చివరిగా అప్‌డేట్ చేసినది: మార్చి 3, 2021

Tenorలో భాగంగా Tenor మొబైల్ యాప్, http://tenor.com వద్ద అందుబాటులో వుండే Tenor వెబ్‌సైట్, Tenor ఎక్స్‌టెన్షన్‌లు, అలాగే Tenor API ఉంటాయి. Tenor API అనేది థర్డ్-పార్టీ పరికరాలు లేదా సర్వీస్‌లతో అనుసంధానించబడి ఉండవచ్చు, కానీ Tenor సంబంధిత సర్వీస్‌లు ఏవైనా సరే Google ద్వారానే అందించబడతాయి.

Tenorను ఉపయోగించడానికి, మీరు తప్పక (1) Google సర్వీస్ నియమాలు (2) ఈ అదనపు సర్వీస్ నియమాలను అంగీకరించాలి ("Tenor అదనపు నియమాలు").

దయచేసి ఈ డాక్యుమెంట్‌లన్నింటినీ జాగ్రత్తగా చదవండి. ఈ డాక్యుమెంట్‌లన్నింటినీ కలిపి "నియమాలు" అంటారు. మా సర్వీస్‌లను ఉపయోగిస్తున్నప్పుడు మీరు మా నుండి ఏమి ఆశించవచ్చో, మీ నుండి మేము ఏమి ఆశిస్తున్నామో అవి స్పష్టం చేస్తాయి.

ఈ Tenor అదనపు నియమాలు Google సర్వీస్ నియమాలతో విభేధించే విధంగా ఉంటే, Tenor తరఫున ఈ అదనపు నియమాలు వర్తిస్తాయి.

ఈ నియమాలలో భాగం కానప్పటికీ, మీరు మా గోప్యతా పాలసీని చదవమని మేము ప్రోత్సహిస్తున్నాము; తద్వారా మీరు మీ సమాచారాన్ని అప్‌డేట్ చేయడం, మేనేజ్ చేయడం, ఎగుమతి చేయడం, అలాగే తొలగించడం ఎలా చేయవచ్చు అనే దానిని బాగా అర్థం చేసుకోగలుగుతారు.

1. మీ కంటెంట్.

Tenor మీ కంటెంట్‌ను సమర్పించడానికి, స్టోర్ చేయడానికి, పంపడానికి, అందుకోవడానికి లేదా షేర్ చేయడానికి మిమ్మల్ని అనుమతిస్తుంది. మీ కంటెంట్, Google సర్వీస్ నియమాలలో వివరించిన విధంగా Googleకి లైసెన్స్ చేయబడి వుంది - కాబట్టి మీరు Tenorకి కంటెంట్‌ను అప్‌లోడ్ చేస్తే, మేము ఆ కంటెంట్‌ను యూజర్‌లకు ప్రదర్శించవచ్చు, నిర్దేశించినప్పుడు షేర్ చేయవచ్చు; అదే విధంగా ఆ యూజర్‌లు (Tenor API ద్వారా కంటెంట్‌ను యాక్సెస్ చేసే యూజర్‌లతో సహా) ఆ కంటెంట్‌ను Tenor ద్వారా చూడవచ్చు, షేర్ చేయవచ్చు, దానికి మార్పులు చేయవచ్చు.

2. నిషేధిత కంటెంట్.

2.1 మీరు ఏదైనా వాణిజ్యపరమైన ప్రయోజనం కోసం లేదా ఏదైనా థర్డ్-పార్టీ ప్రయోజనం కోసం Tenorని ఉపయోగించకూడదు.

2.2 మేము Google సర్వీస్ నియమాలలో వివరించినట్లుగా, ప్రతి ఒక్కరికీ గౌరవప్రదమైన వాతావరణం ఉండేలా చూడాలని మేము అనుకుంటున్నాము. Tenorను ఉపయోగిస్తున్నప్పుడు, మీరు మా ప్రోగ్రామ్ పాలసీలను, Google సర్వీస్ నియమాలలో వివరించిన ప్రాథమిక ప్రవర్తనా నియమాలను తప్పక ఫాలో అవ్వాలి. ముఖ్యంగా, Tenorను ఉపయోగిస్తున్నప్పుడు, మీరు ఈ విధంగా చేయకూడదు:

a. ఈ విధమైన కంటెంట్‌ను సమర్పించడం, స్టోర్ చేయడం, పంపడం లేదా షేర్ చేయడం చేయకూడదు:

i.వేరొకరి మేధో సంపత్తి హక్కులను లేదా ప్రచార లేదా గోప్యత హక్కులను అతిక్రమించే, దుర్వినియోగం చేసే లేదా ఉల్లంఘించే ఏదైనా కంటెంట్‌తో సహా, వర్తించే చట్టాన్ని లేదా ఇతరుల హక్కులను అతిక్రమించే, లేదా అతిక్రమించే విధంగా వున్న ప్రవర్తనను ప్రోత్సహించే కంటెంట్;

ii.వేరొక వ్యక్తికి చెందిన వ్యక్తిగత లేదా కాంటాక్ట్ సమాచారాన్ని, వారి నుండి ముందస్తు అనుమతి లేకుండా కలిగి వున్న కంటెంట్;

iii.చట్టవిరుద్ధమైన లేదా హానికరమైన యాక్టివిటీలను లేదా వస్తువులను ప్రోత్సహించే కంటెంట్;

iv.మోసపూరితమైన, తప్పుదారి పట్టించేదిగా వున్న లేదా వంచనతో కూడిన కంటెంట్;

v.తప్పుగా లేదా పరువు నష్టం కలిగించేదిగా వున్న కంటెంట్;

vi.అసభ్యకరమైన, అశ్లీల చిత్రాలను కలిగివున్న కంటెంట్;

vii. ఎవరైనా వ్యక్తిపై లేదా ఏదైనా గ్రూప్‌పై వివక్షను, మత దురభిమానాన్ని, జాత్యహంకారాన్ని, ద్వేషాన్ని, పీడించడాన్ని, లేదా హానిని ప్రోత్సహించే లేదా అందుకు దారితీసే కంటెంట్;

viii.ఎవరైనా వ్యక్తి లేదా ఏదైనా గ్రూప్ లేదా సంస్థ పట్ల హింసాత్మకంగా లేదా బెదిరించే విధంగా వున్న, లేదా హింసను ప్రోత్సహించే విధంగా, లేదా బెదిరించే చర్యలను కలిగివున్న కంటెంట్; లేదా

b.ఈమెయిల్, మెయిల్, స్పామ్, చైన్ లెటర్‌లు లేదా ఇతర విన్నపాలతో సహా ఏదైనా అవాంఛిత లేదా అనధికారిక అడ్వర్టయిజింగ్, ప్రమోషనల్ మెటీరియల్స్, లేదా కమ్యూనికేషన్‌లను పంపకూడదు.

2.3 అసంబద్ధమైనదిగా, చట్టవిరుద్ధమైనదిగా లేదా అనుకూలం కానిదిగా ఏదైనా కంటెంట్‌ను అంచనా వేస్తే, దానిని పరిమితం చేయవచ్చు లేదా తీసివేయవచ్చు. మా సర్వీస్‌ల ద్వారా జెనరేట్ అయిన, లేదా వాటిలోకి అప్‌లోడ్ చేసిన కంటెంట్‌లో ఉల్లంఘనలను గుర్తించడానికి, అంచనా వేయడానికి మేము సిస్టమ్‌ల కాంబినేషన్‌ను ఉపయోగిస్తాము. మా పాలసీల ఉల్లంఘనలను, ఉదాహరణకు, ఈ నియమాలను, Google సర్వీస్ నియమాలను లేదా చట్టాన్ని ఉల్లంఘించే కంటెంట్‌ను ఆ విధంగా మేము గుర్తిస్తాము. అయితే, మేము కొన్నిసార్లు పొరపాట్లు చేస్తామని అర్థం చేసుకున్నాము. మీ కంటెంట్ ఈ నియమాలను ఉల్లంఘించలేదని, లేదా దానిని మేము పొరపాటున తీసివేశామని భావిస్తే, మీరు అప్పీల్ చేయవచ్చు.

ఈ సందర్భాలలో మిమ్మల్ని మా సర్వీస్‌ను ఉపయోగించకుండా పరిమితం చేయవచ్చు లేదా మీ ఖాతాను సస్పెండ్ చేయవచ్చు లేదా దానిని రద్దు చేయవచ్చు:

మీరు గణనీయంగా లేదా పదేపదే ఈ నిబంధనలను ఉల్లంఘించినప్పుడు;
చట్టపరమైన ఆవశ్యకత లేదా న్యాయస్థాన ఆదేశానికి అనుగుణంగా మేము అలా చేయాల్సి వచ్చినప్పుడు;
మీ ప్రవర్తన యూజర్‌కు, థర్డ్-పార్టీకి లేదా Tenorకు హానిని లేదా నష్టాన్ని కలిగిస్తుందని మేము సహేతుకంగా భావించినప్పుడు - ఉదాహరణకు, హ్యాకింగ్, ఫిషింగ్, పీడించడం, స్పామ్ చేయడం, ఇతరులను తప్పుదారి పట్టించడం లేదా మీకు చెందని కంటెంట్‌ను స్క్రాప్ చేయడం ద్వారా ఏదైనా నిషేధిత కంటెంట్‌ను సబ్‌మిట్ చేయడం, స్టోర్ చేయడం, షేర్ చేయడం లేదా పంపడం.

మేము ఖాతాలను ఎందుకు డిజేబుల్ చేస్తాము, అలాగే మేము అలా చేసినప్పుడు ఏమి జరుగుతుంది అనే దాని గురించి మరింత సమాచారం కోసం ఈ సహాయ కేంద్రం ఆర్టికల్‌ను చూడండి. మీ Tenor ఖాతాను సస్పెండ్ చేయడం లేదా రద్దు చేయడం పొరపాటుగా జరిగినట్లు విశ్వసిస్తే, మీరు అప్పీల్‌చేయవచ్చు.

000 Zero GIF

URLను షేర్ చేయండి

పొందుపరచండి

వివరాలు

సంబంధిత GIFలు