Ceke polaire antartike
Li ceke polaire antartike, c' est onk des cénk mwaisses paraleles metous so les mapes daegnreces. C' est l' paralele ki s' trove al latitude di 66° 33' 38" a nonne del roye di l' ecwåteur. Dins totes les plaeces a nonne do ceke polaire antartike i gn a pol moens on djoû d' l' anêye ki l' solea dimeure å dzeur del roye do cir les 24 eures do djoû e-n erote; del minme manire totes ces plaeces a nonne do ceke polaire ont pol moens on djoû d' l' anêye ki l' solea dimeure 24 eures e-n erote pa dzo l' roye di cir, sins s' mostrer.
A bijhe del bole daegnrece i gn a-st on sfwait ceke polaire, lomé li ceke polaire artike.
Li continint ki s' trouve å dvins do ceke polaire antartike si lome l' Antartike. A bijhe do ceke polaire antartike, c' est li zône timperêye nonnrece.