Maine unke sath uthna baithna, bat karna, khana khana sab band kar diya.
Kuch din to unko is bat ka aehsas hi nahi hua. Magar jab kuch din bat unhe
is bat ka aehsas hua to un ne mujhse iski vajah puchi. Tab maine unhe unki us jalil harkat ke baare me bataya. Jise sunkar unke pairon se jameen hi
khisak gayi. Lekin un ne mujhe bhi wahi jabab diya jo chhoti maa ko diya tha. Tab maine unhe koi jabab to nahi diya, magar us din se mera unke sath
sirf naam ka hi rishta rah gaya. Hum baap bete ek ghar me bhi rahkar ajnbi ki tarah rahne lage aur fir kuch samay bad mai ami nimi ke sath idhar upar
aakar rahne laga.
Itna kah kar mai khamosh ho gaya. Keerti jo abhi tak khamoshi se meri bat sun rahi thi. Usne mujhse pucha.
Keerti boli "kya tum mausa ji ko maf nahi kar sakte."
Mai bola "maf to use kiya jata hai jo apni galti maane. Use kya maf karu jo apni galti ko manne ko hi taiyar nahi hai."
Keerti boli "mausi ne ye bat to shayad mammy ko bhi nahi batayi hai."
Mai bola "han is bat ko mere aur unke siwa koi nahi janta. Vo to shayad ise bhul bhi gayi ho magar papa ka us ladki se ye kahna aaj bhi mere kaano
me ghunjta hai ki yadi tu meri beti hoti to tere sath mai kab ka ye sab kar chuka hota."
Keerti boli "ye sab bolne ki bat hai. Koi bap apni beti ke sath aisa nahi kar sakta."
Mai bola "vo bap nahi havas ka bhuka bhediya hai. Na jane is bich me us ne aur kitni ladkiyon ke sath ye sab kiya hoga. Lekin yadi usne kabhi meri
ami nimi par apni buri najar dali to vo uski jindagi ka aakhiri din hoga. Mai use jinda nahi chhoduga."
Keerti ne papa ke liye mere andar itni nafrat aur gussa dekha to vo bat ko palatne ke liye boli.
Keerti boli "chal is bat ko yahi khatam kar aur ye bata mehul ko uske papa ki bimari ke bare me kab aur kaise batayega."
Maine apne dimag ko shant kiya aur bola.
Mai bola "pahle uncle ka waha se phone to aa jaye ki Dr. kya bol rahe hai fir uske bad hi mai is bare me kuch sochuga."
Thodi der hum logon me uncle ki tabiyat ke bare me hi bat chalti rahi. Fir keerti ne kaha ki use nind aa rahi hai. Vo kal ki tarah mere sine me sar rakh
kar aur mujhe apni banhon me jakad kar aankh band kar leti hai. Lekin apne atit ko yad karne ke bad meri aankhon se nind gayab ho chuki thi. Kuch
der bad keerti mujhe jagta dekhti hai to, fir kal ki tarah mere balon me hath fer kar mujhe sulane lagti hai. Uske aisa karne se mujhe rahat mehsus hoti
hai aur kuch der bad meri nind lag jati hai.
Subah 7 baje meri nind khulti hai. Mai apne kamre me akela tha. Niche se ami nimi ki aawaj aa rahi thi. Keerti bhi niche hi thi. Shayad vo hi school jane
ke liye nimi ko taiyar kar rahi thi. Mere ghutne me aaj dard kuch kam tha. Maine apne ghutne ko moda to vo
ab kuch had tak mud raha tha. Mai uth kar fresh hone bathroom me chala gaya. Kuch der bad mai fresh hokar bahar nikla aur kabde pahanne laga.
Tabhi Keerti nasta lekar aa gayi. Maine nasta kiya aur dawa khilane ke bad vo chali gayi. Mai apne kamre me hi aaram karta raha. Fir 9 baje papa ke
office jane ke bad mai khud se niche aakar baith gaya aur meri keerti se bat chalti rahi. Is bich aisa kuch bhi khas nahi hua jise bataya ja sake.
Dopahar ko 1 baje ami nimi School se aa gayi aur hum sabne khana khaya. Sabki baten hoti rahi. Tabhi 2 baje kamal keerti ka beg aur kapde lekar aa
gaya. Vo sham tak ruka aur fir ghar chala gaya. Yu hi pura din gujar gaya aur fir roj ki tarah rat ko keerti mere paas hi soyi. Dusre din vo chhoti maa ki
scooty lekar school bhi gayi. In 2 dino me mai apne ghar se nahi nikla. Mumbai jane se pahle riya mujhse milne aayi. Fir teesre din riya vapas mumbai
chali gayi. Meri uncle se bhi phone par bakayda bat chalti rahi.
Yu hi karte karte 1 hafta beet gaya. Ab mai puri tarah se thik ho chuka tha aur kal ke din keerti ko vapas jana tha. Uske jane ki bat se na to mujhe acha
lag raha tha aur na hi use acha lag raha tha. Rat ko jab keerti mere pas sone aayi to vo udas lag rahi thi.
Mujhse uski udasi dekhi nahi ja rahi thi.
Mai bola "dekh ab mai bilkul thik hu. Ab to mai kahi bhi aa ja sakta hu. Fir tu yu udas kyo hai. Kya tujhe mere thik hone se khushi nahi huyi hai."
Keerti boli "kaisi pagal jaisi bat karta hai. Mujhe bahut khushi huyi tere ache hone se. Mai to udas isliye hu kyoki kal mujhe vapas ghar jana hai."
Mai bola "ghar jane me udas hone ki kya bat hai. Tujhe to khushi khushi ghar jana chahiye."
Keerti boli "mere jane se tujhe khushi ho rahi hai to tu khushi mana. Lekin tujhse door hona mujhe acha nahi lag raha hai."
Mai bola "pagalpan ki baten to tu kar rahi hai. Ghar jane me udas hone ki kya bat hai. Mai kaun sa tujhse door hu. Tera jab mujhse milne ka man
chahe tu mujhe bula lena. Mai tere pas aa jauga aur ab to tere pas mobile bhi hai. Tu jaab chahe mujhse bat kar
sakti hai."
Meri baton se keerti ko kuch rahat mili aur fir hum dono so gaye. Subah keerti ne apna saman pack kiya aur fir mai use ghar tak chhod kar aaya.
Magar ghar aane ke bad mujhe bahut suna suna lag raha tha. Yu lag raha tha ki jaise ghar ki saari raunak kahi kho gayi ho. Rat ko mujhse khana bhi
dang se nahi khaya gaya aur mujhe nind bhi nahi aa rahi thi. Keerti ke na hone se mujhe apne kamre me rahna tak acha nahi lag raha tha. Mai apne
kamre se bahar nikal aaya. maine ami nimi ke pas jane ki sochi magar vo so chuki thi. Aakhir me mai laut kar vapas apne kamre me aa gaya aur tv
chalu kar tv dekhne me man lagane ki koshish karne laga. Lekin mera man tv dekhne me bhi nahi lag raha tha. Mai nahi janta tha ki keerti ke jane ke
bad mujhe uski itni jyada yad aayegi. Mujhse uske bina ek pal bhi nahi raha ja raha tha. Maine tv band kar di aur aankh band karke let gaya. Meri kuch
samajh hi nahi aa raha tha ki mai kya karu.
Rat ke 12 baj gaye the aur ab mujhe keerti par gussa bhi aa raha tha, ki usne mujhe ek call karne ki jarurat bhi nahi samjhi. Mai man hi man keerti par
gussa kar raha tha ki tabhi keerti ka call aa gaya. Uska call dekhte hi mere chehre par raunak aa gayi. Maine uska call turant uthaya.
Mai bola "tu to mujhe jate hi bhul gayi. Ek bar bhi call karne ki jarurat nahi samjhi."
Keerti boli "agar bhul gayi hoti to tujhe itni rat ko khud se call nahi lagaya hota. Bhul to tu mujhe gaya hai. Tune jarurat nahi samjhi ki kam se kam mera
haal chal puch le."
Mai bola "ami nimi ki kasam mai tujhe bahut miss kar raha hu. Aaj tere bina mera kamra bhi mujhe kaatne ko daud raha hai. Sab kuch ujda ujda sa lag
raha hai aur ek tu hai jise ab mujhe call karne ka time mila hai."
Keerti boli "acha to mujhe bhi nahi lag raha tha isliye mai sham ko hi so gayi. Abhi jaise hi nind khuli to sabse pahle tujhe call kiya hai."
Mai bola "tu sham se so rahi hai to fir tune khana kab khaya."
Keerti boli "aaj mujhe bhuk hi nahi hai to khana kaise khati."
Mai bola "dekh yu khali pet rahna galat bat hai. Pahle tu kuch kha le fir hum log bat karte hai."
Keerti boli "khana hi to kha rahi hu."
Mai bola "kya kha rahi hai."
Keerti boli "tera bheja jo kha rahi hu."
Mai bola "dekh majak band kar aur jaldi se kuch kha le."
Keerti boli "sach me mujhe bhuk nahi hai."
Mai bola "mai teri koi bat nahi sunuga. Mai call kat raha hu. Pahle tu kuch kha kar aa. Uske bad mujhe call karna. Mai tere call ka wait kar raha hu."
Ye kah kar maine call kat diya aur keerti ke call aane ka wait karne laga. Fir koi 10-15 minit bad keerti ka call aaya.
Mai bola "kuch khaya ya nahi."
Keerti boli "han kha liya."
Mai bola "jhut to nahi bol rahi."
Keerti boli "teri kasam. Sach me khana kha kar aa rahi hu."
Mai bola "thik hai. Ab ye bata kkaisa gujara aaj ka din."
Keerti boli "bahut bura. Saare time teri yad satati rahi. Dil kar raha tha ki tere pas vapas chali jau. Mujhse tere bin nahi raha ja raha hai."
Mai bola "yar meri bhi halat kuch aisi hi hai. Tere bina kuch bhi acha nahi la raha. Agar tera call nahi aaya hota to shayad mai sach me hi pagal ho
jata."
Aur fir 1:30 baje tak hum log aise hi bat karte rahe. Aakhir me mujhe hi keerti se phone rakhne ko bolna pada. Usne kal rat ko phone karne ka bolkar
phone rakh diya. Keerti se bat hone se mera man kuch halka ho gaya tha. Mai uske bare me sochte sochte hi so gaya.
Agle din se mai bhi school jane laga. Uncle mumbai se aa chuke the. Meri unse mulakat bhi huyi thi. Maine unhe bataya ki abhi maine mehul ko kuch
bhi nahi bataya hai. Unne bataya ki Dr. ne operation ke liye bola hai. Kuch din bad unhe fir mumbai jana hai. Un ne mehul ko sab bat batane ko bola to
maine kal bat karne ko bola. Rat ko maine keerti ko sab bat batayi. Keerti ne kaha ki vah bhi mere sath kal mehul se bat karegi. Mai kal us se mehul ke
sath milu. Maine uski bat maan li aur kal us se milne ko kaha.
______________________________
Update-35
Aur fir 1:30 baje tak hum log aise hi bat karte rahe. Aakhir me mujhe hi keerti se phone rakhne ko bolna pada. Usne kal rat ko phone karne ka bolkar
phone rakh diya. Keerti se bat hone se mera man kuch halka ho gaya tha. Mai uske bare me sochte sochte hi so gaya.
