Udaan

By
Kaushal Meshram

True Incident
Episode-3
Title credit ke music sath hi ese folleys chal rahe hain
jaise ki phone ke tones, pub parties ke loud music, Landline
phone ki bell, police ki siren, kuch logo ka fusfusana,
moaning ki awaz, typing ki awaz, walkie pe police wali ki
aawaz.. minister table pe rakhe bell ki awaz ke sath moaning
karti ladki ki aawaz aur footage se dessolve ho kar...

SCENE 1 INT MORNING FARMHOUSE DEHRADUN

Subah Mamta ki ankh khulti hai aor vo lazily uth ke baith

jati hai. Vo side me dekhti hai to Dvivedi so raha hota hai.
Mamta apne balo ko ek bun me bandhti hai aor uth ke washroom
chali jati hai. Vo naha kar wapas ati hai to Dvivedi uth
chuka hota hai. Dvivedi Mamta se batein karta hai.

DVIVEDI
pata hi nahi chala raat kaise beet
gayi. Ab kab milenge.
MAMTA
Jab tum fr se Meerut aao.
DVIVEDI
Kab aau batao.
MAMTA
Bahut jaldi hai haa tumhe, tumhara
kaam araam ka hai mujhe bahut kam
hota hai, ab ek do month ke pehle
koi chutti nahi.

DVIVEDI
Ye to zulm hai.
MAMTA
Hai to, par mere sath rahoge to
yehi milega.

DVIVEDI
Milega to bahut kuch par sabse bada
to ye intezaar mil raha, tumse
milne ke liye itna wait karna pada
ab dusri bar milne ke liye frse
wait?
MAMTA
To kya option hai tumhare pas?

(CONTINUED)
CONTINUED: 2.

DVIVEDI
Mere sath trip pe chalo.

MAMTA
Trip? Apni image ka koi dhyan nahi
hai na tumhe. Kaha le jaoge, Paris?
DVIVEDI
Paris nahi Rome, aor tumhare rom
rom me waha bas mai hi rahunga.
MAMTA
Poor joke.
Aor Dvivedi Mamta ko haste hue apni baho me le leta hai.
Thode der masti karne ke bad aor baat karte karte Dvivedi
washroom chala jata hai aor Mamta uske jate hi apna bag pack
karne lagti hai. Mamta apna jwellery box nikal ke check
karti hai aor fr wapas rakh ke turant ready hone ke liye
mirror ke pas chali jati hai. Dvivedi ata hai aor vo use
dekh ke smile karti hai. Dono thode der bad dono waha se
nikal ki baat karte hai.
CUT TO...

SCENE 2 INT MORNING THANA

Chandan chaube bohot hi khaau kisam ka officer hai aur wo

apne thane me baith kar samose aur chatni kha raha hota hai
aur aur 2 hawaldaaro ko bhi samne bitha kar unhe bhi enjoy
karwa raha hota hai aur apni hi tareef kar rah hota hai aur
kehta hai ki wo saare bade logo khaas aadmi hai islie unke
kripa drishti bani hi rehti hai. khud bhi khane ka shaukeen
hai par shareer me kuch lagta nahi hai isilie bus khata
rehta hai aur isi bich uska call bajta hai,
CHANDAN CHAUBEY
(bohot zor se thahake lagate
hue kehta hai)
abhi abhi main apko hi yaad kar
raha tha madam sahibaa.
MAYA VO
Bus bus makkhan baaz... kuch kaam
diya tha tumhe... kisi majnu ko
sidha karna hai... kya hua uska???
CHANDAN CHAUBEY
madam aapne to kal hi dia tha uske
baare ma pata laga hai wo bhi bohot
bade paise wala admi hai...
hahahah... aur aj bolo to usko tod
du... hahahah...

(CONTINUED)
CONTINUED: 3.

(ye kehte hue use zor ki dakar

aa jati hai)

aur fir khud bhi hasta hai aur samne wale hawaldar bhi haste
hain...
MAYA VO
ab kya muhurth nikalenge iske lie
ki aur paise lenge alag se ... kaam
aj hi ho aur koi kisi ko tang naa
kare khaas kar ke jab baat ladki ki
aati hai tab to aur bhi nahi...
CHANDAN CHAUBEY
hahaha aap fikar mat kariye madam
ji kon kon si haddi tut.ti hai uska
xrya bhejta hu.
CUT TO...

SCENE 3 INT MORNING OFFICE SMRITI

Smriti apne cabin me baithi hoti hai, uske samne uski team.
Koi kuch keh nahi rahe bas soch rahe.

SMRITI
Abha, Is video ke bare me baat
humare office se bahar nahi jani
chaiye. Case se scandal ban jaega
aor State home minister media dono
ko handle karna muskil ho jaega.
ABHA
Madam vo handled hai, hume shayad
State home minister ko bta dena
chaiye.

SMRITI
Haa mai unke ghar jaungi, Least
attraction chaihiye hume isme.
ABHA
Anupama ka reaction dekhne wala
hoga madam.
SMRITI
Anupama ka reaction kaisa hoga I am
unsure vaise bhi agar ye short term
relation hai to mujhe nahi lagta
usse kuch milega. But in the
meantime, I want you all to get me
everything on Manoj.

(CONTINUED)
CONTINUED: 4.

ANJANA BHATI
Madam, aor Vinay ka kya karna hai?

SMRITI
Vo mila nahi?
ANJANA BHATI
Nahi madam, uska koi thikana nahi
hai, uski gadiya chalti hai uske
number nikalne ki koshish chal
rahi.
SMRITI
Vo, Maya Jaiswal... usse meeting
fix karao meri.

Ye kehkar Smriti waha se nikal jati hai aor Abha lead karne
lagti hai.
ABHA
Okay, sab apni ab tak ki report
recite karo.
POONAM VERMA
Manoj ke office se 15 february ko
Vinay Appu 2 carton leke bahar
gaya. Vo kya leke aya tha aor kya
leke gaya, usse puchtach me
nikalana hai mujhe.
ABHA
Vinay ka pta lagane me Suresh ki
help lagaegi, aor Poonam tum office
ki aor footages dekho, office se
aor bhi bahut kuch mil sakta hai.
Anjana?
ANJANA BHATI
Mai ghar ke around aor deep dig
karungi, mujhe Anupama aor Manoj ke
bich ke rishto ka pata lagana hai.
ABHA
Bilkul ek padosi jaise baat kar
rahi tum, Suresh... us number ka
kuch pata chala?
SURESH YADAV
16 tarikh se band hai vo number.
Interesting ye hai ke jab Manoj
hastinapur gaya tha tab vo number
bhi waha tha. aor ab is video ke
bad hume pata hai kyu.

(CONTINUED)
CONTINUED: 5.

ABHA
Bahut chalu ladki hai but uska pata
hi nahi chal pa raha.
DEVKI TANWAR
Mai to bas aise hi sabse chat kiye
ja rahi, Manoj ne khud apne
rishtedaro se itni baat nahi ki
hogi jitni mai kar rahi.
Sab hasne lagte hai.

ABHA
Devki, I guess ab tumhe vo karne ki
zaurat nahi, Vinay achanak Manoj se
milne ata hai aor agle din se vo
number band hai. Vinay ko dhundhna
priority hai. Suresh tumhe yaha ka
local sab kuch maloom hai sab jagah
chano ise...
CUT TO...

SCENE 4 INT AFTERNOON MANOJ BANGLOW

State home minister aor uski wife living me three seater
sofe me baithe hue hai aor dusre sofe me Anupama baithi hai.
Awkwardly vo log kuch der ek dusre ko dekhte hai aor fr
State home minister pehle bat shuru karta hai.
STATE HOME MINISTER
Gudiya ko school bhej dena chaiye
ab, kafi din ho gaya.

ANUPAMA
Bhaisahab abhi bahut kuch sunna
padega usko.
STATE HOME MINISTER
Vo bacchi hai, use kuch pata nahi
abhi, use koi kya sunaega school
me. Hum apne emotions ka bojh uspe
nahi dal sakte.
ANUPAMA
Aap keh rahe ke mai uspe bojh dal
rahi.
MEENA
Nahi Anu, inka ye matalab nahi hai.
Par tum dekho khud ko. Tum Din bhar
akele rehti ho apne room me, na
(MORE)
(CONTINUED)
CONTINUED: 6.

MEENA (cont’d)
kahi jati ho na Gudiya ko le jati
ho. Unpe iska asar pad raha.
ANUPAMA
Aap log kya chahte hai bhabhi mai
sab bhul ke normal act karu jaise
ap aor bhaisahab kar rahe.
MEENA
Haa karo, samjhao khud ko. Anu,
humare liye bhi easy nahi hai.
Mujhe choro par tumhare bhaisahab,
Komal tum janti ho unki taqleef?
par hum baccho pe to zahir nahi kar
sakte na... kal rat...

STATE HOME MINISTER

Meena... jane do.
Komal Mehra Meena ko chup kara deta hai jab vo use kuch bata
rahi hoti hai. Anupama chup rehti hai kuch nahi kehti. Tabhi
naukar aakar batata hai ke SP sahiba ayi hui hai. Anupama
unko andar bhejne ke liye kehti hai. Smriti suresh ke sath
ghar ke andar ati hai aor sabko greet karti hai. Jaise hi
Smriti aati hai naukar sab ghar se bahar chale jate hai.
gudiya apni nani ke sath dusre floor me hote hai. Room me
bas 4 log hote hai aor Smriti apni baat shuru karti hai.

SMRITI
Thankyou itne short notice me ap
sab mujhe ek sath mile aor sab
arrange kiya. Maine aap dono, Komal
Ji aor Anupama, apse ek theory
share ki thi, blackmail ki. Uske
connection me ek solid evidence
mila hai.
ANUPAMA
Aap sidhe mudde pe kyu nahi ati
kabhi.
STATE HOME MINISTER
Anu!
(anupama ko chup rehne ka
ishara karta hua)
Ha SP sahiba, aap bata sakti hai jo
bhi hai, jab apne yaha ane ki bat
kahi hume pata tha kuch badi baat
hai.

(CONTINUED)
CONTINUED: 7.

SMRITI
It is okay Sir, but I want to make
sure ke ye room baat karne ke liye
safe hai.
MEENA
Bacche upar hai nani ke sath,
Naukar sab bahar bhej diye gaye
hai. You can feel comfortable
sharing anything here.
SMRITI
fair!... Manoj had an affair,
(thode der rukti hai aor sbke
chehre dekhti hai)
aor wahi unka blackmailer bhi hai
hume aisa lagta hai.
ANUPAMA
Kya hai aisa apke pas proof?
(Anupama thoda jhijhak ke sath
kehti hai)
Anupama fr se defensive hokar bat karti hai aor Smriti table
pe laptop rakh ke sabko video dikhati hai. Video dekhte hi
teeno shocked ho jate hai. State home minister ki wife muh
me hath rakh leti hai uske liye apne devar ka aisa video
dekhna bilkul comfortable nahi hai, State home minister sir
pakad ke baith jata hai aor unki ankh laal ho jati hai. Unka
expression normal se sad me change ho jata hai par ankho me
gussa dikh raha hota hai. Anupama fr bhi bina koi reaction
bas screen me dekh rahi hoti hai. Smriti sabko sink in karne
ka time deti hai. Vo fr sbke reaction dekhti hai aor fr
Suresh ko.
SMRITI
Ab apko pata hai ye secret rehna
kyu zaruri tha, Mehra sahab, apko
pata hai ye bahar gaya to kya hoga.
Ye case totally change ho jaega aor
apki position bhi.
STATE HOME MINISTER
Ye ladki kon hai? Ye kaha mila
apko?
SMRITI
Manoj ke phone se retrive kiya hai.
Hume nahi pata ye video aor kaha
hai, kiske pas hai, Hume ye bhi
nahi pata ye ladki kon hai aor vo
kiske sath kam kar rahi thi. Ye
blackmailer ladki hai ya koi aor.

(CONTINUED)
CONTINUED: 8.

STATE HOME MINISTER

Baat bahar nahi jaegi, opposition
me bawal ho jaega, party bhi mujhe
nahi choregi. Kya approach hai ab
apka?
(tensed awaaz me sbako warn
karta hua fr Smriti ke taraf
dekhta hai)
SMRITI
Blackmailer ye ladki bhi ho sakti
hai. Ye video Hastinapur me liya
gaya.
MEENA
Hastinapur?

SMRITI
Suresh, ap details bataenge?
SURESH YADAV
jee madam. Manoj maut se 2 hafte
pehle 6-7 february ko business trip
ke nam se hastinapur gaye the jaha
unke sath ye ladki bhi thi. Hume ek
CCTV footage mila hai par ladki
bilkul bhi clear nahi dikh rahi.
Humara andaza hai ke wahi us ladki
ne ye video banay aor fr ane ke bad
Manoj ko ye dikha kar 1 crore ki
firauti mangi.
Sabka chehra pale hone lagta hai. Komal Mehra apni mutthi
bana leta hai.

SURESH YADAV
Ane ke bad Manoj ne 11 tarikh ko 50
lakhs bank se nikale aor 13 tarikh
tak baki ke 50 lakh nikale. Jiske
bad unhone 15 tarikh ko paise
handover kiye aor 16 se us ladki ne
number off kar diya. 16 se 20 ke
bich Manoj bas ek bar office gaye
hai vo bhi off time me.
SMRITI
Thankyou Suresh. To humari search
bahut choti hai. Hume ye paise
dhundhne hai aor vo ladki. Humare
pas jo leads hai unse hum dono ko
aggressively track kar rahe.

(CONTINUED)
CONTINUED: 9.

ANUPAMA
Kon hai vo ladki?
SMRITI
Hume abhi nahi pata, kuch ladkiyo
ko track kar rahe, ap logo ko koi
hint hai?
STATE HOME MINISTER
Nahi, paise... itne paise Manoj ne
kab aor kaise diye agar vo ghar se
bahar gaya hi nahi.
SURESH YADAV
Hume doubt hai Vinay Appu pe, jo 15
ko Manoj se milne unke office gaya
tha.

STATE HOME MINISTER

Aor ye Vinay kaha hai?
SMRITI
Uski khoj kar rahe.

MEENA
ye sab...aap log kab tak pakad
sakte hai inko?
SMRITI
Meri team already lag gayi hai use
dhundhe me. Mujhe aap logo se janna
tha, especially Anupama se, ke kisi
pe shaq hai ya koi aisa incident
yad hai jisse humari madad ho.

Anupama bhari hui ankho se Smriti ke taraf dekhti hai jisme

anger bhi hota hai, uske look se lagta hai vo abhi uth kar
Smriti ka khoon kar sakti hai aor vo uth ke andar chali jati
hai. Baki sab use dekhne lagte hai aor fr State home
minister jaise taise khud ko sambhal ke kehta hai.

STATE HOME MINISTER

Anu aor Manoj ki shadi ko 8 saal ho
gaye, love marriage thi. Mujhe
yakeen nahi ho raha ke Manoj ne
aisa kiya. Par usse bhi zyada ke
usne iski wajeh se apni jaan li.
Mujhe jald se jald chaiye ye ladki.
Aap bas case pe focus kare baki sab
mai sambhal lunga.
Meena Komal ke shoulder pe hath rakh kar use calm rakhne ko
try karti hai aor Smriti aor Surezh shant rehte hai.
 10.

CUT TO...

SCENE 5 EXT AFTERNOON MEERUT MARKET AREA

Devki market me jati hai jaha Vinay ki gadi load unload ke
liye aati jati rehti thi. Use pata chalta hai ke Vinay ki 2
gadiya hai jo wholesalers se edibles ka order bulk me leti
thi. Devki Abha ko call karta hai ye batane ke liye.
DEVKI TANWAR
jai hind madam, Vinay ke kaam pe to
lead mili, par uska koi godown nahi
hai, Vo order pick and drop karta
hai bas.
ABHA
Uska thikana?
DEVKI TANWAR
Apne khabari lage hai uspe, uska
koi permanent number bhi nahi hai.

ABHA
Thik hai kaam jari rakho.
DEVKI TANWAR
Uska transport hub wala office hai
jaha search kar sakte hai.

ABHA
Uska office, ghar , bar jaha bhi
jata hoga sab jhan karo, baki ki
team ko bhi kam pe laga lo.

DEVKI TANWAR
jee madam.
CUT TO...

SCENE 6 EXT AFTERNOON POLICE STATION

Abha yaha Devki se baat karne ke bad Maya ke office me phone
lagati hai. Uske reception me call lagta hai.

ABHA
Mujhe Maya Jaiswal ka appointment
chaiye SP Smriti Kaushik ke sath
meeting ke liye, Manoj Mehra ke
suicide case me.

iske bad vo Smriti ko phone lagati hai.

 11.

CUT TO...

SCENE 7 EXT AFTERNOON MANOJ BANGLOW

Yaha Smriti banglow se nikal ke apni gadi me baithti hai jab
use Abha ka call ata hai.
SMRITI
ha Abha.

ABHA
Jai hind madam.
SMRITI
Jai hind.

ABHA
Maya Jaiswal se meeting fix ho gayi
hai 4 baje ke liye.
Smriti time dekhti hai.

SMRITI
Uske office ka adress bhejo, wahi
jati hu.
ABHA
Madam, send kar diya hai.

SMRITI
Good, Vinay ka kya hua?
ABHA
Lead bahut sari hai, Deepak sab
jageh chan kar rahe, mil jaega.
SMRITI
Mujhe Vinay aaj hi chaiye.

CUT TO...

SCENE 8 EXT AFTERNOON MEERUT SLUMS

Yaha Poonam ke kehne par kuch aise clients se mil rahi jinhe
Vinay regular basis pe deliver karta hai aor uski
whereabouts dhundhne ki koshish karti hai. Vo 4-5 locations
jati hai aor logo se milti hai.
CUT TO...
 12.

SCENE 9 INT AFTERNOON OFFICE MANOJ

Yaha Anjana ab un sab ladkiyo ki talash kar rahi jo Manoj ke
touch me 7-9 month se hai, ya jinhe manoj salo se janta hai,
vo office me sare staff se puch arhi ke Manoj ke kisse kaise
rishte the.

CUT TO...

SCENE 10 INT AFTERNOON OFFICE MAYA

Smriti Maya ke office ke waiting area me baithi wait kar

rahi hai. Thode der me use receptionist andar jane ko kehti
hai. Smriti waha se uth ke andar ke taraf jati hai aor ek
cabin ka door open karti hai aor use andar table ke pas
chair pe baithi hui Maya dikhti hai. Smriti andar jane ki
permission mangti hai.
SMRITI
Ms. Maya kya mai andar aa sakti hu.

Maya Smriti ke taraf dekhti hai aor fr smile karti hai.

MAYA
Are SP sahiba, aaiye na please.
Vo apne chair se khade hote hai aor samne rakhe sofe set ke
taraf ishara karke Smriti ko baithne ko kehti hai. Smriti
office ko dekhti hai jaha window se city ka view dikh raha
uske samne sofa set hai jaha ek chai high back ke ath hai
aor baki ek couch rakha hua hai. Smriti jakar couch me baith
jati hai aor Smriti high back chair me.

MAYA
Sorry apko itni der wait karna
pada, mai preoccupied thi. Kya
lengi aap, chai ya coffe.

SMRITI
Nahi mujhe kuch nahi chaiye, thanks
for offering.
MAYA
Manoj ke case ke bare me apko mujse
kya janna hai.
SMRITI
Mai bas ek general puchtach kar
rahi. Aap to achese janti thi Manoj
ko aor Komal Mehra ko bhi.

(CONTINUED)
CONTINUED: 13.

MAYA
Jee ha, kafi ache relation hai
humare, but zyadatar preofessional
hi hai.
SMRITI
Kya mai jaan sakti hu kaise?
MAYA
Bilkul, Apko pata hi hoga mai art
promoter hu, mai humare local
handicraft aor artefacts ki
crafting and sale dono karti hu.
Isi me mai government ke sath bhi
alinged hu. Government ke shops me,
workshop, exhibitions sab me mere
hi karigaro ka kam jata hai. Bas
isi silsile me humari mulaqat hoti
rehti thi Komal Mehra se. Komal
kafi khule dil ke hai aor milansar
hai. Aise hi ek exhibition me Manoj
se bhi mulaqat hui thi. Dono bahiyo
ko Art me bahut interest hai aor
mere kam ko closely follow karte
hai. Infact unhone mere NGO me bhi
kai bar donate kiya hai.

SMRITI
To ap unse bas events me milti hai?
MAYA
Shuruwat me to wahi tha, par achi
jamne lagi humari, Mai unko kuch
5-6 saal se janti hu. Manoj ka
suicide mere liye bahut shocking
tha...apko kuch mila uske bare me?
SMRITI
Bas usi ki talash me apke pas ayi.
Aap last ke kuch dino me mili thi
Manoj se?
MAYA
Jee nahi, meri kafi pehle mulaqat
hui thi...
(kuch sochte hue)
Nahi, Mai last time Delhi apne
exhibition me thi, tab milna hua
tha.

SMRITI
Okay, Aap Vinay ko janti hai na,
Vinay Appu?

(CONTINUED)
CONTINUED: 14.

MAYA
(thoda shant hoti hai)
Haa, mere orphanages me ration wahi
lata hai, office me delivery ka kam
karta hai, infact koi badi donation
ki delivery ho to bhi hum uski pick
ups use karte hai. Kyu?
SMRITI
Use humne Manoj ke office me jate
dekha tha, kuch package late aor le
jate. Apko koi idea hai iska?
MAYA
Dekhiye muje personally koi idea
nahi hai iska but agar Manoj ke
liye vo kaam karta bhi hoga to koi
badi bat nahi hai.
SMRITI
Jee nahi, Manoj ke liye kam nahi
karta, bas ek bar milte dekha hai.
Apko pata hai na Vinay ka criminal
background hai.
MAYA
Jee mai aware hu, but maine kam
dene se pehle background check kiya
tha, mai ek social worker hu aor
mera kam hai society ko uplift
karna, Vinay ne pehle kuch choriya
ki hai but ab vo apna ek kam kar
raha to why not support him.

SMRITI
Ms. Maya aap Vinay se kis number pe
contact karti hai?
MAYA
Dekhiye meri direct dealing kisi se
nahi hoti ab, par mai apne
secretery se keh kar apko number
dilwati hu.
SMRITI
Thankyou, number to huamre pas bhi
hai but mujhe janna tha ke vo kaha
milega.
MAYA
Iska to mujhe idea nahi, mere staff
ke pas uska office number bhi hai,
Par ap aise kyu puch rahi, Uska
(MORE)
(CONTINUED)
CONTINUED: 15.

MAYA (cont’d)
Manoj ke suicide se connection hai
kya?
SMRITI
Hum bas Manoj ke track records dekh
rahe aor Vinay ek outsider laga to
bs, Ye koi lead nahi hai bs pata
chala apke liyte kam karta hai to
maine socha apse background jaan lu
uska.

MAYA
Jee, apko aor bhi kuch help chaiye
to mai humesha available hu, Manoj
mere lie chote bhai jaisa tha, Aap
kafi kabil afsar hai I hope aap
pata laga lengi.
SMRITI
Rest assured, hum pata laga lenge.
Abhi mai chalti hu. Apke time ke
liye dhanyawad.

Smriti waha se nikal jati hai.

CUT TO...

SCENE 11 EXT/INT AFTERNOON SLUMS

Yaha Anjana Basti ke bahar road me khade hue kisi ka wait
kar rahi jab waha Suresh Yadav ata hai.

ANJANA BHATI
Sir Vinay pe mujhe lead dene ke
liye thankyou. Par apko khud ane ki
zarurat nahi thi.
POLICE INSPECTOR SURESH
Ye case itna interesting ho gaya
hai mai kya karu dur hi nahi reh
pata.
ANJANA BHATI
Haha, to operation Vinay shuru kare
sir?
POLICE INSPECTOR SURESH
chalo.

(CONTINUED)
CONTINUED: 16.

Suresh aor Anjana jate hai basti me jaha Vinay hota hai.Kafi
galiya cross karne ke bad vo log ek adde pe jate hai jaha
Vinay apne dosto ke sath baitha tash khel raha hota hai.
Pehle Suresh enter karta hai aor uske piche Anjana, Vinay
police ko dekh ke khada ho jata hai.

ANJANA BHATI
Vainy Appu
VINAY
jee madam, mai hu.

ANJANA BHATI
Tumko kal se call kiya ja raha
tumhara number off hai.
VINAY
Kyu madam, kya hua.
ANJANA BHATI
Tumhe thane chalna hoga.
VINAY
Par maine kiya kya?
ANJANA BHATI
Ek bar me phone utha ke aa jate to
aise nahi puchna padta.

VINAY
Madam mai pick up leke bahar gaya
tha, aaj hi aya hu, phone off ho
gaya to...

SURESH
Vinay... mujhe bhul gaya kya?
VINAY
Salam sahab, apko kaisi bhulunga.
Bas madam itna sawal kar rahi.. Sir
batao na kya hua hai.
SURESH
Kafi salo se tune thane ka rasta
nahi napa to mai bhi aa gaya.

VINAY
Kya sahab aap to sahrminda kar
rahe, Maine ab vo sab kam band kar
diya.

(CONTINUED)
CONTINUED: 17.

SURESH
Chal thane me chal kar batana haal
chaal, Kuch puchtach karni hai.
VINAY
Jee, jee... sir ji.
CUT TO...

SCENE 12 INT EVENING POLICE STATION

Abha cabin me baithi hoti hai jab Anjana andar ati hai sath
hi suresh bhi aata hai.
ANJANA BHATI
Jai hind, madam. Vinay ko le ayi
hu.
ABHA
utha ke layi ho ya bula ke?
ANJANA BHATI
Uthana nahi pada, Delhi gaya tha,
ab aa gaya to mere sath bhi aa
gaya.
(dono haste hai)
Abha bell bajati hai aor hawaldar ke ane pe kehti hai.

ABHA
Andar leke aao use.
Vinay hawaldar ke sath andar aata hai aor aakar chair me
baith jata hai.
ABHA
Tum sachme kahi gaye the ya police
se bhag rahe the?

VINAY
Madam mai bahar tha.. pehle bhi
bata chuka hu.
ABHA
Aor koi proof hai?

VINAY
(kuch sochta hai)
jaha gaya tha waha ka recipt hai
aor call pe bat kara sakta hu, par
hua kya hai.

(CONTINUED)
CONTINUED: 18.

ANJANA BHATI
Manoj Mehta, uske sucide ka news
nahi dekha kya?
VINAY
ha dekha madam..
ABHA
To, bataega tu usse kyu milne gaya
tha?

VINAY
Unhone bulaya tha, office me apne,
kaam ke liye.
ABHA
Kya kaam?

VINAY
madam pick up aor delivery ka kam
hai mera, unko mera service chaiye
tha.

ABHA
Tu koi package leke aya tha uske
liye.
VINAY
Vo madam, daru ke ek do carton the,
videsi sharab. Unhone bola tha ke
Delhi se le ana.
ABHA
Tumhare sath to koi call records
nahi hai uske.
VINAY
Mere company ke number pe bat hua
tha, bada client hai islie mai khud
gaya.

ABHA
Kya baat hui tumhari usse?
VINAY
Unko apna site ke kam ke liye mera
gadi lagana tha. Koi bada site tha
waha.
ABHA
To lagaya?

(CONTINUED)
CONTINUED: 19.

VINAY
Nahi, us din to nahi ek do din me
unhone mana kar diya, unko jama
nahi mera kam.

ABHA
To tumko fr daru wapas kyu de diya?
VINAY
wapas? wapas nahi diya.

ANJANA BHATI
To tum kya leke nikle waha se?
VINAY
Kuch saman diya tha apne site me
dene ke liye, wahi ja raha tha mai
to...
ANJANA BHATI
Tu kuch bhi kahani banaye ja raha,
Jab tera kam nahi pasand aya to
tujhe kyu saman dega? Sach bata kya
leke bahar aya?
VINAY
Are sach bol raha mai...
ABHA
konsi site pe gaya tha, kya leke
gaya tha, tu kitne number use karta
hai, sab yaha likh ke jaa, apna
statement deke.

Aor Abha hawaldar ko bulati hai.

ABHA
iska statement lo, iske sare
number, address, sab kuch.

Fr vo Vinay ke taraf dekh ke bolti hai.

ABHA
Kuch bhi upar niche mila, tujhe fr
pakdenge.

CUT TO...
 20.

SCENE 13 INT NGT HOME SMRITI

Smriti ek long tiring day ke bad apne ghar aati hai. Gadi
garage me rakh kar ghar ka lock open karti hai aor phir
andar jati hai. tv me news laga kar chod deti hai aur news
me lagatar Manoj ke case ka postmortem karne me lage hue
hain aur debets bhi chal rahe hain... Reporter Sanjana
lagatar sach ke talash me lagi hui aur uske pas ese khabar
hote hain jo use Kundali de raha hota hai to wo bhi, aur
shower karke change karti hai, aor phir fridge se bacha hua
khana nikal ke microwave karke tv on karke uske samne baithe
k khane lag jati hai. Vo channels change karte hue news
channle pe rukti hai jispe Manoj ke case ka coverage aa raha
hai. Is news me news sampadak keh raha hota hai ke kaise SP
change karne ke bad bhi Police kuch khas nahi kar pa rahi
hai aor abhi tak koi naya sabut nahi aya hai. Sath hi State
home minister ke police station ane ki footage ko chala kar
kehte hai ke shayad kuch ho raha jo media se dur rakha ja
raha hai.Smriti ye news dekhte hue khana khatam karti hai
aor fr bed me jane se pehle ek bar fr Manoj ke footage ko
dekh ke fr copy pen utha kar details note karne lagti hai.

CUT TO...

SCENE 14 INT NGT APARTMENT MAMTA

Mamta apne apartment me aati hai aor chain ki saans leti

hai. Aor turant shower leti hai. Shower se nikal ke jab vo
mirror ke samne khade hoti hai. Vo apne phone pe thode der
dekhti hai aor fr bed me thak ke pad jati hai. upar ceiling
fan ko dekhte hue kab uski nind lag jati hai usse paat hi
nahi chalta. Fr doorbell ki awaaz ati hai jisse vo daar ke
uth jati aor bed me hi baith jati hai. Thode der me jab bell
fr se bajta hai to vo uth ke hall tak jati hai, door open
karke apna food ka parcel leti hai aor use sofe ke pas hi
table pe rakh deti hai. darwaja khula chhod kar, Kitchen se
vo plate aor pani ki bottle leke ati hai aur samne dekhti
hai ki Pushkar sofe par baitha hua hai, wo pehle dekhkar dar
jati hai fir khud ko khana serve kakre khane lagti hai.
MAMTA
(dinner karte hue)
to ab baat yaha tak aa chuki hai ki
tum chor uchhakko ki tarah ghar ke
andar aane lagoge..
PUSHKAR
(khushi se)
suno tum kuch to acting karti hi ho
life me, kuch to chechra kehta hai
tumhara... usi ko dekhne aajata
hu... baaki na tv ka shauk hai naa
hi biwi kaa..

(CONTINUED)
CONTINUED: 21.

MAMTA
to ab ek kaam karo ki tum ab dekh
lie to ya sath me dinner kar lo ya
to jao ...
PUSHKAR
(meratiya english me)
thankyou for asking... par tumne
pucha achha laga... ab me chalta hu
par tumhare bohot se chahre hain
aur wo tumhari jo bhi sacchai hai
mujhe pasand hai aur tum bhi, apna
khud jamega... chal bye good
night...

Thode der me vo jata hue uske gale me hath ferta hua uske
forehead me kiss kar ke chala jata hai... Mamta bhi uske
touch ko mehsus karti hai aur use pure feeling mehsus hoti
hai par wo wo apna dhyan bhatkane ke lie tv on karti hai aor
news me use State home minister dikhta hai jo police station
ke samne car se utar raha. Vo news ka volume badha kar dhyan
se sunne lag jati hai. Uska gala sukhne lagta hai, suddenly
vo aor bhi dara hua mehsus karne lagti hai. Uska closeup
dekhne se uski ankho me vo news dikh rahi hoti hai aor
sampadak ki awaz sunai deti hai. Tabhi uska phone bajta hai
aor vo pick karti hai.

MAMTA
Vinay, kya hua?
VINAY
Aaj police ne apan ko bulaya tha.

MAMTA
Aor?
VINAY
Kafi kadak investigation kar rahe,
thode din low key raho.
MAMTA
Tumko pata hai abhi mai ayi hu
dehradun se abhi to game shuru
karna hai.

VINAY
Nahi abhi nahi, risk nahi le sakte,
thode din ruko, police pakka mujpe
nazar rakh rahi hogi.

MAMTA
Theek hai.
Vinay ka call rakhne ke bad Mamta ek aor call lagati hai.

(CONTINUED)
CONTINUED: 22.

CUT TO...

SCENE 15 EXT NIGHT ROAD MERUT

Police ki gadi khadi hai aur usme Chandan chaube baitha hua
paav bhaji khata hai sath thi sath chai pee raha hota hai...
aur uske sath 2 junior police jo ki jawan hai aur 2 (40-45
age) hawaldaar bhi unhe bhi khila pila raha hai police ki
gadi ke andar hi...

CHANDAN CHAUBEY
bus ab tab aata hoga fikar mat
karna... jyada sawal jawab nahi bus
nam puchhna aur pel dena..
JUNIOR POLICE
ji sir pura tod denge...
CHANDAN CHAUBEY
good... fir batana kaha chalna
khana khane?? hahahaha.... badhiya
dhabe pe khana khilaunga tension
mat lo.
utne me Pushkar apni car se aata hai aur police wale use
rokte hai ausse uska naam puchte hain aur fir
POLICE WALA
naam ke hai tera...
PUSHKAR
Pushkar tomar ..
POLICE WALA
license dikhao.
Pushkar apni gadi se license nikal kar dikhata hai...
license dekh kar police wala use bahar bulata hai push kar
bahar aata hai aur fir police wale use side me le kar jate
hai apni car ke pas aur Chandan ji andar hi baithe hain ek
aur police wala aata hai aur hawaldar bhi sath me
POLICE WALA
to kaam kya karte ho ladkiyo ko
chhedne ke alawa..

PUSHKAR
jante naa ho abhi ulajhna nahi
galat fasoge...

(CONTINUED)
CONTINUED: 23.

POLICE WALA
jyada baat nahi karna... ladki
chhedta hai saale..
ab koi aav dekha naa taav do hawaldaro na use pakad kar
rakha aur dono police wale use todte rahe aur wo chhilata
raha.
Chandan chaubey khate peete apna mobile nikal kar madam ko
call kar ke khabar deta hai.

CHANDAN CHAUBEY
(khate-khate bat kar raha hai)
hello... hahahah, Madam kaam ho
gaya hai aapka aur ab wo bilkul
pareshan nahi karega... hahaha

MAYA VO
good... ab wo kisi ko bhi chhedna
nahi chahiye..
CHANDAN CHAUBEY
Madam ... hahaha ... aap fikar naa
karo kuch bhi nahi karega bohot
toda hai use.
haste haste wo phone cut karta hai...
CUT TO...

SCENE 16 EXT/INT MORNING OFFICE SMRITI

Smriti apni gadi khud chalati hui office pahuchti hai jaha
use Abha aur Anjana bahar hi chai pite hue milte hai. Vo
usse salute karte hai aor fr chai offer karte hai. Smriti
hath se han ka ishara karti hai aor fr car park karti hai
tab tak wo Devki ko keh kar chai mangwate hain... tab tak
Smriti waha aa jati hai unse baat karne lagti hai.

ABHA
Kuch mila madam Banglow se?
SMRITI
Ansu mile aor kuch nahi. Jaha the
wahi hai hum, bas State home
minister ka freehand hai. To hume
bas kam shuru rakhna hai.
ANJANA BHATI
Rani se puchtach chal rahi poonam
hai waha, jhallai hui hai par usse
maine sari ladkiyo ki puchtach ki
(MORE)
(CONTINUED)
CONTINUED: 24.

ANJANA BHATI (cont’d)

hai jo uske sath Manoj ke yaha kaam
karti thi.
SMRITI
Yes, usne Manoj ke staff ka
identity use kiya, office se hi
connected hogi.
Smriti baat karte hue age jane lagti hai aor Abha aor Anjana
use follow karte hue report dete rehte hai. Smriti ke office
pahuchte hi vo log plan karte hai apne agle 2 din ka
investigation.
SMRITI
Maine kal video fr se dekha aor
kuch zaruri chize mili muje. baaki
ek bat to hai ki Suresh kaam ka hai
aur bhale hi jaisa ho kam me
imandar hai... iski khaas jarurat
rahegi... aya nahi wo..?
ABHA TYAGI
wo aur unke pantar vinay pe nazar
banaye hue hain... aur usne kal hi
uske phone ko taping ke lie daala
par ab tak manjoori nahi mili..

SMRITI
suno apne admi se karwao...
Vo log chai khatam kar ke Smriti ke office ke andar chale
jate hai, aor Vo apna laptop age karti hai jisme usne video
ke bahut sare screenshot leke rakhe hai.

SMRITI
Ye to sure hai ke ye Hastinapur ke
banglow ka hi hai to ye usi trip ke
time ka video hai, maine hastinapur
ke Manoj ke ghar ke pictures mangwa
liye hai. Dusra ye ke ye mobile se
banaya hota to halka sa to hilta,
itne harqat se hilta, ye camera
ekdum fixed hai, matlab bahut
planning se ye video liya gaya hai.
Matlab ladki koi professional hai.

ANJANA BHATI
Matlab ye blackmail koi affair
nahi, planned hai.

(CONTINUED)
CONTINUED: 25.

ABHA TYAGI
fr to madam hume prostitutes ka
pata lagana chaiye.

SMRITI
Prostitute hoti to vo use apne
bangle me kyu leke jata.
ABHA TYAGI
Shayad naam kharab na ho islie.
Smriti ka mobile ring hota hai again kisi unknown number se
par kuch dekha hua number hai jo Smriti ke expression se
agta hai ki dekha hua number hai, wo phone pic karti hai...

KUNDALI
Namaskar... aaj ke mukhya
samachar.. aap jis bhi disha me
gati... kar rahi hai wo apni jagah
sambhal chuke hain kripya apni gadi
rok kar saanshe barein aur jal
bicha kar janwar fanse...
SMRITI
tum kon ho ? agar tum sab jante ho
to bata kyu nahi dete..?

KUNDALI
ap jise talashte hain main unke
bare me hi bus janta hu baaki kuch
aur nahi... apne kal jise jane dia
wo jate jate hi sambhal gaya... ap
jaha jaha jagah chhodenge waha waha
ap case se door honge... jaldi hi
kuch aur nayi khabar ke sath
upasthiti darj karai jayegi...
keh kar jald hi usne call cut kar diya... aur fir Smriti
pareshan ho kar thode der phone ko dekh kar ... puchhti hai
ki hum kaha the...
ABHA TYAGI
wo prostitue ko apne bangle me
islie le kar jata hai taki uska
naam naa kharab ho...
SMRITI
Neta ka bhai hai vo, aor hume uska
record pata hai, ye ek hi number pe
mahino se bat ho rahi, ek
prostitute ko itna time kyu dega.
wo thode der soch kar Suresh ko call lagati hai

(CONTINUED)
CONTINUED: 26.

SMRITI (CONT’)
hello! Suresh... kaha ho?
SURESH YADAV
slums ke bahar mere admi log uspe
nazar banaye hain ap fikra mat
kariye... Ek ek min wo mere radar
me hai...
SMRITI
tum bohot badhiya kaam karte ho..
thode alag bhi ho... suno aate wakt
humare lie yaha ki famous mawa
jalebi lete aana...
SURESH YADAV
Jarur maam sham ko office me report
karta hu jai hind...
SMRITI
Jai hind...
Smriti thodi chain ki saans le kar phone table par rakh kar
conversation aage badhati hai
ABHA TYAGI
matlab kisi ladki ne physicial hone
ke bahane ye blackmail plant kiya
hai.

SMRITI
Exactly, aor ye koi aisa vaisa kam
nahi, camera quality bahut acha
hai.

Smriti Anjana ko kehti hai ki...

SMRITI
ye kis camera se shoot hua hai pata
lagaoi model number pata karo baaki
tum samajh gai naa Unique identity.

tabhi Poonam waha aati hai aur kehti hai. aur Anjana apne
mobile se call karne lagti hai aur waha the thoda dur jati
hai ...

POONAM VERMA
Madam ye kuch jyada nahi bata rahi
wahi purana ghisa-pita jawab de
rahi.

(CONTINUED)
CONTINUED: 27.

SMRITI
Abha... ise jane do uska jo bhi
statement hai jane do baki
procedure dekh lo...

Abha order le kar waha se chali jati hai...

SMRITI
Devki kaha hai?
POONAM VERMA
Vo Manoj ke sare active sites pe
pata laga rahi ye Vinay ki story.
SMRITI
Kya lagta hai ye Vinay ka?

ANJANA BHATI
Madam kuch kaha nahi ja sakta,
Manoj to hai ni sach batane ko, Par
itna to hai usko laga nahi tha hum
usko bulaenge, ya to usne bas paise
chore ya sachme use kuch malum
nahi.
CUT TO...

SCENE 15 EXT/INT AFTERNOON CITY MEERUT

Yaha city me Devki ka pura din ja raha ek jageh se dusri

jageh jane me. Vo Manoj ki us site pe jati hai jaha ka Vinay
ne bataya tha, sath hi sare site ke mailk ke offices me
jaakar waha logo ko apna card dikha kar baat karti hai apni
team ke sath. Wahi Poonam, Anjana ke sath abhi bhi alg alg
ladkiyo se baat karne me lagi hui hai. Vo Manoj ke office ki
sari females se bat karti hai use footage wali ladkiyo se
milane lagti hai. Fr vo uske sare dosto ka list niklawati
hai aor shortlist karti ahi. Vo uske clients, unki wives,
family members sabke details dekhti hai.

CUT TO...

SCENE 16 EXT/INT DAY CM KARYALAYA SMRITI

Yaha Smriti apni gadi chala kar CM ke office ati hai aor
sidhe andar jati hai. CM, State home minister aor DGP uska
hi wait kar rahe hote hai. Vo log Smriti ke case smbhalne ke
baad se pheli baar mil rahe.

(CONTINUED)
CONTINUED: 28.

DGP
Komal Ji ne already hume details
diye hai, Aapne 2 din ke span me jo
results laye hai hum sab usse kafi
khush hai. mai specially bahut
proud hu ke aap sahi disha me kaam
kar rahi. Wahi hume dukh bhi hai ke
Manoj ji jaise sidhe sadhe insan ek
ladki ke chakkar me fas gaye.

Smriti shock se DGP ko dekhti hai par us waqt kuch kehti

nahi.
DGP
Aage ka action plan kya hai Smriti?

SMRITI
Thankyou Sir, is case me mujhe ap
sab logo ke support ki bahut hi
zyada zarurat hai, Media already
speculate kar raha bahut kuch jabse
maine State home minister sahab ko
station bulaya aor fr unke bhai ke
banglow me gayi. Mujhe bahut se
calls and press conference ka
pressure aa raha. Agar aap vo dekh
le to bahut help ho jaegi.

CM
Uski chinta mat karo, uske liye hum
hai. Aor kya baat hai batao.

SMRITI
Abhi tak us ladki ya iske piche jo
bhi hai uska zero knowledge hai
hume par mai Manoj ke last 10 din
ke track records nikal rahi, humare
results ke speed ke basis pe mai 2
din ka samay aor chahti hu.
STATE HOME MINISTER
SP sahiba aap do din lijiye par
apko pata hai do din ke bad vo
ladki aor chawkanni ho jaenge.

SMRITI
jee mai janti hu, vo to abhi bhi ho
sakta hai sheher chor ke ja chuki
ho, mujhe family se bhi koi lead
nahi mili hai ap jante ho, Mai
andhere me teer chala rahi hu.
(vo State home minister ko
indirectly taunt karti hai)

(CONTINUED)
CONTINUED: 29.

STATE HOME MINISTER

Apka nishana sahi lagna apki
position ke liye bhi bahut zaruri
hai.
(State home minister bhi use
jawab me warning deta hai)
SMRITI
Sir hume Vinay pe shaq hai, Manoj
ke paise nikalne ke bad ek vo hi
aisa insan Dikha jo Manoj ke office
se ye paise le ja sakta hai.
CUT TO...

SCENE 17 INT AFTERNOON SPA MAMTA

Yaha Mamta Spa me enter karti hai aor reception me

receptionist se pure din ke appointments puchti hai aor fr
waiting area cross karte hue andar staff area me jati hai.
Vo apne staff se thode der bat karti hai fr Spa pe ek nazar
dalte hue apne cabin me chali jati hai. Apne office me
baithe hue vo Spa ka hisab dekh rahi hoti hai tabhi uske pas
uski ek staff member ati hai.
SEEMA
Madam apne kal bola ke vo client ko
appointment nahi dena hai abhi.
(Vo actually apne dusre
business ki bat kar rahi hoti
hai, ye wahi Seema hai jo
hotel me us admi se bat kar
rahi thi)

MAMTA
Haa, Abhi kuch din nahi.
SEEMA
But usko massage chaiye.

MAMTA
2-3 ruko, bol do sare spot booked
hai, uske bad mai batati hu.
Seema iske bad chali jati hai aor Mamta sir pakad ke baith
jati hai.
CUT TO...
 30.

SCENE 18 INT DAY OFFICE STATE HOME MINISTER

Yaha Komal Mehra conference call me Delhi me meeting kar
raha state welfare ke liye. Jaise hi uski meeting khatam
hoti hai vo call off karke pani pita hai tabhi uska PA Ashok
Khumawat use medicine deta hai.

STATE HOME MINISTER

Thankyou Ashok.
PA ASHOK KHUMAWAT
Sir, kuch pata chala, Manoj ke case
me?
STATE HOME MINISTER
(halka hasta hai)
Kitni ajib bat hai na Ashok, Mera
bhai insan se kuch hi din me case
ban gaya hai.
PA ASHOK KHUMAWAT
(haklate hue)
Nahi sahab mera vo matlab nahi
tha...
STATE HOME MINISTER
I know Ashok, abhi kuch khas pata
nahi chala hai, tumhe kya lagta
hai?

PA ASHOK KHUMAWAT
Mujhe?
STATE HOME MINISTER
Haa, tum jante the Manoj ko itne
saalo se, kya lagta hai kyu kiya
hoga usne ye?
PA ASHOK KHUMAWAT
Sahab mujhe to lagta hai ye Anupama
aor Manoj ke bich ki kuch baat hai,
apko pata hai kuch aor use itna
affect nahi karta tha. Apko yad hai
jab Gudiya ke paida hone ke bad
Anupama ji ki tabiyat bahut kharab
ho gayi thi aor Manoj sab chor ke
ghar baith gaya tha? Anupama ke
mayke me... Vo kam chor sakta tha
Anupama ko nahi.
Aor Komal sochne lag jata hai.

CUT TO...
 31.

SCENE 19 EXT/INT DAY SLUMS VINAY

Yaha Vinay apne thikane me baithe hue kuch calls lagata hai
apne kuch admiyo ko. Vinay ko pata hai police uske piche aa
chuki hai aor vo sab record clear kar raha.

VINAY
Paise distribute ho gaye?
Iske bad ek bande ko dikhata hai jo gadiyo me alag lag
driver ko payment karta hai.

VINAY
Hard drive?
Fr ek admi ko dikhata hai jo ek remote location me ek purani
building ke piche jaakar kuch hard disks ko jala deta hai.

VINAY
order le jakar orphanage me aaj hi
dal do.
teesre ko vo deliver karne bolta hai aor fr chain ki sans
lekar apni daru khatam karta hai.
CUT TO...

SCENE 20 INT EVENING OFFICE SMRITI

Smriti ke office me Manoj ke case ke chart ke sath sari team

bhari discussione me lag jati hai, Suresh bhi waha maujood
hai. Shuruwat Smriti karti hai.
SMRITI
2 din hai humare pas ab, jiske bad
mujhe fr CM ko report karna hai.
ANJANA BHATI
Ye to fr se school jane jaisa ho
gaya hai.
SMRITI
Usse bhi bura, isme fail hue to
mark nahi naukari jaegi. Well, hum
abhi kaha hai? Mujhe sabse janna
hai.
ABHA
Manoj ke 10 din ke movement to
humne pehle din hi nikal liye the,
bank manager se kuch khas nahi mila
bas ye ke ek business me paise
(MORE)
(CONTINUED)
CONTINUED: 32.

ABHA (cont’d)
phase hai jaha use apna khud ka
paisa dalna pad raha. Hastinapur se
ane ke bad Manoj ke footprints city
me drastically kam ho gaye the. Ane
ke bad vo bas ek bar apni family ke
sath bahar gaya hai, ek bar State
home minister se milne aor ek bar
bank. iske alawa 3 bar office gaya
hai. Shayd blackmail ne use kafi
chakhjhor diya tha.

SURESH YADAV
Hastinapur police ko uske banglow
me bheja tha. househelp se pata
chala ke Anupama kabhi waha jati
nahi aor Manoj apne business
meeting ke liye aa raha tha to usne
use chutti di thi. Padosiyo se bhi
kuch khas nahi mila. Vo sheher
chota hai aor Manoj ne overnight
drive kiya. Par waha ek petrol pump
ki footage nikalne me mai succesful
raha.
SMRITI
To vo dikhao.

Footage me Manoj ki gadi dikhti hai, gadi me ek ladki dikhti

hai but footage me chera bilkul bhi saaf nahi hota.
SMRITI
Come on Suresh, kuch to aor hoga.
city se nikalte time, kahi bhi kuch
bhi.
SURESH
maine sab check kiya hai Madam. But
ya to ye ladki kafi tez hai ya koi
iski madad kar raha, Manoj ne isko
jaha se bhi pick kiya uska location
hume nahi mila, aor jaha be cctv
mila hai, ye ladki ne manage kiya
hai ke vo dikhe na.
SMRITI
Ho sakta hai iske pas help ho, ye
kafi young lag rahi, itne paise
aise hi kaise liye. Tripti, tum
sure ho paise Vinay hi leke gaya
tha?

(CONTINUED)
CONTINUED: 33.

ABHA TYAGI
Manoj khud kisi se mila nahi, uske
staff me se kisi ko paise diye ho
aor vo chupa rahe to hum kuch keh
nahi sakte, but fr ye Vinay ka
timimg match kar raha.
SMRITI
Haa, Manoj clearly off tha, vo
Vinay se aor kyu meeting karega?
Matlab isne blackmailer ko paise
pahuchane ke liye Vinay ka use
kiya.
ANJANA BHATI
But madam, mujhe ye samajh nahi aa
raha, ke apne kisi bharosemand ko
chor ke usne ek naye admi Vinay ko
kyu bulaya?
POONAM VERMA
Vinay gangster hai aor ho sakta hai
use us ladki ne hi bheja ho, Vinay
khud illegal chize idhar se udhar
karta hai.
SMRITI
Devi, vo jis site ka bat kar raha
tha Vinay, waha se kuch mila?

DEVKI
Kuch khas nahi. Unhone bola ek din
me kafi material ata hai aor paise
to nahi aye.

SMRITI
Matlab chances ye hai ke Vinay ne
hi knowingly ya unknowingly ye
paise pahuchaye hai. Is bar 3rd
degree use karo.

DEVKI
Okay madam.
SMRITI
Humare hisab se Manoj kahi gaya hi
nahi zyada, na apne office par
Anupama keh rahi thi vo ghar pe
rehta hi nahi tha, us rat bhi late
aya islie guest room me soya.

(CONTINUED)
CONTINUED: 34.

SURESH YADAV
matlab Anupama aor Manoj ke rishte
thik nahi chal rahe the, kuch to
shaq use bhi hua hoga jo vo hume
nahi bata rahi.

ABHA TYAGI
ya vo khud hi is sabka part ho.
ANJANA BHATI
Possible. unki love marriage this
uske liye muskil raha hoga. Anupama
se to baat kar lenge but pata hai
isse important bat kya nikal ke ati
hai.
POONAM VERMA
ke uski biwi hi blackmailer hai?
Smriti soch me pad jati hai vo apne chart pe kuch new
findings update karti hai aor mudkar Abha ko kehti hai.
SMRITI
Vo video ke camera ke bare me kya
pata chala?
ANJANA BHATI
Madam, kafi mehnga camera hai,
bullet camera, jo ke bilkul dikhta
nahi, Hastinapur ke us bedroom ki
bed ke backrest me cushion laga
tha,
Vo hastinapur se ayi photo dikhati hai.

ANJANA BHATI
Pakki bat hai ke isi me camera fit
kiya hoga.
SURESH YADAV
Sari chize planned hai, camera
lagane se leke paise lene tak.
ABHA
Ye to pakki player lagti hai

SMRITI
Ek blackmail ke liye itni mehnat?
Kafi confident bhi lagti hai, ho
sakta hai usne ye pehle bhi kiya
ho. Hemant, ladkiyo pe koi lead hai
apne pas?

(CONTINUED)
CONTINUED: 35.

ABHA TYAGI
Madam with all due respect ye fish
market jaisa hai aor mujhe nahi
lagta office ki koi bhi ladki hai.
Uske office me sabka location yehi
ka tha. Manoj ke contact se kuch
ladkiya hai jiske usse ache terms
rahe hai, aor ye video dekhne ke
bad ab meri list aor choti ho gayi
hai.

SMRITI
to tumahre pas kuch bhi nahi hai?
ABHA TYAGI
Nahi bhi, haan bhi.

SMRITI
kaise?
POONAM VERMA
Maine Rani se un sabka detail liya
jo uske aor Manoj ke mutual contact
me hai, kyuki at last us ladki ne
Rani ka id use kiya. To Manoj ke
personal contact se zyada Rani ka
contact bhi important hai.
ABHA
Ha ha, tujhe kya mila vo bata.
POONAM VERMA
Ek ladki hai, Mamta Kushwaha, Jo ek
mahine Rani ki roommate thi, vaise
to vo is field ki hai nahi par usne
ek bar Manoj ko interview diya tha.

SMRITI
Aor?

POONAM VERMA
Bas. Use Manoj ne job di nahi aor
kahani wahi khatam.
SMRITI
ye ladkiyo ke track nikalo, kal ye
khatam hona chaiye. Suresh mujhe
aor delay nahi chahiye.
SURESH YADAV
Jee madam.

(CONTINUED)
CONTINUED: 36.

SMRITI
okay to kal tum sab ke pas bahut
kam hai, Suresh tum Vinay ko
interrogate karo, Anjana aur Poonam
tum ladkiyo pe solid lead do mujhe
aor Abha, tum Manoj ke text
messages, ya app ki detail mujhe
jaldi do, ye video kis source se
aya abhi bhi hume pata nahi. Devki,
mujhe Anupama ke tracks records do,
suresh, Devki ki help ke lie koi
official bandi do agar as pados se
bat nikalni hai aur haan Devki Tum
cash ka pata bhi lagao.
ABHA
jee madam.

SMRITI
Suresh mujhe tumse ek aur help
chaiye.
SURESH
jee madam.
SMRITI
Ye kisi professional ka kam ho
sakta hai, ye video. Aise aor koi
cases hai ye pata karna hai.

SURESH YADAV
kaam ho jaega.
CUT TO...

SCENE 21- INT NGT STATE HOME MINISTER BANGLOW

Komal Mehra apne living me baitha sharab pi raha hota hai
jab uski biwi use call karti hai.

MEENA
Jab dukh ho na to sharab nahi pina
chahiye.
STATE HOME MINISTER
Dukhti hui rag pe hath bhi nahi
rakhna chaiye.
MEENA
Mujhe to laga tha mai apka dard
halka karti hu.

(CONTINUED)
CONTINUED: 37.

STATE HOME MINISTER

Ha par mujhe sachhai ka dose bhi
deti ho bar bar.
MEENA
Sach me, mai bhi waha nahi hu, aap
akele kaise manage kar rahe.
STATE HOME MINISTER
Meena paat hai, jab hum chote the,
Maa babuji humesha mujhse pareshan
rehte the, mai bada tha par badmash
mai tha. Manoj humesha se unke ankh
ka taar tha, Maa apne akhiri ke
dino me mujhse kehti thi, ke Manoj
ka dhyan mujhe rakhna hai.
(emotional ho jata hai)
Ek kam tha jo mujhe maa ne
zimmedari se diya tha mai vo bhi
nahi kar paya Meena.
Aor vo rone lagta hai. Meena thode der use rone deti hai fr
kehti hai.

MEENA
Apne bade bhai hone ka farz achese
nibhaya hai Komal. Manoj ne jo bhi
kiya... uske liye aap zimmedar nahi
ho. humme se koi zimmedar nahi hai.
Aap apne aap ko sambhalo.
STATE HOME MINISTER
Kya bacha hai sambhalne ko Meena?

MEENA
Mai hu, Anu hai aor Gudiya hai.
Manoj ke maut ki wajeh Manoj khud
hai Komal.
STATE HOME MINISTER
Manoj ne mujhse kuch kyu nahi kaha
Meena?
MEENA
Ye samay uska nahi hai... tumhe
bachpan wala Manoj yad hai na....

Aor vo dono pehle ki baat karte hue hasne lage.

 38.

SCENE 22- INT NGT MANOJ BANGLOW

FLASHBACK...
Manoj aor Anupama fight kar rahe hote hai. Anupama usko
kehti hai ke vo usse dur rehta hai.

ANUPAMA
Mujhe pata hai koi aor hai tumhare
life me.

MANOJ
Tum na ghar baith ke ye sab ul
julool chize sochti rehti ho. Kuch
kaam kar lo.
ANUPAMA
Jab Gudiya hone wali thi maine kaha
job nahi chorungi aor ab jab mujhe
6 saal hone ko aye kam chore hue
tum bol rahe mai fr kam karu.
MANOJ
Are job mat karo par koi to kam
karo, NGO hai, Bhabhi ke sath
milkar unka business dekho. Aor
mujhe bhi apna kam karne do.
ANUPAMA
Manoj, Tum bas koi na koi bahan
bana ke is baat ko talte ho. Itna
kya kaam hai tumhe, 2 saal hue hume
sex kiye hue yad bhi hai tumhe, aor
ab to tum mujhse bat bhi nahi karte
ho.
MANOJ
Tum bhi to pehli jaise nahi rahi,
Her bat ka tumhe batangad banana
hota hai, kaha tum college me ek
smart aor independent ladki thi,
Mujhe mera space deti thi, aor aj
kal her chiz me shaq karti ho.
ANUPAMA
Manoj itni badi batein mat karo bas
ek bar meri ankho me dekh ke keh do
ke koi aor nahi hai humare bich.
Manoj thode der bilkul chup ho jata hai thoder der noche
dekhta hai fr kehta hai.

(CONTINUED)
CONTINUED: 39.

MANOJ
Tumne ye sawal pucha bhi kaise.
Humara rishta pehle jaisa nahi raha
bas.

Itne der me Anupama ki ankh khul jati hai. Vo as pas dekhti

hai ke shayad manoj hoga. Par use apna khali kamra milta hai
aor bed par vo akeli baithi hui hai bedrest se tik kar aor
pata nahi chala use ke uski kab ankh lag gayi. Vo apne hath
me rakhe apne aor Manoj ke picture ko dekhti hai aor fut fut
ke rone lag jati hai aor kehti hai ke Manoj tum mere sath
aisa nahi kar sakte.
FREEZE...
End credit starts with the name of Director and the next
plate of writers name... pictorial flashes ke sath chal rahe
hai background me suspense music hai aur bohot saare related
folley’s as mentioned in the main credits...
DIP TO BLACK...