World Day of Prayer
Buatsaihtu : WDP Committee of England, Wales and the Northern Ireland
March 4, 2022
Bible Study
Thupui : I tan ruahmanna ka nei (Jer 29: 1-14)
INBUATSAIHNA
Tun tuma kan Bible zir hi ngaihtuahna thar pawchuak thei tur khawp kan sawiho theihna
tura buatsaih a ni a. Ngaihtuahna thar nen chhiar a, ngaihthlain, ngaihtuah zui ila tih
hlawm hi chhiar a, he mi a\ang hian hmanraw hrang hrang, entirnan - milem te, ram lem
te, rimawi te, Bible map-te, khawvel map-te, sal tan lai tilang thei thlalak chi hrang
hrangte lo ngaihtuaha bawhzui thei tur (group) thlan chhuah ni se.
A hnuaia thu hi inkhawm \anna \awng\aina atan hman tur a ni.
|AWNG|AINA
Aw Lalpa, kan Pathian, vawiinah hian i thutak zirho turin i hmaah kan lo kal e. I lam
hawiin i thu dawngsawng turin kan inpe a, Kan hmangaih che a, kan tana i remruate lawm
takin kan pawm e, i fapa Isua Krista avangin lawmthu kan sawi e. Amen
JEREMIA HUNLAI KHAWVEL THLIRNA
Kum BC zabi sarihna kha Israel ram te, Juda ram leh an chhehvel ramte tan chuan hun
khirh leh harsa tak a ni a. Israel-te chunga roreltu nunrawng leh huaisar tak mai Assuria
ram chu a tluchhe mek a. A aiawh turin Babulon lal thiltithei tak chu a lo dingchhuak ve
mek bawk a. Hetih hun lai, 650 BC-na vel hian zawlnei Jeremia chu a lo piang a, 627-BC
vel khan zawlnei turin koh a ni. Jeremia hi a nu pum chhunga a awm lai a\ang tawh renga
zawlnei atana ruat a ni a. He hna ropui tak thawk tur hian a insit in, tling lo a inti em em
a. Mahse, Lalpa'n a ka a khawih a, thiltihtheihna nasa tak nen awmpui a tiam a ni (Jer 1:4-
10). Harsatna tam tak a paltlangte, hunkhirh tak tawka tan in hial a thleng \hinte hian
Jeremia rawngbawlna nasatzia leh huaisen a ngaihzia a pholang a.
Jeremia bu hi Judate Babulon (tunlaia Iraq) sal a tan an hruai hunlai vela ziak a ni a. Juda
chu Babulon awpbehna hnuaiah awmin an khaw thianghlim Jerusalem pawh tihram vek a ni
a. An Temple, Pathian chenna hmun nia an ngaih pawh an tichhe vek a ni. Juda milian ho
zawng zawng, an lal leh lalnu te, an hruaitu zawng zawng te, mi zahawmte, mi themthiamte
leh thirdengte zawng zawng salah hruai an ni a, an hmabak a thim hle. Sam 137-na chuan
saltangten an ram an ngaihzia te, Jerusalema kir leh an nghahhlelh ziate a tarlang a.
Jerusalem Temple-ah chauh lo chuan Pathian be theia an inhriat loh avangin Temple chu
an ngai vawng vawng a, hrehawm an tiin an lung a leng hle a ni.
Chhiar tur : Jeremiah 29: 1 - 14
Chhiar dan tur - Ngaihtuahna thar nen chhiar a, ngaihthlain, ngaihtuah zui ila
* Bible chang tarlan hi a riin, zawi muangin vawi 2 emaw vawi 3 emaw chhiar ni
se. Chhiar zawh apiangin changtinin sawi a tumte rilrua ngaihtuah a, Pathian aw
hre tura ngaihthlak nan minute rei lote tal hman tur a ni. Hetianga kan tih hian
kan thinlungah Pathian thu a lo luanglut thei ang.
* Kan Bible chang chhiar tak kha milem te, ram hlimthla leh rimawi te hmangin
lemchan pui ni se.
* Bible ram Map han en ila, Babulon leh Jerusalem ram awmna lai leh sala an
hruaina kawng te chhinchhiah ila. Pathianin i nun kawng a hruaina che leh i tana
a ruahmanna te tilang turin i hringnun map han ziak ve la, nangma nunah te
kohhran leh khawtlang tana beiseina awmte sawi ang che.
* Saltan lai hun tilang thei thlalak en la, chhan eng emaw, entirnan - raltlan, jail
tang, kum upa, hna nei lo, mal ngawih ngawih, leh khawtlang atanga hnawhchhuah
avanga hawnna tur nei lo angin in mitthla chhin la, eng nge i rilru ni ang?
Nangmah nena hmehbel rem tur ber hi thlang chhuakin a chhan sawi ang che.
Bible chang thlan chhuah hi saltangte tana Jeremia hnena Pathian thuchah a ni a. Jeremia
chuan an dinhmun chu pawm a, an saltannaah chuan inbengbel a, an chenna tur in sa a,
huan siama a rah ei tur te, chhungkua din a inthlah pung tur leh an saltanna hmuna thil tha
ti tur in a chah a. An ramah hruai kir leh vat an ni ang tia tiamtu zawlnei leh aienthiam nia
inchhalte thu chu ngaithla lo turin Pathian in a hrilh a. An chenna khawpui a that chuan
anmahni ngei pawhin thatna an tel dawn avangin, an saltanna khawpui thatna tura tawngtai
turin a ti a ni.
Heng zawhnate hi nangmah han inzawt teh le :
* An sal tanna hmuna inbengbel tura inbuatsaih a ngai tih an hriatin sal tangten
engtianga an dawnsawn nge i rin? Nang ni ve ta la engtin nge i dawnsawn ang?
* An sal tanna hmuna an zawm turte chu eng nge ni ang le? I tana Pathian ruahmanna
te i hriatin engtiangin nge i ngaih ang?
Fuihna zawhah Lalpa thutiam, i tan ruahmanna a neih a lo lang a. Pathianin a mite hnena
an rama hruai let leh tura a thutiam hi a theihnghilh lova, mahse he thutiam thleng tur hian
kum 70 zet nghah a ngai thung. Mi tam tak tan chuan kum 7 pawha rei teh reng nen kum 70
chu chu rei dawn hle mai. He thuchah an chhiar hian saltangte duhthusam pawh a nghing ve
hle ang. Kum 70 hnuah chuan anmahni ni lovin an thlah lo la awm turte zawk hruai kir an
nih dawn avangin sal tang tam takte chuan beiseina an hloh hial ngei ang.
BEISEINA LEH HMALAM HUN
Pathian thuchhuak chuan beiseina a keng tel a. Mipuiten Pathian laka an sualna leh a
thupek an bawhchhiat avanga an inkar chhe tawh dinthar leh chu an tih tur a ni. Tih tak zeta
tawngtaia chibai buk a, an thinlung zawng zawnga an zawn hunah Pathian an hmu leh dawn
a ni. An sal tanna hmuna mite nena inkungkaihna tha tak an neih hi Pathian duh dan a ni.
Babulon sal tanna atanga Pathianin a hruai kir hun tur nghah chhung hi hrehawm hle mahse,
hun bi kim hunah chuan hun tha her chhuakin Pathian thutiam angin an ramah hruaikir an ni
leh dawn a ni.
BEISEINA TUNLAI KHAWVELAH
Khawvel pumpui kan thlirin mi nuai tam tak indona avang te, tihduhdahna avang te, hlauhna
leh riltamna avangtein mahni ram chhuahsan an awm a. Mahni sahimna zawngin dinhmun
hlauhawm leh zinkawng harsa zawh mek an awm bawk. Mi tam tak chuan mahni ram lama
kir leh tura beiseina pawh an nei tawh mang lo a ni.
Heng zawhnate hi nangmah han inzawt teh le :
* Mahni ram chhungah him tho chung si a saltang ang maia inngai an awm theih ang
em?
* Saltang ang maia nun nei mekte nen engtiangin nge tawngtainaah inzawmin kan
inpuih tawn theih ang? Chhanchhuah theih tawh loh nia inhriate hnenah engtiangin
nge beiseina thar kan pek theih ang?
LUANGCHHUAK NUN
Jeremia thuchah hian a hunlaia ram leh khawtlang boruak rit tak a tarlan rualin an hmalam
hun atana Pathian thutiam, ‘In tan ruahmanna ka nei’ a ni tih a keng tel. Kan khawtlangah
mi hnuaihnung zawk leh chhantu nei ve lote tana rorelna dik a awm theih nan tan kan lak a tul
hle a ni. Khawvelin heng harsatna lian tak taka hmachhawn - global warming te, retheihna
te, natna te, ram danga hnathawk tura intirhluih te, raltlante ngaihsak tawk lohna te do let
tura kan tanrual a tul tak zet a ni. Kan chhiatna tur aia kan tana tha tur zawk ruahmanna
Pathianin a nei tih ring ila. Kan hmalam hun atan beiseina nun chhuahpui hi kan tih ve tur a
ni. Hun harsa ber kan tawh lai pawhin Pathian chu kan hnenah a awm reng si a.
A taka luangchhuak thin pakhat chanchin lo ngaithla ila -
Kum 24-a upa, Grace-i ka ni a. Ram dang atanga mahni sa himna zawnga UK rawn pantute
tha taka lo dawnsawn te, lo tuamhlawm leh an mamawhna apianga lo puih hi ka duh a.
Europe rama lut tura nunna thap meuh a lawngleng hmanga Mediterranean tuipui zau tak
mai an kan thin tih chanchin ka hriatte hi ngaithlak liam mai harsa ka ti. Kan khawmualpui
thleng tura nunna thap tak meuh a mahni in leh lo chhuahsan lo thei lo dinhmuna ding
mipuite chanchin hian ka thinlung a tina tak zet a ni.
Kan Pathian hi dikna Pathian a ni a, heng thil pawi tak leh dikna rahbehna hi kan kawtkai
maiah a thleng mek bawk si. Kum 2017 September thla khan Calais hmuna raltlante
eirawngbawlna sak turin ka in pe ve a. Motor khalh leh thil sem kual in thla ruk chhung chu
ka tel ve a. He mi atang hian Pathianin Calais-a mite leh kan chhungkua chu inpui tawn tura
inthlunzawmna mak tak min pe a. Inthian thatna atang hian mipuiten beiseina an neih phah
in ka hria.
* Grace-i chuan Khawvel Pum Tawngtai rual huna beiseina a neih chu raltlante
tan a ni a. Eng nge i beiseina ni ve ang?
* Raltlanten an phutawk chanvo an chan ve hi Grace-i duhthusam a ni a. A duhna
chu ataka lanchhuahtirin an tan a thawk a. Dik lohna siam thaa dikna tungding
turin tunkar chhungin engtiangin nge hma i lak ve ang?
* Khawvela beiseina thlen duhte tan hmalakna siam kan duh a. Harsatna kan
hmachhawn mek zinga tarlan in duh kha ziak chhuakin sawihona nei ula, chu in
sawihona chu WDP Beiseina tiin social media-ah in lo phochhuakdawn nia.
Engkim chunga thuneitu Pathianin kan tan ruahmanna tha tak a nei tih kan pawm tlat theih
nan Jeremia ziak kan chhiarte hi min fuihthartu lo ni se. Kan buante hi lian viauin lang thin
mahse, midangte tanpui thei turin kan Pathian in min hmang ve ngei ang.
