Ravshan Ermatov
| Ravshan Sayfiddin oʻgʻli Ermatov | |
|---|---|
| Равшан Сайфиддинович Эрматов | |
|
| |
| Tavalludi |
9-avgust 1977-yil |
| Fuqaroligi | Oʻzbekiston |
| Otasi | Sayfiddin Ermatov |
| Mukofotlari |
|
Ravshan Sayfiddin oʻgʻli Ermatov — Oʻzbekistonlik professional futbol hakami. U 2000—2019-yillarda Oʻzbekiston Ligasida va 2003-2019 yillarda xalqaro miqyosda ishlagan. FIFA Jahon Kubogining oʻyinlarini 11 marta boshqargani boʻyicha rekordga ega. 2019-yil iyun oyida Oʻzbekiston futbol assotsiatsiyasining birinchi vitse-Prezidenti etib tayinlandi. Ushbu tashkilotning birinchi vitse-Prezidenti Oʻzbekiston futbolining amaldagi yetakchisidir. U Oʻzbekiston futbolidagi islohotlarni mamlakat futbolidagi uzoq tanqid va korrupsiya mojarolaridan soʻng boshladi. Inauguratsiya paytida u shunday dedi: „agar barchamiz birlashsak va bitta maqsad uchun ishlasak, biz har qanday qiyinchiliklarni yengamiz“.
Hayoti
[tahrir | manbasini tahrirlash]Ravshan Ermatov 1977-yil 9-avgust kuni Toshkent shahrida tavallud topgan. U FIFA tomonidan 2003-yilda xalqaro hakamlikka tayinlangan.[1] Ravshan Ermatov Kanadada oʻtkazilgan 2007-yilgi FIFA U-20 Jahon Chempionatida hakamlik qilib, Gambiya — Meksika hamda Chili — Kongo oʻyinlarni boshqargan.
Ravshan Ermatov 2008, 2009, 2010 va 2011-yillarda Osiyoning „Eng Yaxshi Hakami“, deb baholandi,[2] va 2008-yilgi FIFA Klublararo Jahon Chempionati finalini boshqarish uchun tanlandi.
2010-yilda Janubiy Afrika Respublikasida boʻlib oʻtgan futbol boʻyicha jahon chempionatida Janubiy Afrika Respublikasi va Meksika jamoalari ochilish oʻyinini bochqarishi uchun arbitr etib tayinlandi. Shundan soʻng u Angliya — Jazoir, Argentina — Gretsiya, chorak finalda Argentina — Olmoniya, yarim finalda Niderlandiya — Urugvay oʻyinlarini boshqardi.
Uning asosiy ishi ham futbol bilan bogʻliq. U futbol instruktori boʻlib ishlaydi. Oʻzbek tilidan tashqari, rus va ingliz tillarini ham biladi.
Ravshan Ermatov Osiyoning „Eng yaxshi hakam“ nominatsiyasida ketma-ket toʻrt marotaba gʻolib boʻlgan qitʼadagi yagona futbol hakamidir. Xalqaro futbol uyushmalari federatsiyasi uni 2011-yilda jahonning eng yaxshi hakami, deb eʼtirof etildi. 2014-yilgi jahon chempionatida ham qatnashdi.[3]
2014-yil 25-iyunda Islom Karimov buyrugʻi bilan „El Yurt Hurmati“ ordeni bilan taqdirlanadi.
2019-yil 15-iyunda Oʻzbekiston Futbol Federatsiyasining birinchi vitse-prezidenti lavozimi joriy etildi va Ravshan Ermatov ushbu lavozimga tayinlandi.
2020-yil 8-fevralda Oʻzbekiston Respublikasi jismoniy tarbiya va sport vazirining birinchi oʻrinbosari etib tayinlandi[4].
2023-yilda Ermatov OFK ijroiya qoʻmitasining markaziy zona vakili etib saylangan.[5][6]
Qiziqarli maʼlumot
[tahrir | manbasini tahrirlash]Ravshan Ermatov hakamlarni mina izlovchi sapyorlarga oʻxshatadi. „Men hakamlarni mina izlovchi sapyorlarga oʻxshataman. Sal notoʻgʻri harakat minaning portlashiga olib keladi“, — deydi.[7] Guinness rekordlar kitobiga „Jahon chempionatlarini eng koʻp boshqargan hakam“ sifatida kiritilgan.
Mukofotlari
[tahrir | manbasini tahrirlash]- 2010-yilda Oʻzbekiston iftixori unvoni berildi.
- 2014-yilda El-yurt hurmati ordeni berildi.
- 2018-yilda Buyuk xizmatlari uchun ordeni berildi.
Manbalar
[tahrir | manbasini tahrirlash]- ↑ „Ravshan Irmatov to officiate opening match of 2010 FIFA World Cup South Africa“. Uzdaily.com (28-oktabr 2009-yil). 2-aprel 2016-yilda asl nusxadan arxivlangan. Qaraldi: 7-iyun 2010-yil.
- ↑ „Ravshan Irmatov appointed for 2010 FIFA World Cup“. the-afc.com.
- ↑ „Ravshan Ermatov boshchiligidagi hakamlar guruhi Braziliyaga yoʻl oldi“. 6-iyun 2014-yilda asl nusxadan arxivlangan. Qaraldi: 5-iyun 2014-yil.
- ↑ „Равшан Эрматов вазир ўринбосари бўлди“.
- ↑ „IFFHS талқини бўйича энг яхши ҳакамлар рейтинги эълон қилинди. Эрматов топ-25'да қайд этилди“. 2023-yil 11-martda asl nusxadan arxivlangan. Qaraldi: 17-mart 2023-yil.
- ↑ „Бугун ОФКнинг 33-Конгресси бўлиб ўтади. Равшан Эрматов ОФК Ижроия қўмитаси аъзосига айланади“. 2023-yil 17-martda asl nusxadan arxivlangan. Qaraldi: 2023-yil 17-mart.
- ↑ „РАВШАН ЭРМАТОВ ҲАКАМЛАРНИ МИНА ИЗЛОВЧИ САПЁРЛАРГА ЎХШАТАДИ“. futbol-info.uz (28-oktabr 2009-yil). Qaraldi: 7-iyun 2010-yil.[sayt ishlamaydi]
Havolalar
[tahrir | manbasini tahrirlash]| Wikimedia Commonsda Category:Ravshan Irmatov mavzusiga oid fayllar bor. |
- FIFA profili (Wayback Machine saytida 6-iyul 2010-yil sanasida arxivlangan)
- Ravshan Ermatovni baholang (Wayback Machine saytida 25-iyun 2010-yil sanasida arxivlangan)
- Ravshan Ermatov, Mail.ru
- Ravshan Ermatovning hayotiy aqidalari (Wayback Machine saytida 14-iyul 2014-yil sanasida arxivlangan)
- 9-avgustda tugʻilganlar
- 1977-yilda tugʻilganlar
- Toshkentda tugʻilganlar
- Buyuk xizmatlari uchun ordeni sohiblari
- El-yurt hurmati ordeni sohiblari
- FIFA Jahon chempionati 2018 hakamlari
- „Oʻzbekiston iftixori“ unvoni bilan taqdirlanganlar
- Yashayotgan insonlar
- Futbol hakamlari
- Toshkentlik futbolchilar
- Toshkent sport kishilari
- Oʻzbekistonlik futbol hakamlari
- Oʻzbekiston davlat jismoniy tarbiya va sport universiteti bitiruvchilari
- FIFA Jahon chempionati 2010 hakamlari
- FIFA Jahon chempionati 2014 hakamlari
- Olimpiada oʻyinlari futbol hakamlari
- Yozgi Olimpiada oʻyinlari 2012 futbol hakamlari
- CONCACAF Chempionlar Kubogi hakamlari
- AFC Osiyo kubogi hakamlari