Sample Question Paper

(SSLC Examination 2025)

KHASI – (Indian Language)

By
Meghalaya Board of School Education (MBOSE)

Sample Question Paper of SSLC – Khasi (IL) Page – 1 of 8

A. The Scheme of Examination:

Maximum Marks Pass Marks

Theory Examination 80 24
Internal Assessment 20 06
Total 100 30

B. Scheme of Theory Examination:

Section Topics Marks

Section – A :  Literature
Multiple Choice  Grammar 30
Questions (MCQs)  Reading Skills (Conceptual)

Section – B:  Reading Comprehension through Unseen Passage

Reading Skills (Case Based Factual Passage) 10

Section – C:
Creative Writing  Short Essay/Paragraph Writing/ Story Writing in 150 – 200 16
Skills words.

Section – D:  Short Answer Type Questions

Poetry, Prose &  Long Answer Type Questions 24
Rapid Reader  Extract from Prose and Rapid Reader

Total 80

C. Scheme for Internal Assessment

The Internal Assessment can be done through any one of the following:

1. Project Work

2. Written Tests

3. Assignment (Classwork or Homework)

Sample Question Paper of SSLC – Khasi (IL) Page – 2 of 8

 Sample Question Paper
Khasi (IL)
Class – X

Question Paper Code:

Time: 3 hours Max Marks: 80 (Pass Marks: 24)

Ki Jingbthah Kyllum:
1. Sngewbha peit ba kane ka kot jingkylli ka don 56 tylli ki jingkylli.
2. U/Ka nongthoh eksamin, dei ban thoh ïa U Question Paper Code ba la ai haneng ha
ka kot jubab, ka jaka ba lait ba la buh lypa.
3. Yn ai por 15 minit ïa u/ka nongthoh eksamin ban pule ïa ka jingkylli. Ïa ka jingkylli
yn sam 15 minit shuwa ka por thoh eksamin. Hapoh kine ki 15 minit, ki nongthoh
eksamin ki dei ban pule bha ïa ki jingbthah bad jingkylli bad kim pat dei ban thoh
ha ka kot jubab.
4. Ka kot jingkylli ka don 4 bynta, A, B, C, D.
5. Section – A: Ka kynthup ïa ki Multiple Choice Questions (MCQ). Jied ïa ka jubab
kaba dei na kiba la ai. Ïa ki jubab jong kine ki jingkylli dei ban thoh ha ki synduk ba
la ai ha ka kot jubab. Ïa ki jubab kiba thoh sha kiwei pat ki sla kot, yn ym pdiang ba
ki dei ki jubab.
a. Ki Jingkylli naduh 1 haduh 10, ki dei na ka kot, ‘Ka Duitara Ksiar’ bad ‘Ka
JingsnengTymmen’.
b. Ki Jingkylli naduh 11 haduh 20, ki dei na ka kot, ‘Ki Dienjat Jong Ki
Longshuwa’ bad ‘Ki Phawer u Aesop’.
k. Ki Jingkylli naduh 21 haduh 30, ki dei na ka kot, ‘Na Mihngi Sepngi’ bad
‘Hints On The Study Of Khasi Language’.
6. Section – B: Ka kynthup ïa ki jingkylli na ka Reading Comprehension. Ki don 10 tylli
ki jingkylli. Kawei kawei ka jingkylli ka kit 1 mark.
7. Section – C: Ka kynthup ïa ka ‘Creative Writing Skill’ ne kaba pynpaw ïa ka sap thoh
bad bor jingpyrkhat.
8. Section – D: Ka kynthup ïa ki jingkylli:
(i) 44 – 49 na ka kot, ‘Ka Duitara Ksiar’; ‘Ki Phawer U Aesop’ bad ‘Ka Jingsneng Tymmen’.
(ii) 50 – 53 na ka kot, ‘Ka Duitara Ksiar’ bad ‘Ki Dienjat Jong Ki Longshuwa’.
(iii) 54 – 56 na ka kot, ‘Ki Phawer U Aesop’ bad ‘Na Mihngi Sepngi’.

Sample Question Paper of SSLC – Khasi (IL) Page – 3 of 8

 Section – A

Multiple Choice Questions: Jubab lut ïa ki jingkylli baroh: (30 x 1 = 30 marks)

(Ki Jingkylli naduh 1 haduh 10 ki dei na ka kot ‘Ka Duitara Ksiar’ bad na ‘Ka Jingsneng Tymmen’.)
1. Ki tnat jong u Dieng Bilat ki pyiar shano?
A. Sha bneng
B. Sha suiñ
K. Sha sahit-bneng
D. Shalor
2. Kano na ki laiñ harum kaba pyni ïa ka jinglong jong ki briew ha Sohra?
A. ka ri u kaitor
B. ka ri u ‘tiewsohkhah
K. ka ri ka jingshynrang
D. ka ri ka sympieng
3. Uei u ban put shawiang ïa ka met jong u Ingkhong Shyllangmat?
A. u ngap tung
B. u khlieng
K. u pukni bhur
D. u ‘kain-ïong
4. Kano na kine ka bym ïahap bad ka Mynsiem Ba Shynrang?
A. Kaba thaw pyrthei
B. kaba thom ïa ki jingeh
K. Kaba randien na ki jingthmu.
D. ka bymneh ban shongkhop
5. U Inkhong Shyllangmat un thngan ïa ka japha babuh halor ______
A. Mawshyieng
B. Mawbah
K. Mawkynthei
D. Mawkjat
6. ‘To ieit ïalade burom ïa kiwei’, kano ka laiñ kaba bud hadien kane?
A. Haba kren bad haba leh ïa kiwei
B. Ba phin suk ha pyrthei, phin suk h’u Blei
K. Ba phin ïoh kyrhai ka spah pyrthei
D. Lada naduh nangne ne naduh lawei
7. Kaei kaba lah ban teh-kur, teh-kha da ka hok?
A. Ka jingïadei
B. Ka spah
K. ka burom pyrthei
D. Ka akor
8. Balei u R. S. Berry u ong; ‘Wat sngewbha shongthap bam ha ïing ki briew?’.
A. Ba jah jait noh de la i jong i rngiew.
B. Ba ïoh isih sa ki briew.
K. Ba ïoh shah beiñ shah bynthiew.
D. Ba ïoh kynshi ei sa ki briew
9. Kumno u Radhon Sing Berry u kyntu ïa ngi ban leh, ba la da ngi im ngi ïap ngin hun?
A. kren beit bad to lehhok.
B. kren beiñ bad lehhok
K. kren khlem pyrkhat
D. kren beit ïa ka badei
10. Ïano ngim bit ban kynshi ne bynthiew?
A. ïa kiba lehsniew ïa ngi.
B. ïa kiba ‘riewspah
K. ïakiba pang baduk eh.
D. ïa ki bymnang bymstad.

Sample Question Paper of SSLC – Khasi (IL) Page – 4 of 8

(Ki Jingkylli naduh 11 haduh 20 ki dei na ka kot ‘Ki Dienjat Jong ki Longshuwa’ bad ‘Ki Phawer u Aesop’.)

11. Kano napdeng kine harum ka dei ka nongkylliang ba ka Thring ka la siew ïa u Myrsiang?
A. Ka la theh ïa ka ja ka jyntah ha ka thar balyndhang.
B. ka la theh ïa ka ja ka jyntah ha ka pliang dieng.
K. ka la thep ïa ka ja ka jyntah hapoh uwei u lywa.
D. ka la thep ïa ka ja ka jyntah hapoh uwei u kum.
12. Balei u ‘Yiar ryngkuh u ong, ‘hynrei nga shem pynban ma nga’?
A. ba u kmen eh ba u la shem ïa u mawlynnai.
B. ba u trai un sa bsa bha ïa u.
K. ba u khmih lynti ba u trai un sa ai bainong ïa u.
D. ba ha u, u mawlynnai um dondor eiei.
13. U ‘Laman bad u ‘Niangbri ki la leh kumno ban lait na ka jingshahbam ha ki pukni bad ki khlieng?
A. ki la ïadih-lang ïa ka um.
B. ki la ïaphet noh la ka jong.
K. ki la thiah kum ki baïap.
D. ki la peitsuh uwei ïa uwei.
14. Balei u Tyrdiap u la kren hi noh ïa u Masi?
A. u Masi um ïohsngew.
B. u sngewheh kat u ym don shuh.
K. u Masi um kheiñbriew.
D. um lah ap shuh.
15. Balei ka kada ka la ïapthngan?
A. ka ïohpang jur.
B. ka jliah tang ïa ka umjer.
K. ka bam palat.
D. ka dih tang ka um.
16. Daei ki Khasi ki pyndonkam ban ring ïa ki mawbynna ki barit?
A. thri siej, jyrmi bad lakud.
B. thri siej, jyrmi bad tyllai.
K. thri siej, jyrmi ne jyntang.
D. thri siej, jyntang bad siej.
17. Hangno ka don ka Mawkynthei ka baheh eh?
A. ha Sutnga
B. ha Raliang.
K. ha Laitlyngkot.
D. ha Laitkyrhong.
18. Ha ka rukom kheiñ rta u Khasi, ki ong kumno ïa kiba la tam 75 snem?
A. Ki tymmensan.
B. Ki tymmenkro.
K. Ki tymmen shongprah.
D. Ki tymmen met ïaw.
19. Ha ka Dorbar Khasi ym lah ban pynlong dorbar lada don tang:
A. U Syiem bad ki bakhraw.
B. U Syiem bad ki tymmen ki san.
K. Ki bakhraw bad ki tymmen ki san.
D. Ki bakhraw baroh.
20. Ki kor ki dei ki jingteinam jongno?
A. ki shnong.
B. ki khunkha.
K. ki kur.
D. ki briew bariew-spah.

Sample Question Paper of SSLC – Khasi (IL) Page – 5 of 8

(Ki Jingkylli naduh 21 haduh 30, ki dei na ka kot, ‘ Na Mihngi Sepngi’, bad ‘Hints on the study of Khasi Language’.)

21. Aïu u Alfred Nobel u la leh da ka pisa ba u la lum na Amerika?

A. u la shna ka karma trei.
B. u la shna ïing ïalade.
K. u la ai ha kawei ka seng.
D. u la buh ba kan kha sut.
22. Ka Sung ha ri Bhoi ka long ka jaka kaba kumno?
A. Kaba seisoh eh.
B. Kaba kordor eh.
K. Kaba bun briew.
D. Kaba kynjah.
23. Ki khun ïa u kpa jong ki bakha u kpa, ki khot kumno?
A. Paieit.
B. Pamen.
K. Parad.
D. Padot.
24. Kine ki _________ ki ïa idbha khamtam ha ki nongkyndong:
A. Shylliah.
B. Ïarong.
K. Ktung.
D. ‘kha-tyrkhong.
25. Don ruh bun ki ‘bania’. Kiei ki bania?
A. ki mistri maw.
B. ki nongthaw jingdeng ksiar bad rupa.
K. ki mistri nar.
D. ki mistri dieng.
26. Ki khlur ki tyngshaiñ hangtei ha sahitbneng. Hangtei ka dei ka jait Adverb aiu?
A. Adverb of Place
B. Adverb of Time.
K. Adverb of Position.
D. Adverb of Manner.
27. Kaei ka Adverb jong ka Verb ‘shri’?
A. Rymmuiñ.
B. Rymmoiñ.
K. Rymbaiñ.
D. Rymbeiñ.
28. ‘Nir – nir’, ka ju pyndonkam ban kren bad kano na kine ki verb?
A. Rben.
B. Stang.
K. Heh.
D. Jrong.
29. Kano na kine ki Adverb kaba ju pyndonkam bad ka verb, ‘dei’?
A. Tnen.
B. sbiak.
K. Slait.
D. Tok.
30. Kano na kine ki senten ka long kaba dei?
A. u lynthawsbak.
B. u lynthawphiaw.
K. u lynthawbhek.
D. u lynthawsbek.

Sample Question Paper of SSLC – Khasi (IL) Page – 6 of 8

 Section – B

Pule bniah ïa kane ka jingthoh bad sa jubab ïa ki jingkylli ba la ai harum: (1 x 10 = 10)

Haba ïaid kai, lane haba leit jingleit ha kane ka Ri Khasi, ngi shem ki jaka shongthait ha ki jaka pyngngad,
ne, ha shiteng thiep, ki mawbynna bad mawkjat, lane ki kor kiba la shna da kata ka bor ba ki barim ki lah ban
kynjoh. Hajar na kito kiba shu ïaid sngewbha, haba ki ïoh ka jaka shongthait babit da ka jingtrei babha jong ki
barim ka nang kham pynsngew syrtok ïa ka jingsngewbha jong ki. Katno tam ka jinghun ïa ki bun hajar kiba ban ka
jingkit ïa-pa-ïa ba kin ïoh ban pynshet bhok ka jingkit da kaba jem bad ban ïoh shongthait pyngngad ban pynbeit
ïa u thied u jaw. Katno ruh de ka pynaram ïa ki bakhrew-bakhriap bad kiba dang khie na ka jingpang ba ki ïoh
shong kum ha kine ki jaka pyngngad, beh ruh i lyer batesi-batemon, sngewkhiah ksuid hir-hir. Ka jingïohi sawang
kdar ïa ki lum ki wah, ïa ka Ri Khasi Ri Dkhar, ka ai bor ai mynsiem ban wai ïa ka byndi byndop, ka-pang ka-shitom
kaba pyndem-jingthiah, ban kynmaw la ka-ïaid ka-ïeng, ka-leit ka-wan, ka-kam ka-duk. Ïa kitei la thaw na ka bynta
ka jingkynmaw ïa kiba la leit ha ka niam, bad kum ka jingngeit ki la poi sha ka jaka basuk. Kum ka dak ka jingkmen,
ki nongpynleitniam kiba la buh kum kane ka kam ka baitynnad, kaba pynhun ym tang ïa kito kiba don ha kata ka
por, da ka shad ka kmen bad ka khawai dawai, hynrei bad ïa u paidbah byllien uba hadien habud, ba un ïoh jaka
shongthait-shongkai babit. Ha kane ngi ïohi ba ki barim jong ngi ki la long kiba brai ban trei katba don la ka buit la
ka bor, bad ban theh la ka um-syep na ka bynta ka jinghun jingmyntoi u para bynriew. Ki mawbynna, ki long da ka
jingsynňiang shi-ïing ne shi-kur, bad ki kor, da ka bor marwei. Kane ka jinghikai jong ki barim ka la dei ba kan mih
sla, kha tnat mynta ruh. Mynta shisha, ïabun ki mawbynna, ki kor bad kiwei ki jingtreinam, la pynkyllon da u
jumai, hynrei ïa kito kiba dangneh kam dei ba ngin shu pynngat rhah ne pynsniew thala, ai ba kin sahkum ka nam
bad ka jinghikai ki barim.

Jingkylli:
31. Kiei kiba ngi ju shem haba ngi leit jingleit ha kane ka Ri Khasi jongngi?
32. Ka pynsngew kumno ïa kito kiba ïaid sngewbha sha kine ki jaka?
33. Kaei ka jinghun jong kito kiba khia ka jingkit?
34. Ha kano ka rukom ka pynhun ïa ki bapang bashitom?
35. Haba ki ïohi sawang kdar ïa ki lum ki wah jong ka ri Khasi ri dkhar ki sngewkumno?
36. Ngi lah ban ring jingmut aïu na kine ki jingtrei ki barim?
37. Kat kum ka phang ba phi pule, phi sngew kumno shaphang ki jingtreinam ki Barim?
38. Kiei ki mawbynna bad ki kor?
39. Kiei ki daw kiba pynlong ïa ka jingduhnoh ki mawbynna?
40. Kaei ka kamram jong ngi ba ngi dei ban leh ïa kine ki jingteinam u barim?

Section – C

Creative Writing Skill: (Jubab ar tylli na kine harum):- (2 x 8 = 16)

41. Thoh kumba 150 – 200 kyntien shaphang , ‘Ka Jingkordor Jong Ka Por’.
42. Thoh ha kawei ka paragraph ïa ka Jingïalehkai kaba phi Sngewtynnad eh.
43. Thoh ïa ka jingïathuhkhana kumba 150 – 200 kyntien shaphang, ‘Ka Kshaid Nohkalikai’.

Section – D
(Jingkylli naduh 44 haduh 49: na ka Duitara Ksiar, Ki Phawer u Aesop bad Ka Jingsneng Tymmen):
(Jubab tang lai tylli): (3 x 2 = 6)
44. Ïa kiei ba ka Mynsiem Ba Shynrang ka tur bad ka thom?
45. “Ka Ri ka jingshynrang, ka Ri ka akor”.
Pynshisha ïa katei ka jingong kat kum na ka poim, “Ki Sngi Ba La Leitnoh”.
46. Balei ki para myrsiang baroh ki la ïa risa shaw?
47. Ha kano ka rukom ki nongbeh mrad ki la ïohsiat ïa ka skei?
48. Kaei ka jingkyntu jong u R. S. Berry ha kaba ïadei bad ka jingleit jingwan?
49. Ha ka Lynnong kaba XXXIV, u R. S. Berry u kyntu ba ngim dei ban shaniah tang ha la ka mon”.
Pynshai ïa katei ka jingong.

Sample Question Paper of SSLC – Khasi (IL) Page – 7 of 8

(Jingkylli naduh 50 haduh 53: ki dei na ka kot , ‘Ka Duitara Ksiar’ bad ‘Ki Dienjat jong ki Longshuwa’.) (2 x 5 = 10)

50. Thoh ïa ka dur ka dar jong ‘U Diengbilat’ kumba la wanrah da u myllung ha ka poim.
51. Pynshai ïa ka jinglong kaba ka Mynsiem Bashynrang ka dei ban don.
52. Batai shai ïa ka Dorbar Laiphew Shnong, kat kum na ka kot kaba phi la pule.
53. Batai shai shaphang ki jingdonkam jong ki mawkjat ha ka dustur u Khasi.

(Jingkylli naduh 54 haduh 56: ki dei na ka kot , ‘Ki Phawer U Aesop’ bad ‘ Na Mihngi Sepngi’. (Jied ar tylli):

Pule ïa ka jingsot harum bad jubab ïa ki jingkylli ba la ai: (4x1=4)

54. “To ioh tang ïa me kata ka jingpyngngad bad ka jingpnah thylliej baroh, koit, yn mat sah bieit tang ngi ruh bit
hi,tangba dang ïoh ïa u tdong”. (1x4=4)
(i) Mano ba ong kumtei?
(ii) Ïano ka ktien, ‘ïa me’ ka thew?
(iii) Kaei kata ka jingpyngngad?
(iv) Kaei ka jingsngewhun jong ki Myrsiang ba kin sah bieit tang ma ki hi.

55. Ki briew ha ka thaiñ Ri Lum ki tbit bha ban shna ki kynja khiew khyndew, ki khiew ranei bad ki kynja pliang.
Ki ri ruh bun ki masi bad ki sniang ban shohdoh, ki blang bad ki syiar ïa kiba ki die pateng. Ki rep kynphad na
uba ki thir ksai bad ki thaiñ ki kynja jaiñ spur. (1x4=4)
(i) Kiei ki jait khiew khyndew ba ki briew ki shna?
(ii) Ban lei ki briew ki ri ïa ki masi bad ki blang?
(iii) Kiei ki jingmyntoi ba ki briew ki ïoh na ki syiar?
(iv) Ki briew ki leh aïu da u kynphad?

56. “Bad kumta, u la tei artat ïalade u Mot sahnam sah pyrto uba ki bor ka mariang kin ym lah ban pyntwa ne
pyn khyllem noh”. (1x4=4)
(i) Uei uta u Mot sahnam ba u Alfred Nobel u la tei?
(ii) Kumno u la leh ban tei ïa uta u mot?
(iii) Katno tylli ki buskit yn ai man ka snem?
(iv) Katno kawei kawei ka buskit ka shongdor?

****************

Sample Question Paper of SSLC – Khasi (IL) Page – 8 of 8