Соңғы рет жаңартылған күн: 2021 жылдың 3 наурызы

Tenor қызметіне Tenor мобильдік қолданбасы, Tenor веб-сайты (http://tenor.com), Tenor кеңейтімдері және Tenor API-ы кіреді. Tenor API-ы үшінші тарап құрылғыларымен немесе қызметтерімен біріктірілуі мүмкін, бірақ Tenor-ға қатысты қызметтердің барлығын Google ұсынады.

Tenor-ды пайдалану үшін (1) Google Қызмет көрсету шарттарын және (2) осы Tenor Қосымша қызмет көрсету шарттарын ("Tenor Қосымша шарттарын") қабылдауыңыз керек.

Осы құжаттардың әрқайсысын мұқият оқып шығыңыз. Бұл құжаттар бірге "Шарттар" деп аталады. Шарттарда қызметтерді пайдалану кезінде сіз бен бізге қойылатын талаптар көрсетілген.

Егер Tenor-дың Қосымша шарттары Google Қызмет көрсету шарттарына сай келмесе, Tenor үшін осы Қосымша шарттар басым күшке ие болады.

Құпиялық саясаты осы Шарттардың бір бөлігі болмаса да, ақпаратты қалай жаңартуға, басқаруға, экспорттауға және жоюға болатынын жақсырақ түсіну үшін бұл құжатты оқып шыққаныңыз жөн.

1. Контентіңіз.

Tenor қызметі контентті жіберуге, сақтауға, қабылдауға немесе бөлісуге мүмкіндік береді. Контентіңіз Google Қызмет көрсету шарттарына сәйкес Google үшін лицензияланған, сол себепті Tenor-ға жүктеп салынған контентті пайдаланушыларға көрсетіп, олармен бөлісе аламыз. Бұл пайдаланушылар (соның ішінде контентті Tenor API-ы арқылы қолданатын пайдаланушылар) мұндай контентті көре, бөлісе және өзгерте алады.

2. Тыйым салынған контент.

2.1 Tenor-ды қандай да бір коммерциялық мақсатта немесе үшінші тараптың пайдасы үшін пайдаланбауыңыз қажет.

2.2 Google Қызмет көрсету шарттарында мәлімделгендей, әркім үшін сыйлы ортаны қалыптастыруды қалаймыз. Tenor-ды пайдалану кезінде Бағдарлама саясаттарын және Google Қызмет көрсету шарттарында сипатталған негізгі жүріс-тұрыс ережелерін сақтауыңыз қажет. Нақтырақ айтқанда, Tenor қызметін пайдалану кезінде:

a. келесідей контентті жіберуге, сақтауға немесе бөлісуге болмайды:

i.қолданыстағы заңды немесе басқалардың құқықтарын бұзатын әрекеттерді насихаттайтын контент, соның ішінде басқа біреудің зияткерлік меншік құқықтарын, жария болу немесе құпиялық құқықтарын бұзатын немесе заңсыз иеленетін кез келген контент;

ii.басқа тұлғаның алдын ала рұқсатынсыз алынған жеке немесе байланыс ақпаратын қамтитын контент;

iii.заңсыз немесе зиянды әрекеттерді немесе заттарды насихаттайтын контент;

iv.алаяқтық, жаңылыстыратын немесе жалған контент;

v.жалған немесе жала жабатын контент;

vi.ерсі немесе порнографиялық контент;

vii.жеке тұлғаға немесе топқа қарсы кемсітушілікті, жанкештілікті, нәсілшілдікті, жеккөрушілікті, харассментті немесе зиян келтіруді насихаттайтын контент;

viii.зорлық-зомбылық немесе күш көрсету сипатындағы контент немесе жеке тұлғаға, топқа немесе ұйымға қарсы зорлық-зомбылықты немесе күш көрсету әрекеттерін насихаттайтын контент; немесе

b.алушымен келісілмеген немесе рұқсат алынбаған жарнаманы, жарнамалық материалдарды немесе байланыс деректерін, соның ішінде электрондық поштаны, поштаны, спамды, хаттар тізбегін және т.б. мәліметтерді жіберуге болмайды.

2.3 Кез келген орынсыз, заңсыз немесе үйлеспейтін контент шектелуі немесе жойылуы мүмкін. Біз саясаттарымызды, мысалы, осы шарттар мен Google Қызмет көрсету шарттарын немесе заңды бұзатын, қызметтеріміз арқылы жасалған немесе жүктеп салынған контентті анықтап, бағалау үшін бірнеше жүйені пайдаланамыз. Кейде бізден де қате кететінін түсінеміз. Контентіңіз осы шарттарды бұзбайды немесе қателікпен өшірілді деп ойласаңыз, апелляция жіберіңіз.

Келесі жағдайлардың бірі орын алса, сізге қызметімізді пайдалануға шектеу қойылуы немесе аккаунтыңыздың жұмысы уақытша не біржола тоқтатылуы мүмкін:

осы шарттардың өрескел түрде немесе бірнеше рет бұзылуы;
заң талабына немесе сот қаулысына сәйкес әрекет етудің қажет болуы;
қандай да бір пайдаланушыға, үшінші тарапқа немесе Tenor қызметіне зиян келтіретін немесе жауапкершілік жүктейтін әрекет жасалуы (мысалы, хакерлік әрекет, фишинг, харассмент, спам жіберу, жалған ақпарат тарату, өзіңізге тиесілі емес контентке скрейпинг жасау, кез келген тыйым салынған контентті жіберу, сақтау немесе бөлісу).

Аккаунттарды өшіру себептері және мұндай жағдайларда не болатыны туралы толық ақпарат алу үшін осы Анықтамалық орталық мақаласын қараңыз. Tenor аккаунтыңыз қателікпен уақытша не біржола тоқтатылды деп ойласаңыз, апелляция жіберіңіз.

Throw Bike GIF

URL мекенжайын бөлісу

Ендіру

Мәліметтер

Ұқсас GIF-тер