मनिषले निर्देशन गर्दै ‘टाइगर ३’

मुम्बई । बलिउड अभिनेता सलमान खानको नयाँ चलचित्र ‘टाइगर ३’ को निर्देशन मनिष शर्माले गर्ने भएका छन् । अभिनेता सलमानले केही दिनअघि चलचित्र निर्माण हुन लागेको संकेत गरेका थिए ।

मनिषले अभिनेता साहरुख खानसँग चलचित्र ‘फ्यान’ मा काम गरेका थिए । यो चलचित्र बक्सअफिसमा असफल भएको थियो । ‘एक था टाइगर’ हिट भएपछि सलमानले ‘टाइगर जिन्दा हे’ मा काम गरेका थिए । यसपछि, सलमानले ‘टाइगर ३’ मा काम गर्न लागेका हुन् ।

सलमान अभिनीत चलचित्र ‘राधे’ को छायांकन लकडाउनका कारण रोकिएको छ । इदमा रिलिज हुने भनिएको यो चलचित्र अब भने कहिले रिलिज हुन्छ पक्का छैन । सलमानले ‘राधे’ पछि कुन चलचित्रमा काम गर्दैछन् भन्ने कौतुहलता उनको फ्यानमा छ ।