Episode list

Randalín byrjar í nýjum skóla og gerir eitraða og örvæntingarfulla tilraun til þess að ná athygli Munda og verða vinkona hans.

Randalín og Mundi leita eftir hjálp dávalds til þess að bjarga Randalín frá stórhættulegum ávana og kynnast hinni mögnuðu Grétu Hansen í kaupbæti.

Heima hjá Grétu Hansen borða Randalín og Mundi yfir sig af gömlu nammi og komast að því að framundan eru dularfull verkefni sem þeim ber að leysa með hjálp enn dularfyllri verkfæra.

Randalín og Mundi eignast nýja vini í nágranna sínum Jakobi og kulvísa snáknum hans og líka í manni sem segist vera sjálfur Stekkjastaur.

Ógnvænleg öskur heyrast frá íbúð Ketils og skringilegur gjörningur hans á jólatónleikum Vox Happiness vekur upp áleitnar spurningar hjá krökkunum.

Nýja vinkona krakkanna, Fatíma, hverfur skyndilega af jólatónleikunum ásamt dóttur sinni og hinn fjandsamlegi Ketill verður æ grunsamlegri.

Rafmagnið fer skyndilega af blokkinni sem leiðir Randalín og Munda í hættulegan leiðangur í myrkan kjallarann.

Randalín og Mundi fara til Grétu Hansen í leit að upplýsingum um myrkraverk Ketils og neyðast til að setja á svið kaffiboð til þess að fá fleiri vísbendingar.

Krakkarnir baka fyrir hina árlegu piparkökuhúsakeppni, en verður fljótt ljóst að þeim er ýmislegt annað til lista lagt en að baka piparkökuhús, eins og til dæmis það að gera símaat.

Þegar Randalín verður ljóst að þau Mundi munu tapa fyrir Anítu og Stefáni í piparkökuhúsakeppninni, reynist henni erfitt að hafa stjórn á sér.

Öll spjót beinast að Randalín og Munda sem nauðverjast í erfiðri stöðu og missa fyrir vikið sína einu vísbendingu um hinn dularfulla og leiðinlega Ketil.

Óvænt heimsókn lögreglunnar í leit að Fatímu og Nínu styrkir krakkana í þeirri trú að Ketill hafi eitthvað dularfullt að fela.

Krakkarnir geta ekki sofið fyrir endalausum heilabrotum um jólagjafir og grunsamlega hegðun fullorðna fólksins og hætta sér í spennuþrungin rannsóknaleiðangur að næturlagi.

Samviskan er farin að naga örþreytta krakka eftir svefnlausa nótt og Mundi vill játa yfirsjónir sínar fyrir Anítu og Stefáni en Randalín er efins.

Gréta Hansen gefur mikilvæg ráð en Ketill slær persónulegt met í leiðindum, Randalín og Mundi velta því fyrir sér hvort að grunsamlega hegðun nágrannanna eigi sér eðlilegar skýringar.

Foreldrar Munda verða æ skrýtnari, pendúllinn virðist hættur að virka og krakkarnir komast að því að Ketill og Svanhvít eiga sér stórt leyndarmál.

Loksins fá krakkarnir svör við mikilvægum spurningum sem reynast snerta fleiri en nágrannana og stærri en þau óraði fyrir.

Það sem virðist í fyrstu vera sakleysisleg bekkjarferð á Árbæjarsafnið, reynist síðar verða til örlagaríks upplýsingaleka í boði Anítu og Stefáns.

Þó rómantíkin svífi yfir vötnum á Árbæjarsafni hjá fullorðna fólkinu, magnast ótti krakkanna um að Fatíma og Nína séu í vanda og þau reyna sitt besta til þess að hjálpa.

Randalín og Mundi stela veitingum og stinga af úr jólalegu ljóðaboði á hlýlegan og dulrænan felustað.

Randalín og Mundi eru elt af óvinum sínum á felustað Fatímu sem hefur örlagaríkar afleiðingar í för með sér.

Jólaball skólans tekur óvæntan snúning þegar Aníta og Stefán vilja gera hreint fyrir sínum dyrum og skólafélagarnir átta sig á hvers þau geta verið megnug ef þau leggjast á eitt.

Randalín og Mundi finna ráð við fýlunni af kæstri skötu og átta sig á að það er best að ræða málin þegar vináttan reynist flókin.

Nágrannakærleikurinn er aldrei mikilvægari en á jólunum og jólaboð Fatímu tekur óvænta stefnu, en hvar er snjórinn?