afroyî

Walon (Rifondou)

Etimolodjeye

Do viebe « froyî » avou l’ betchete « a- » des viebes.

Viebe

afroyî (viebe å coplemint) (2^inme troke) (codjowaedje)

1. fé divni on solé come li pî do ci (del cene) k’ el mete ; fé prinde a on want li fôme del mwin do ci k’ el poite, tos les froyant.
   • Mes noûs solés, dj’ els a afroyî kékes djoûs divant d’ aler ås noices avou, po n’ nén aveur må les pîs e dansant.
   • Les djouweus d’ bale raetchèt dins leu want po l’ afroyî.
   • Djë route avë ça come in tchèt tchôssé avë dès scrôyes dë djayes ! Djë mèt lès vîes ! Lès smèles sont afroyées, on s’ crwârot dins dès pantoufes — Ernest Benoit.
2. mete pol prumî côp (on mousmint) ; si siervi pol prumî côp (d’ ene usteye).
   • Vosse bele cote di marieye est ddja tote cafougneye !
     C’ est rén, hin, come ça, ele serè afroyeye !
   • Il afroye si nouve pupe.
   • Dji m’ va afroyî m’ novele cougneye.
3. esse li prumî ki passe so (on tchmin, on passaedje), et l’ rinde pus lådje, pus plat.
   • Les taessons afroyèt les pazeas, et après, tos les djibîs î passèt — Lucyin Mahin.
   • Avårci, c’ est les Celes k’ ont-st afroyî les prumîs tchmins.
4. fé travayî pol prumî côp (ene machine, on moteur, ene oto).
   • Po bén afroyî on moteur, el fåt poûssî pa des côps a fond, mins nén lontins.
5. fé l’ amour li prumî côp a (ene kimere).
   • Tins des noices, elle a afroyî l’ cote, et al nute, c’ est leye k’ a stî afroyeye.
   • Cwand i s’ a maryî, si feme esteut ddja afroyeye.
6. fé fé des mouvmints a (on boket do coir) po l’ estchåfer.
   • Li djouweu d’ bale afroye si bresse.
   • Dj’ irans piter on cwårt d’ eure, manire d’ afroyî nos viyès djambes.

Ratourneures

1. afroyî on martchand : esse li prumî atchteu del djournêye.
2. afroyî l’ gozî : (po rire) boere ene gote po rinde li gozî pus lådje po cåzer, po tchanter.
   • S’ i n’ sait tchanter, dinez lyi ene gote po-z afroyî s’ gozî.
3. afroyî ene glissåde : passer l’ prumî so on ridoe, pol rinde bén ridant.

Parintaedje

• afroyaedje
• afroyeu

Sinonimeye

(si siervi pol prumî côp)

• sitrimer

Sinonimeye

(fé fé des mouvmints po-z estchåfer)

• disroedi

Ortografeyes

Divant 1900 :

• afroï : E177b, E212 ^(lére)
• afroïî : C9a ^(lére)
• afroy : E177a ^(lére)

Après 1900, foû rfondou (Feller, Feller ricandjî, nén Feller) :

• aflouyî : O3
• afroyer : S17
• afroyî : C1, C13, E1, E34, O0, O2, O3, O4
• afroyi : C8

E rfondou walon :

• afroyî : R9 ^(lére), R10 ^(lére)

Ratournaedjes

afroyî

• Francès : assouplir ^(fr)

mete, si siervi pol prumî côp

• Francès : étrenner ^(fr)

esse li prumî ki passe so on tchmin, evnd

• Francès : frayer ^(fr), ouvrir ^(fr), défricher ^(fr), rendre praticable

fé travayî pol prumî côp

• Francès : rôder ^(fr)

fé l’ amour li prumî côp

• Francès : dépuceler ^(fr)

fé fé des mouvmints a (on boket do coir) po l’ estchåfer

• Francès : échauffer ^(fr), dérouiller ^(fr)

afroyî l’ gozî

• Francès : dégager la gorge

afroyî ene glissåde

• Francès : polir ^(fr)