Robotika

Roboticists with three Mars rover robots. Front and center is the flight spare for the first Mars rover, Sojourner, which landed on Mars in 1997 as part of the Mars Pathfinder Project. On the left is a Mars Exploration Rover (MER) test vehicle that is a working sibling to Spirit and Opportunity, which landed on Mars in 2004. On the right is a test rover for the Mars Science Laboratory, which landed Curiosity on Mars in 2012.

Ang robotika (sa Ingles: robotics) ay ang sanga ng inhinyeriyang mekanikal, inhinyeriyang elektrikal, at agham pangkompyuter na may kaugnayan sa pagdidisenyo, pagbuo, pagpapatakbo, at paggamit ng mga robot, kabilang na rin ang pangkompyuter na sistema para sa kanilang kontrol, pagresponde, at pagpo-proseso ng impormasyon.

Ang mga teknolohiyang ito ay may kaugnayan sa mga makinang awtomatiko na maaaring pumalit sa posisyon ng tao sa mga delikadong kapaligiran maging sa pagmamanupaktura ng ilang mga bagay o hindi kaya'y gayahin ang hitsura, pag-uugali maging ang pag-iisip ng isang tao. Karamihan sa mga robot ng kasalukuyang panahon ay nilika hango sa iba't ibang aspeto ng kalikasan na nag-aambag sa larangan ng robotika na pinukaw ng biyolohiya.

Ang konsepto ng pagbuo ng mga makinang kayang kumilos nang mag-isa ay nagsimula pa noong panahong klasikal, ngunit ang pananaliksik sa kagalingan at posibleng mga gamit ng mga robot ay umusbong lamang sa umpisa ng ika-dalawampung siglo.