្រប់គ្នា។ នៅពេលប្រើ Tenor អ្នកត្រូវអនុវត្តតាមគោលការណ៍កម្មវិធីរបស់យើង និងវិធានប្រតិបត្តិមូលដ្ឋានដែលបានរៀបរាប់នៅក្នុងលក្ខខណ្ឌប្រើប្រាស់ Google។ ជាពិសេស នៅពេលប្រើ Tenor អ្នកមិនត្រូវ៖

a. ដាក់បញ្ជូន រក្សាទុក ផ្ញើ ឬចែករំលែកខ្លឹមសារណាមួយដែល៖

i. បំពាន ឬជំរុញឱ្យមានសកម្មភាពណាមួយដែលនឹងបំពានច្បាប់ជាធរមាន ឬសិទ្ធិរបស់អ្នកដទៃ រួមទាំងខ្លឹមសារដែលបំពាន មានលក្ខណៈមិនសមរម្យ ឬបំពានកម្មសិទ្ធិបញ្ញា ឬសិទ្ធិក្នុងការផ្សព្វផ្សាយជាសាធារណៈ ឬឯកជនភាពរបស់អ្នកដទៃ

ii. មានព័ត៌មានទំនាក់ទំនង ឬផ្ទាល់ខ្លួនអំពីបុគ្គលណាម្នាក់ផ្សេងទៀតដោយគ្មានការអនុញ្ញាតជាមុនពីបុគ្គលនោះ

iii. ផ្សព្វផ្សាយសារធាតុ ឬសកម្មភាពបង្កគ្រោះថ្នាក់ឬខុសច្បាប់

iv. ក្លែងបន្លំ នាំឱ្យយល់ខុស ឬបោកប្រាស់

v. មិនពិត ឬបង្ខូចកេរ្តិ៍ឈ្មោះ

vi. អាសគ្រាម ឬអាសអាភាស

vii. ជំរុញ ឬបង្កើតការរើសអើង ការងប់នឹងជំនឿ ការរើសអើងពូជសាសន៍ ការស្អប់ខ្ពើម ការបៀតបៀន ឬការបង្កគ្រោះថ្នាក់ដល់បុគ្គលឬក្រុមណាមួយ

viii. មានលក្ខណៈហិង្សាឬគំរាមកំហែង ឬជំរុញអំពើហិង្សាឬសកម្មភាពដែលគំរាមកំហែងដល់បុគ្គល ក្រុម ឬស្ថាប័នណាមួយ ឬ

b. ផ្ញើទំនាក់ទំនង ខ្លឹមសារផ្សព្វផ្សាយ ឬការផ្សាយពាណិជ្ជកម្មណាមួយដែលគ្មានការអនុញ្ញាតឬដែលមិនបានស្នើសុំ រួមទាំងអ៊ីមែល សំបុត្រ សារឥតបានការ សារជំរុញឱ្យផ្ញើតគ្នា ឬការអំពាវនាវផ្សេងទៀត។

2.3 រាល់ខ្លឹមសារដែលត្រូវបានវាយតម្លៃថាមិនសមរម្យ ខុសច្បាប់ ឬមិនត្រូវគ្នា អាចត្រូវបានដាក់កំហិត ឬដកចេញ។ យើងប្រើប្រព័ន្ធរួមបញ្ចូលគ្នាដើម្បីសម្គាល់ និងវាយតម្លៃខ្លឹមសារដែលត្រូវបានបង្កើតដោយ ឬបង្ហោះទៅក្នុងសេវាកម្មរបស់យើងដែលបំពានគោលការណ៍របស់យើង ដូចជាលក្ខខណ្ឌទាំងនេះ, លក្ខខណ្ឌប្រើប្រាស់ Google ឬខ្លឹមសារដែលបំពានច្បាប់។ ទោះបីជាយ៉ាងណាក៏ដោយ យើងយល់ថាពេលខ្លះយើងធ្វើខុស។ ប្រសិនបើអ្នកគិតថា ខ្លឹមសាររបស់អ្នកមិនបំពានលក្ខខណ្ឌទាំងនេះទេ ឬត្រូវបានដកចេញដោយភាន់ច្រឡំ អ្នកអាចប្ដឹងតវ៉ាបាន។

អ្នកអាចត្រូវបានដាក់កំហិតមិនឱ្យប្រើសេវាកម្មរបស់យើង ឬក៏ផ្អាកឬបិទគណនីរបស់អ្នក ប្រសិនបើ៖

អ្នកបំពានលក្ខខណ្ឌទាំងនេះជាសារវន្ត ឬម្ដងហើយម្ដងទៀត
យើងត្រូវបានតម្រូវឱ្យធ្វើដូច្នេះ ដើម្បីអនុលោមតាមលក្ខខណ្ឌតម្រូវតាមផ្លូវច្បាប់ ឬដីកាតុលាការ
យើងមានហេតុផលសមស្របក្នុងការជឿជាក់ថា ការប្រព្រឹត្តរបស់អ្នកបង្កឱ្យមានការប៉ះពាល់ឬការទទួលខុសត្រូវចំពោះអ្នកប្រើប្រាស់ ភាគីទីបី ឬ Tenor - ឧទាហរណ៍ តាមរយៈការលួចចូល ការដាក់នុយ ការបៀតបៀន ការផ្ញើសារឥតបានការ ការនាំឱ្យអ្នកផ្សេងទៀតយល់ខុស ឬការប្រើបូតស្រង់ទិន្នន័យខ្លឹមសារដែលមិនមែនជារបស់អ្នក ឬអ្នកបានដាក់បញ្ជូន រក្សាទុក ចែករំលែក ឬផ្ញើខ្លឹមសារដែលត្រូវបានហាមឃាត់។

សម្រាប់ព័ត៌មានបន្ថែមអំពីមូលហេតុដែលយើងបិទគណនី និងថាតើមានអ្វីកើតឡើងនៅពេលយើងធ្វើដូច្នេះ សូមមើលអត្ថបទមជ្ឈមណ្ឌលជំនួយនេះ។ ប្រសិនបើអ្នកជឿថា គណនី Tenor របស់អ្នកត្រូវបានផ្អាក ឬបិទដោយមានការភាន់ច្រឡំ អ្នកអាចប្ដឹងតវ៉ាបាន។

បានធ្វើបច្ចុប្បន្នភាព​ចុងក្រោយ៖ ថ្ងៃទី 3 ខែមីនា ឆ្នាំ 2021

បានធ្វើបច្ចុប្បន្នភាពចុងក្រោយ៖ ថ្ងៃទី 3 ខែមីនា ឆ្នាំ 2021

Friday Dance GIF

ចែករំលែក URL

បង្កប់

ព័ត៌មានលម្អិត

GIF ពាក់ព័ន្ធ