1.

PATHIAN HMANGAIHNA

Johana 3:16 - Pathian in khawvel a hmangaih em em a, chutichuan a fapa mal neihchhun

a pe a, amah chu tupawh a ring apiang an boral lova, chatuan a nunna an neih zawk nan.

Pathian hmangaihna tih chu “AGAPE” tih a ni a, kan Bible ah hian bu 66 a awm a, a tir
Genesis atanga a tawp thupuan thleng hian word khat la chhuak dawn ta ila, enge a
pawimawh ber ang tih zawhna ah chuan, Pathian hmangaihna tih hi thlan chat tur a ni ang
an lo ti a. Kan Bible ah hian Pathian hmangaihna tih lai hi bo ta se, kan Bible hi a ruak mai a
ni ang, an lo ti a. Chu chuan Pathian hmangaihna pawimawh zia a hrilhchiang hle awm e.

I Kor 13 thu ah khan kan hmu a, tlang sawn theih na khawp hial rinna famkim nei
mah ila, hmangaihna kan neih si loh chuan kan tan engmah a sawt loh tur thu min hrilh a
nih kha. I Kor 16 thu ah vek, in tih apiang chu hmangaihna a tih ni vek rawh se, a ti bawk a.

Mihring te hian hmangaihna chu kan nei ve bawk a, amaherawhchu, mihring te

hmangaihna hi chu engemawni in a siam, engemaw vang a lo awm a ni thin a, Pathian
hmangaihna chu engmahin a siam lova, engmahin a ti danglam theilo bawk a, mihring te
hmangaihna chu, thil lo thleng thut in a a tih danglam theih, inthen vang vang na thlen thei
a ni a, Pathian hmangaihna chu engmah in a ti danglam thei lova, kan fel vang te, kan that
bik vang te hian Pathian hmangaihna hi kan dawn belh a ni ngawt lova, kan sual avang te,
kan khawloh avang te hian Pathian hmangaihna hi kan lak atangin a hla ngawt lo ani.

Khawvel a misual hmingthang, Nicky Cruz a chanchin kha kan hre theuh awm e. Nicky
Cruz a kha misual a ni a, Pastor David Willkerson a khan, Nicky Cruz-a hmu tura a va kal
khan eng hmanraw dang mah a keng lova, Pathian in a hmangaih che tih a hrilh mai khan,
misual, a ma nu ngei pawh in Ka hmangaih lo che ti a alo hrilh tawh Nicky Cruz-a nun kha
Pathian hmangaihna chuan a thlak danglam a, a chhanchhuak a nih kha.

Hmangaihna awm na hmun apiangah Pathian a awm a, midang te tan a kan nun kan
hlan ngam naah hian midang te kan tan kan inphat tir ve thei a. Pope Francis a chuan, “Lui a
tui te hi anmahni tan a luang an nil ova, theirah te pawh hian anmahni tan rah an chhuah
hek lova, ni pawh hian ama tan eng a chhuah lova, chutiang bawk in, pangpar tepawh hian
anmahni tan rimtui an chhuah hek lo, midang te tanpui hi kan damchhan a ni a, en ganga
harsa pawh ni se, kan hlim chuan kan nun a nuam thin a, amaherawhchu, chung zawng
zawng aia pawimawh chu keimahni vanga midang te an hlim hi a ni” a ti a.

Hmangaihna hian a petu leh a dawngtu a ti dam thin a, midang te kan hmangaih loh
hian kan tin a thin a, kan Bible in dan zawng zawng zawh famkimna chu Nangmah I in
hmangaih ang in i vengte i hmangaih tur a ni tih kha i hre reng ang u.
2. BEISEINA:

Sam 27:13 - Minung ramah hian Lalpa thatna hmuh in ring suh ila chuan, ka chau
tawh tur a ni a.

Helai Sam ziaktu nun hi ka hriatthiam pui thin, Minung ramah hian Lalpa thatna hmuh
inring lo ila chuan, kei ngei pawh hi ka chau in ka van tlu ngun dawn tak em,
nimahsela, Lalpa thatna hmuh inring tlat tu nunah hian Pathian hian a thatna a lan tir
duh a, helai chang hi Davida phuah, a fapa Absaloma hlau a a tlanchhiat laia a phuah
niin an sawi thin a, Davida kha Lal a ni a, a thuneihna zawn te, a ropuina zawn te kan
thlir chuan a it awm in a awh awm hle awm e. Amaherawhchu, a lehlam chiah a
chhungkua kan thlir chuan a chhungkua kha a buai ve ani. Fate hlauvin Pa ber mai
kha a tlanchhia a, a then an lo inpawngsual thul, a inchhungah khan hlim nui ri a reh
a, rum ri erawh a ring hle thung ani. Amawherawhchu chung zawng zawng
hrehawmna kar ah chuan, Davida chuan Pathian chunga a thil tihsual Betsebi chunga
a chetsualna leh Uria thihna chunga a inrawlhna te a Pathian in a ngaihdam tak
chanchin an ngaihtuah let leh khan a chunga Lalpa thatna chu ropui a ti thar leh a,
chuvang chuan, he hun harsa a tawh lai pawh hian, Pathian ah beisei na duhawm tak
chu a nei leh a, Lalpa chu a nghak tang tang mai ani, minung ram ah hian minung te
ngei hi kan chau in kan tlu thin a, minung lo tan chauhna tur a awm tawh lova, kan
harsatna kan chinfel mai theih loh, kan kova mawhphurhna hrang hrang avang te,
kan chhungkua avang te hian kan chau thin a, mahse Lalpa thatna hmuh in beiseitu
nih i tum hram hram ang u.
Martin Luthera chuan khawvel a thil engkim hi beiseina nen a tih a ni, ati a,
ringtu te chuan beiseina min siam saktu kan tan a Pathian rinawm kan nei a, Beiseina
hian kan nunna a chelh a, min ti chak thin Beiseina hi i hlauh ngai lovang u.
3. VANRAM:

Philipi 1:21 - Kei atan erawh zawng nun hi Krista a ni si a, thih pawh hlawkna ani.

Vanram chu Pathian in, Pathian awmna a ni tih Bible in min hrilh a, thihna hi kan
tawp hlenna tur a ni lova, Kristian ten kan tum ber chu Vanram thlen a ni a,
nimahsela, chu hmun thleng tur chuan khawvel a kan awm hmasak phawt a ngai si a,
khawvel nunah hian buaina te harsatna te hmachhawn tur tam tak a lo awm si a, chu
chuan vanram min ngaih tir thin a ni. Pathian hian ramtiam kan panna kawng ah hian
nuamtak a min kal tir a tum lova, him takin min kai tir a tum zawk a ni.

Vanram kan thlen chak chhan enge ni ang ti ila, hrehawmna te awm tawhlohna
hmun kan ti theuh awm e, amaherawhchu, Pathian in, Isua awmna a nih vang hian
ngai thin ila, he leiah hian lungngaiin nun hi harsa hle thin mahse Vanram a
awmtawhlo tur khawvel ah hian Pathian in thil hlu min dah sak a. Upa Lalnunpuia
Hrahsel thusawi rawn viral ta kha kan hre tawh maithei a, heti zawng hian kan
ngaihtuah chhin a, tun a kan bula thu te hi vanramah chuan kan bulah an thu leh thei
kher ang em, kan nu leh pa te hi vanram ah chuan kan nu leh pa te an nih tawhloh
takin I chawimawi phawt ila, kan thian te hi vanramah chuan kan thiannu kan thianpa
te an nih a rem tawh loh takin, inngaihlu ila, induhsak bik a rem tawhloh takin tunah
a hunlai hian induhsak tawn ila, vanramah chuan eng ang nge a nih dawn kan hre si
lova, min tahpui tute hian min tahpui leh thei angem, min nuihpui tu te hian min
nuihpui leh thei ang em, vanramah chuan KTP te hi a awm tawhloh takin, a hunlai
hian KTP em em ila, vanram ah chuan KTP Summer Sports te a awm tawh loh takin,
zanin ah hian i sports suau suau ang u.

KAN THUSAWI TE LALPAN MAL MIN SAWM SAK RAWH SE - AMEN