Ep 57: Rakshabandhan

Defreeze…

Dadi zanjeer ko dekh ke samajh nahi pati ki ye kis liye hain, aur Dadi, Chakori se poochhti
hai, ki ye hai kya? Chakori stunned hai, wo kya kahe, wo ankhein badi-badi kar ke wahin
khadi hai, kuchh bol nahi rahi hai. flickering lights ki hi raushni mein sab kuchh dhundhla
dikhai de raha hai. Dadi charon taraf dekhte hue aage badh rahi hai. Dadi, Umed ki family
picture ke paas pahuchti hai. Big Build-up ki Dadi picture dekh payegi kya? Chakori ka
reaction, use samajh nahi aa raha hai ki Dadi ko kaise roke? Aur Tabhi wahan moong aa jata
hai aur wo Dadi ko rokta hai ki yahan bekaar jagah mein kya kar rahi ho? Yahan cheezein
bikhri hui hain, kahin koi chot lag gayi toh lene ke dene pad jayeinge. Dadi ko sab kuchh
suspicious lag raha hai aur Dadi, Moong se poochhti hai ki ye zanjeer yahan kya kar rahi hai.
Moong, Chakori ki taraf dekhta hai aur use assure karte hue kehta hai ki Chakori ki Bhabhi
paagal thi, jiski wajah se wo kai baar violent ho jati thi, kabhi khud ko chot laga baithti thi,
kabhi kisi aur ko, isliye Maa, doctor ne usko baandh ke rakhne ko kaha tha, abhi usko
hospital mein shift kiya hai, ye usi ka kamra hai, bistar wagairah yahan se hata diye hain.
Aapko kisi padi hui cheez chot lag jayegi, aaiye bahar chaliye. Ye keh Moong, dadi ko bahar
le jata hai. Dadi jate hue kehti hui jaati hai ki ghar ganda hai toh safai karwao na. Dadi shaq
karti hui, charon taraf dekhti hui jaati hai.

Ratan singh ke ghar pe, Sariyan dikhane wala ayaa hai. Ghar ki saari auratein, Kanak, Vrinda,
Purnima aur ghar ki kuchh naukraniya door khadi, sariyan dekh rahi hain. Aur tabhi,
Purnima ko ladke walon ka Phone aata hai – Haal chaal poochhne ke baad, ladke wale jaldi
se jaldi shadi karne ki baat karte hain. Purnima khush ho ke unse kehti hai ki ye toh badi
achchhi baat kar di aapne, Ratan singh ji ki aur meri bhi yahi ichchha hai, aur phir humane
ghar pe mata bulayi hui hai, toh yahin ghar pe, parson sangeet aur phir engagement kar lete
hain. Baqi, shadi poori dhoom-dham se Farm house se kareinge. Ratan singh ji abhi bahar
gaye hue hain, ek baar wo jayein toh baqi baatein bhi kar deinge. Purnima bahot khush jo ke
phone cut karti hai aur dularte hue, kanak se kehti hai ki ek Saari apni Shadi ke liye bhi
pasand kar le. Ye sunte hi, Kanak bahot ghabra gayi hai. Aur tabhi Kanak phone bajne lagta
hai, apna phone pick karne, Kanak side mein jaati hai.

Kanak aas-paas dekhne ke baad, zara dabi aawaz mein baat kar rahi hai. Sand ka phone hai.
Kanak, use panic ke saath kehti hai ki jaldi se jaldi bhagna hoga. Agle kuchh hi dino mein ye
loh, rasmein shuru kar rahe hain aur uske baad shadi, mujhe kisi aur se shadi nahi karni
sandy. Maine packing bhi kar li hai, Papa ke ane se pehle bhagna hoga, papa aane ke baad,
uss saand ko bhi ghar le aayeinge, soch lo, phir bhaag nahi payeinge hum log. Sandy kehta
hai ki uski chinta tum mat karo, main wo sab manage kar lung. Main wahi sab plan kar raha
hun, jaldi hi hum bhaag jayeinge, main aaj raat aata hun tumse milne. lekin abhi mujhe 20
hazar rupaye ki zaroorat hai, wo transfer kar. Kanak kehti hai ki abhi kuchh din pehle toh
transfer kiye the, phir ab kis liye paise chahiye, aur thode din mein hum bhag toh rahe hi
hain, tab le lena paise. Sandy kehta hai ki humein bhaag ke shahar jana hai, jane ke wahan
rehne ke sau kharche hain, phir wahan jaa ke kuchh dhandha bhi toh karna hoga. Samjha
karo,, abhi zidd mat karo, humare liye hi keh raha hai. Kanak kehti hai thik hai, transfer karti
hun. Ye keh ke kanak phone rakhti hai aur palat’ti hai toh dekhti hai ki peechhe Vrinda khadi
hai. Vrinda poochhti hai ki kisse baat ho rahi thi? BF se? Kanak sadd jaati hai aur kehti hai
tumse matlab ? Main already tumhe Ring de chuki hun, zyada lalach mat karo, Ab shanti se
baitho. Varna wo kahawat suni hai na, Shana kauwwa goo mein baithta hai.

Samar apni khidki ke paas, khada bahar dekh raha hai. Bahar Rasaal emotional, udas kuchh
kaam kar rahi hai. Samar ko ye ahsaas hai ki Rasaal ki udasi ka ek karan wo bhi hai. Tabhi,
Samar ki Dadi ka phone aa jata hai. Aur Samar bahot khush ho ke call receive karta hai. Dadi
playfully Samar se poochhti hai guess kar main kahan hun? Samar dhayn se dadi ke
background ka ghar dekhta hai aur khush ho jata hai ki Dadi aap ghar aayi ho. Aur phir ye
kehte hi Samar thoda naraz hone ka natak karta hai aur kehta hai ki Aise toh aap kabhi
yahan nahi aati, aur ab aayi bhi ho toh tab jab main nahi hun… ye badhiya hai Dadi, mujhe
aapse baar nahi karni. Ye sunte-sunte, Dadi, achanak Samar se kehti hai ki kya baat hai?
Samar ko samajh nahi aata, Dadi kya pooch rahi hai. Dadi ne Samar ki aawaz me dard ko
pehchan liya hai. Pehle Samar, Dadi se chhupane ki koshish karta hai, magar phir chhupa
nahi pata aur Dadi ke bahot poochhne pe Rasaal ke bare mein dadi ko sab sach bata deta hai
aur ye sun ke dadi kehti hai teri 12 gf tak toh main janti hun, unke liye toh tu kabhi serious
nahi hua, ye 13vin ke liye kaise serious ho gaya hai? Samar kehta hai serious nahi hua hun
Dadi, bas thoda --- asal mein meri wajah se uske bhai ko jail ho gayi hai, magar ismein ghalti
bhi uske bhai ki thi, maine use chori karte dekha tha, toh main aur kya kehta, maine keh diya
ki usne chori ki hai. Bas isi baat wo naraz hai, mujhse baat bhi nahi kar rahi hai aur shayad
kabhi nahi karegi. Dadi kehti hai ki Samar, tu pehli baar kisi ladki ke liye serious ho raha hai.
Lagta hai mujhe wahan aana hi padega. Samar kehta hai aap aaoge? Dadi kehti hai kyun
nahi aaungi, waise bhi main yahan teri Tai ki shakal dekh-dekh ke irritate ho gayi hun. Samar
kehta hai ki lekin dadi tum aise dusron ke ghar bina bulaye aaogi achchha lagega kya? Inke
yahan Jagrata bhi hai, aur bhi log honge, awkward na ho jaye. Dadi kehti hai, Jagrata hai toh
mata ki sthapna bhi ki hogi, Darshan toh kara de.

Samar Video call mein hi Dadi ko Mata ke darshan ke liye le ke jata hai. Wahan Purnima bhi
naukaron se kuchh kaam karwa rahi hai. Mata ke darshan ke baad, Samar, Dadi ko ghar ke
sare sadasyon se milwata hai. Dadi kehti hai ki Purnima se meri baat kara. Dadi, Purnima se
baat karti hai aur Purnima baton-baton mein Dadi ko batati hai ki humare yahan bahot
achchha jagrata hai, aas-paas se kaafi sare log aate hain. Dadi kehti hai ab beta, Phone pe
toh sab ek saa hi lagta hai na. Purnima kehti hai toh aap swayam aa jaiye. Dadi kehti hai aise
achchha thodi lagta hai. Purnima zid karti hai. aur Dadi ki trick kaam kar jati hai. Magar Dadi
phir kehti hai ki main aise aa gayi toh ye samar mujhe dantega. Purnima, Samar ko laad
karte hue kehti hai, aap meri bhi toh maa jaisi hain, aap aiye, humein bahot achchha lagega.
Dadi kehti hai ki ab tum itni zid kar rahi ho toh … aati hun main. Samar bahot khush ho jata
hai. Dadi Samar se kehti hai ki Mera Samar dukhi tha, main kaise naa aati.

Idhar Police station mein ek Hawaldar, Inspector ko ek packet laa ke deta hai. Shivraj, andar
cell mein, sar jhuka ke baitha hua hai. Inspector sabki nazar bacha ke, table ke andar se,
packet ko khol ke dekhta hai, usmein note bhare hue hain. Hawaldar, Inspector dheere se
kehta hai ki khatirdari chalti rahni chahiye. Inspector kehta hai ki, jitna patrol dalega, gaadi
utna milage degi. Hawaldaar kehta hai aur uska ek sandesha aur hai. Hawaldar, inspector ke
kaan mein kuchh batata hai. Inspector thoda take a back hota hai aur phir khud ko
sambhalte hue kehta hai ki uske liye bahut zyada lagega. Hawaldar bina soche kehta hai, sab
milega. Hawaldar kehta hai chalo ab khatirdari shuru do. inspector andar Shivraj ke cell mein
jata hai. Inspector pehle toh Shivraj ke charo taraf aise ghumta hai jaise use kabhi bhi laat
maar dega, magar wo aisa nahi karta. Hawaldar ko khana lane ko kehta hai aur Shivraj ke
samne khana rakh deta hai, Jaise hi Shivraj khane wala hota hai, do hwaldar Shivraj ka haath
peechhe bandh dete hain. Inspector, Shivraj se phir kehta hai ki Ab khana kha. Shivraj mana
karta hai, Inspector dhamki deta hai. Shivraj thoda reluctant hai, magar thodi der baad
SHivraj khane ko taiyyar ho jata hai aur jaise hi wo khane ke liye jhukta hai. Inspector Shivraj
ka Sar pakad ke zameen mein daba deta hai aur phir uska face zameen pe ragadne deta hai.
darane ke liye. Dono hawaldar Shivraj ko dandon se betahasa peetne lagne lagte hain. In
quick cuts we See ki Inspector se Shivraj ko itna mara hai ki khud inspector bhi khada nahi
ho paa raha hai. aur Inspactor ladkhadate hue apne Hawaldar ke sath bahar chala jata hai.
Hum Shivraj ke face pe focus karte hain, Shivraj Zameen pe adhmara pada hai. Par uski
saansein chal rahi hain.

Ratan singh ke ghar ke thik Samne aa ke gaadi rukti hai aur Dadi us se bahar utarti hain. Dadi
ko nahi pata Ratan singh ka kaun sa ghar hai. Dadi idhar-udhar dekhti hai kisi se poochhne
ke liye. Aur dadi ki Nazar, Rasaal, pe padti hai, Dadi ko yaad aa jata hai, ye toh Rasaal hai,
video call mein Samar ne dikhaya tha. Rasaal udaas, apne kaam mein khoyi hui hai. Dadi
Rasaal se poochhti hai ki ratan singh ji ka ghar kaun sa hai. Rasaal, Dadi ka saman pakad leti
hai aur Dadi ko ghar ke darwaze tak le jati hai, magar darwaze pe pahuchte hi Rasaal thithak
jaati hai. andar nahi jaati. Dadi, Rasaal se kehti hai ki andar kyun nah aa rahi. Rasaal ki
aankhein bhar aati hain, Rasaal kehti hai ki main bas yahin tak aa sakti hun. Tab tak wahan
Purnima aur dusre log bhi aa jate hain. Dadi apna parichay deti hai, sab log dadi ko greet
karte hain aur phir Purnima kin azar peechhe khadi Rasaal pe padti hai. Purnima, Rasaal ko
jhidkti hai, ki tu yahan khadi khadi kya kar rahi hai, chal jaa apna kaam kar. Dadi bahot
lovingly Rasaal ko dekhti hai, aur phir andar chali jati hai.

Dadi ka andar, swagat-satkar hota hai. Dadi ka saman andar rakhawaya jata hai. Dadi ko
sharbat laa ke dete hain aur ek plate mein phalahari bhojan. Dadi mata ke darshan karti hai.
aur phir ekant mein dadi, Samar se kehti hai ki ek baat bataun, Rasaal teri 13vin nahi banane
wali. wo teri pehli hone wali hai, jo tujhe baandh degi, dekh lena. Samar kehta hai kya baat
kar rahi ho Dadi, aisa kabhi nahi hoga, humara bahot bada jhagda chal raha hai. kuchh nahi
hone wala. Dadi kehti hai ki maine tum dono ki aankhon mein dekha hai. bas mata rani aur
apni Dadi pe bharosa rakhna. Dekh lena, sab thik hoga.

Night- Montage - Jagrata shuru ho raha hai - Log aa rahe hain - apni-apni jagah baith rahe
hain – Gana shuru hota hai – Sab jhoom rahe hain – Kanak bhi wahan hai – Hum dekhte hain
Kanak ko kisi ka phone aa raha hai – Kanak aas-paas dekhti hai ki koi dekh toh nahi raha hai
aur Kanak, dabe panv apne kamre ki taraf jaati hai.

Idhar Kanak apne kamre ka window kholti hai aur hum dikhaate hain ki bahar uska boy
friend Sandy hai. Sandy khidki se chadh kar andar aata hai. vo use shant rahne ke ishara
karti hai…Lekin vo kehta hai ki sab so gaye honge…vo sath me drink ki bottle lekar aaya hai…
vo celebrate karna chahta hai…is mauke ko…humare raste ka sabse bada kaanta door. Aur
vo Kanak ko drink pilaane ki koshish karta hai lekin Kanak ka mana kar dena, uska zid karna
lekin fir uska thoda react bhi karna ki main tumse shadi karne wali hu…kaun pati chaahega ki
uski biwi drink kare ya fir biwi chaahegi ki pati drink kare…Ye kehte hue vo jabran uske hath
se bottle chheenti hai aur wash basin me udel deti hai aur BF gusse me bhadak jaata hai ki
mood kharab kar diya…kitna achcha mauka tha…us saale Shiva ne kitna pareshan kiya tha…
uska ilaaz karke aaya hu main…tumne mujhe celebrate bhi nahi karne diya. Aur ilaaz ke
mention pe Kanak ka react karna aur poochhna ki kaisa ilaaz aur BF ka sakpaka jaana. Kanak
ka shak badhna ki kahin tum Shiva ko koi nuksan to nahi pahuchane wale. Vo shaken kuchh
nahi bolta to uska shak aur badhna aur usse panicked poochhna ki kya karne wale ho tum ?
kahin tum badle me andhe hokar use koi nuksaan to nahi pahuchaane wale ho…vo jhujhlayi
use hilaate poochhti hai aur vo achanak se tewar badlta hai aur kehta hai k..kuch nahi…Bas
aise hi sifarish laga ke aaya hu ki usne jitna mujhe maara, utna hi vo use maare…Aur vo jis
tarah se kehta hai, use dekh kar lagta hai ki vo jhooth bol raha hai…

Late night…Idhar Shiva leta hua hai…same nange badan. Farsh pe…kaanp raha hai…vo maar
khane ki wajah se bahut buri haalat me hai. Aur idhar inp jo ki baitha oongh raha tha, vo
ghadi pe nazar daalta hai…4 bajne wale hain…Vo contable ko ishara karta hai. Vo haan me
sir hilaa kar chala jaata hai. Aur fir thodi der me hum dikhaate hain ki vo do aadmiyon ke
sath wapas aata hai, khatarnaak dikhne wale…Aur vo unhe le kar Shiva ke lock up ke samne
jaata hai, darwaja kholta hai…Aur unhe ander aise dhakka maarta hai jaise lage ki kaidi ko
thela gaya ho…vo aakar chupchap side me baith jaate hain…Shiva kisi tarah se taakat juta
kar ghoom kar unhe ek look deta hai, fir waise leta rahta hai…build up…sannata…sirf ghadi ki
tiktik…Aur fir aadmiyon ka aapas me ishara…Aur fir achanak se vo dheere dheere Shiva ki
taraf badhte hain, ek apni pant ki belt kholta hai…fir achanak se ek pakdta hai aru doosra
uske gale me vo belt daal deta hai aur kheenchne lagta hai…Shiva chillane chalta hai to ek
uska munh daba deta hai aur idhar Inp aur constable chupchap bahar rahte hain…idhar
udhar dekhte hu…fierce struggle…jisme shiva ek aadh baar unhe patakta hai lekin vo itna
peeta gaya hai ki vo kamjor ho gaya hai aur vo log use apne kabu me le lete hain…uska gala
dabaane lagte hain…Aur vo tadap raha hai aur hum build karte hain ki kaise uska hath farsh
pe chhatpataata hai…chhatpata hai…Aur fir achanak hi dheela pad jaata hai…Full treatment
and build up.