Kontent qismiga oʻtish

Amir Temur ordeni

Vikipediya, ochiq ensiklopediya
Amir Temur ordeni
Mamlakat Oʻzbekiston bayrogʻi Oʻzbekiston
Taqdirlash asosi davlatchilikni mustahkamlashdagi ulkan xizmatlari, meʼmorchilikni, ilm-fan, adabiyot va sanʼatni, shu jumladan, harbiy mahoratni rivojlantirishga qoʻshgan ulkan hissalari uchun
Holati topshiriladi
Statistika
Birinchi taqdirlash 1996
Navbat
Toʻngʻich mukofot Mustaqillik ordeni
Kenja mukofot Jaloliddin Manguberdi ordeni

"Amir Temur" ordeni — Oʻzbekistonning davlat mukofotlaridan biri. 1996-yil 26-aprelda taʼsis etilgan.[1]

Nizomi

[tahrir | manbasini tahrirlash]

Bu orden bilan davlatchilikni mustahkamlashdagi ulkan xizmatlari, meʼmorchilikni, ilm-fan, adabiyot va sanʼatni, shu jumladan, harbiy mahoratni rivojlantirishga qoʻshgan ulkan hissalari uchun OʻzR fuqarolari mukofotlanadilar. Ushbu orden bilan davlatlararo hamkorlikni, tinchlikni hamda xalqlar oʻrtasida doʻstlikni mustahkamlash ishiga alohida hissa qoʻshganlik uchun OʻzR fuqarosi boʻlmagan shaxslar ham mukofotlanishi mumkin. Orden bilan mukofotlangan shaxslar qonun hujjatlarida belgilab qoʻyiladigan imtiyozlardan foydalanadilar. Orden koʻkrakning oʻng tomoniga „Mustaqillik“ ordenidan keyin taqiladi. „Amir Temur“ ordeni bilan vafotidan keyin mukofotlangan taqdirda orden, mukofotlash toʻgʻrisidagi hujjat va bir yoʻla beriladigan pul toʻlovi mukofotlanganning oilasiga topshiriladi. Ordeni bilan mukofotlangan shaxslar bazaviy hisoblash miqdorining yetmish karrasi miqdorida bir yoʻla toʻlanadigan pul mukofoti oladilar.[2]

Tavsifi

[tahrir | manbasini tahrirlash]

„Amir Temur“ ordeni 1 mikron qalinlikdagi oltin qoplangan 925 darajali (probali) kumushdan tayyorlanadi va ikki yon bagʻridan nurlar taralgan sakkiz qirrali musamman koʻrinishida boʻladi. Musammanning burchaklari orasida yashil rang emal qoplangan taram-taram boʻlib taralayotgan nurlar joylashgan. Musammanning qarama-qarshi uchlari orasidagi masofa — 57 millimetr. Nurlar jo boʻlgan aylananing diametri — 52 millimetr. Ordenning markazida ot mingan Amir Temurning qiyofasi kumush rangda tasvirlangan. Otliq ortidagi rangli emaldan ishlangan manzara moviy rangda. Otliq qiyofasini oʻrab turgan aylananing yuqorisida Oʻzbekiston Respublikasi Davlat gerbining ramzi — yarim oy va yulduzni oʻz ichiga olgan moviy musamman tasvirlangan. Musamman jo boʻlgan maydonning diametri — 10,5 millimetr. Yarim oy hamda besh qirrali yulduz jo boʻlgan maydonlarining diametrlari tegishlicha — 5,0 millimetr va 2,6 millimetr. Aylananing yuqori qismida oq rangli emal manzarada AMIR TEMUR yozuvi bitilgan boʻlib, u yoqutrang emal bilan qoplangan. Harflarning balandligi — 2,5 millimetr. Aylana boshdan oxirigacha marjonli naqshlar bilan oʻralgan. Aylananing diametri — 36 millimetr, qalinligi — 6 millimetr. Aylananing pastki qismida oq rangli emal manzarada moviy emaldan ishlangan KUCH — ADOLATDA soʻzlari bitilgan. Harflarning balandligi — 3 millimetr. Aylananing chekkalari har ikki tomondan 1 millimetr qalinlikdagi qizil emaldan ishlangan qabariq hoshiya bilan oʻralgan. Aylanalarning yuqori va pastki qismlari diametri 2,7 millimetrli ikkita yoqut tosh bilan ajratilgan. Ordenning orqa tomoni botiq boʻlib, markazida ordenni taqish uchun burama shtift va murvat bor. Pastki qismida ordenning tartib raqami 1 millimetr kattalikdagi botiq shrift bilan yozilgan. Ordenning qalinligi — 8 millimetr. Ordenning ogʻirligi — 60,5 gramm.

Taqdirlanganlar

[tahrir | manbasini tahrirlash]
  1. Islom Abdugʻaniyevich Karimov - davlat va siyosat arbobi, Oʻzbekiston Respublikasining birinchi prezidenti. Oʻzbekiston Qahramoni (1994).
  2. Boʻriboy Ahmedov - tarixchi, atoqli oʻzbek sharqshunosi, manbashunos, X-XIX asrlarga oid fors manbalari boʻyicha yirik mutaxassis, faxriy professor. Rossiya Federatsiyasi Fanlar akademiyasining faol aʼzosi.
  3. Inoyatov Rustam Rasulovich - davlat va jamoat arbobi.
  4. Rustam Qosimjonov - oʻzbek xalqaro shaxmat grossmeysteri, FIDE tasnifiga koʻra 2004—2005-yillar davomida shaxmat boʻyicha jahon chempioni, 1998-yilda Osiyo chempioni boʻlgan[3].
  5. Samarqand shahri[4].
  6. Shahrisabz shahri[5].
  7. Termiz shahri.
  8. Solijon Sharipov - uchuvchi va fazogir. Birinchi oʻzbek fazogiri[6].
  9. Andijon viloyati[7].

Manbalar

[tahrir | manbasini tahrirlash]
  1. ↑ „225-I-сон 26.04.1996. Амир Темур орденини таъсис этиш тўғрисида“. LexUz.
  2. ↑ OʻzME
  3. ↑ „„Xalq so‘zi" gazetasi 2004-yil 15-iyul soni O‘zbekiston Respublikasi Prezidentining 2004-yil 14-iyuldagi "R.Qosimjonovni «Amir Temur» ordeni bilan mukofotlash to‘g‘risida"gi Farmoni“ (http://press.natlib.uz/).
  4. ↑ „„Xalq so‘zi" gazetasi 1996-yil 29-avgust soni O‘zbekiston Respublikasi Prezidentining 1994-yil 28-avgustdagi "Samarqand shahrini «Amir Temur» ordeni bilan mukofotlash to‘g‘risida"gi Farmoni“ (http://press.natlib.uz/).
  5. ↑ „„Xalq so‘zi" gazetasi 1996-yil 29-avgust soni O‘zbekiston Respublikasi Prezidentining 1994-yil 28-avgustdagi "Shahrisabz shahrini «Amir Temur» ordeni bilan mukofotlash to‘g‘risida"gi Farmoni“ (http://press.natlib.uz/).
  6. ↑ „„Xalq so‘zi" gazetasi 2014-yil 23-avgust soni O‘zbekiston Respublikasi Oliy Kengashining 2014-yil 22-avgustdagi "Termiz shahrini «Amir Temur» ordeni bilan mukofotlash to‘g‘risida"gi Farmoni“ (http://press.natlib.uz/).
  7. ↑ „„Xalq so‘zi" gazetasi 2003-yil 23-avgust soni O‘zbekiston Respublikasi Prezidentining 2003-yil 22-avgustdagi "Andijon viloyatini «Amir Temur» ordeni bilan mukofotlash to‘g‘risida"gi Farmoni“ (http://press.natlib.uz/). 
"https://uz.wikipedia.org/w/index.php?title=Amir_Temur_ordeni&oldid=5269617" dan olindi