Projekt ndërlëndor

1. Titulli i projektit:

Ms. Maria Varfi

 Projekt ndërlëndor

2. REZULTATET E TË NXËNIT
 -Thotë sa më shumë fjalë që lidhen me gatimin.
 -Përshkruan aromat gjatë gatimit.
 -Krahason gatimet me njëra-tjetrën.
 -Përshkruan si përgatitet gatimi që ata pëlqejnë më shumë.
 -Bën këmbime të monedhave dhe kartëmonedhave me njëra - tjetrën.
 -Zgjidh situata problemore duke përdorur monedha e kartëmonedha.
 -Liston gatimet që përdoren më shumë në familjet e tyre.
 -Klasifikon produktet ushqimore sipas prejardhjes së tyre.
 -Kupton rëndësinë që ka për organizmin një ushqim i mirë e me vlera.
 -Përgatit postera e reklama për ushqimet që ka gatuar.
3. KOMPETENCAT KYÇE QË DO ZHVILLOHEN:
- Kompetenca e komunikimit e të shprehurit.
- Kompetenca e të menduarit.
- Kompetenca e të nxënit.
- Kompetenca digjitale.
4. Njohuritë kryesore lëndore të cilat do pervetësohen ose rimerren në saj të
projektit.
- Përshkruajmë aroma gjatë gatimit.
- Monedhat e kartëmonedhat.
- Situata problemore me monedha e kartëmonedha.
- Gatime tradicionale.
- Produktet bimore dhe shtazore. Vlerat e tyre ushqimore.
- Postera e reklama për gatimet..
5. Partnerët
Prindërit e nxënësve dhe përfaqësues nga këshilli i prindërve
Mësuesit e ciklit të ulët.
6. Materialet:
Fletë me udhëzime e grafikë organizues për të ndihmuar veprimtaritë e nxënësve. Gatime të ndryshme
të realizuara nga nxënësit. Postera e reklama për gatimet. Veshje të përshtatshme për realizimin e
panairit të gatimit. Monedha, kartomonedha për realizimin e situatave me shit – blerje.
7. Numri i nxënësve që përfshihen
Ky projekt u realizua nga nxënësit e klasës së parë e të pestë .
8. Burimet kryesore të informacionit
Burimet kryesore të informacionit janë: interneti, libra me receta gatimi.
9. Përshkrimi i veprimtarive të projektit
Projekti me temë: “Panairi i gatimit”do zhvillohet në 5 orë nga 45 minuta. Do jetë i ndarë në tre faza:
1.Faza e parë, nxënësit njihen me titullin e projektit, qëllimin , si dhe rezultatet e të nxënit. Ata do
diskutojnë rreth recetave që ata do përgatitin. Ndahen nxënësit ne grupe.
2. Faza dytë është faza e veprimtarive. Nxënësit do punojnë rreth projektit të tyre. Përgatiten gatimet
dhe bëhet sistemimi i tyre.
3. Faza e tretë është faza përfundimtare ku nxënësit do prezantojnë gatimet e tyre në formën e një
panairi. Bëhet dhe vlersimi dhe vetvlersimi , si dhe prindrit e ftuar japin vlersimin e tyre.

Ms. Maria Varfi

 Projekt ndërlëndor

10.Përshkrimi i produktit të projektit

Produkt i këtij projekti do jetë: 1.Përgatitja e gatimeve të ndryshme. 2. Përgatitja e posterave e
reklamave për gatimet e tyre, si dhe krijimi i situatave problemore me monedha e kartëmonedha.
11.Tematika e secilës lëndë të përfshirë në projekt.
1Gjuhë shqipe: 1 orë
1.Përshkrimi i aromave gjatë gatimit.
2.Matematikë: 1 orë
1.Situata problemore me shit - blerje.
3. Dituri natyre: 1 orë
1.Produktet bimore e shtazore. Vlerat e tyre ushqimore.
4.Vizatim: 1 orë
1.Krijim posterash e reklamash.
5. V.j.k: 1 orë
1.Gatimet tradicionale të zonës.

11. Plani i detajuar i veprimtarive

1.Faza e parë:
Njihen nxënësit me temën e projektit, kohëzgjatjen e tij si dhe rezultatet që do arrihen gjatë këtij
projekti.
Stuhi mendimesh (Brainstorrming)

Gatimi

Veçojmë aromën që pëlqejnë gjatë gatimit në familje. Paraqes thesin e fjalëve më poshtë:

Delikate, e ëmbël, e këndshme, ftuese, ngacmuese, kundërmuese, e

mprehtë, pikant, e athët, e rëndë,

Nxënësit bëjnë shoqërimin e çdo mbiemri me emrin e një gatimi.

Shkruhet receta e një gatimi të veçantë që nxënësit e pëlqejnë, si dhe përshkruajnë aromat që
përhapen gjatë këtij gatimi.

 Ndaj klasën në grupe. Secili grup punon për veprimtaritë e ngarkuara. Gatimet do përgatiten
edhe me ndihmën e prindërve.
1.Grupi i kuzhinierëve
-gjetjen e recetës së gatimit.
-përgatitjen e gatimit.
2.Grupi i matematikës
- formimin e situatave problemore me shit-blerje.

Ms. Maria Varfi

 Projekt ndërlëndor

3.Grupi i piktorëve
-përgatitjen e posterave e reklamave të gatimit.
- përgatitjen e këndit të ekspozimit të gatimeve të ndryshme.
2. Faza e dytë
- Pasi përgatiten gatimet e ndryshme, zhvillohet panairi i gatimit.
- Ekspozohen gatimet.
- Vihen nxënësit ne rolet e shitësit e blerësit.
- Secili nxënës që është në rolin e shitësit i përshkruan gatimin e tij blerësit dhe arsyen se pse
ai duhet ta blejë atë gatim.
- Krijohen këmbime me monedha e kartëmonedha.
- Shpallet edhe fituesi i këtij panairi, ai që ka shitur më shumë gatime.

- 12. Mënyra e vlerësimit të nxënësve.

Nxënësit do vlerësojnë njëri – tjetrin për gatimet si dhe veprimtaritë e dhënë. Gjithashtu do bejnë edhe
vetvlerësim.

Vetvlerësim dhe vlerësim i punës gjatë projektit

Emri Data
Titulli i projektit:
Unë e mbarova detyrën në kohë PO JO
Unë punova sipas udhëzimeve të dhëna PO JO
Unë komunikova me zë të ulët gjatë punës PO JO
Unë shkëmbeva idetë e mia. Dëgjova e vlerësova idetë e të tjerve. PO JO
Unë kërkova ndihmë kur hasa vështirësi PO JO
Nëse do bëje sërish këtë projekt çfarë do përmisoje në punën tënde?

Komenti i mësuesit

Niveli i arritjeve për ju 1 2 3 4 5

Niveli i arritjeve sipas mësuesit 1 2 3 4 5

Ms. Maria Varfi