9th September, 2010
Synfocity=309 www.mizoramsynod.org
1 Khawruhlian Presbyterian Biak In hawng
September ni 4 (inrinni) khan Synod Moderator Rev. C.Chawngliana chuan Khawruhlian Presbyterian Kohhran Biak In
thar a hawng.
Biak In thar hawnna inkhawm hi Bialtu Pastor Pastor H.Lallungmuanan a kaihruia a, Synod Secretary
Upa. Vanlalhuman Biak In thar hlanin a tawngtai a ni.
Synod Moderator chuan Khawruhlian Kohhran chu entawn tlak tak nia a hriat thu a sawi a. Kohhran lian lo tak ni chung
pawha Biak In tha tak an sa thei chu a lawmpui thu sawiin, Kohhran tam takin Kohhran Biak In sak na kawnga Synod
tanpuina an dil thin ang te pawh cheng khat mah dil lova an mahni kut kawih liau liaua an sa thei chu fakawm a tih thu a
sawi bawk a ni.
Khawruhlian Presbyteian Kohhran Biak In hi vawinga an sak thatna niin tun tuma an hawn tak hi Rs. 7,87,400/- senga
sak niin Kohhan member 423 an awm a ni.
Synod Moderator hian Khawruhlian Pator Bial-a Kohhan hrang hrangte a tlawhkual nghal a. Mizoram Synod Choir in
zaia rawngbawlin Moderator hi an tawiawm a, Kohhran mipuiten an hlut hle a ni.
1 Family Guidance & Counselling Centre
Family Guidance & Counselling Centre (FG&CC) chuan September 1 - 15 chhung awh tur Lay Leaders’ Pastoral Care
& Counselling, vawi 13-na, Synod Multipurpose Training Centre (SMTC), Mission Vengthlangah neih mek a ni a,
Training hi September 1 zan khan Synod Moderator Rev. C. Chawnglianan a hawng a ni.
Tun tumah hian Aizawl khawpui chhunga Pastor Bial 7 (Dawrpui Vengthar Bial, Chanmari Bial, Venghlui Bial, Tuikual
Bial, Electric Bial, Durtlang Bial leh Bungkawn Bial) atangin Kohhran tin aiawh pakhat theuh tel tura sawm an ni a,
Kohhran Upa 17 lai an tel thei a ni. Resource Person atan Rev. C. Sangliana, Rev. Lalrinmawia,
Rev. J. Vanlalhnuna leh Dr. C. Lalhrekima te an hmang a, Protective Home, Hunthar-ah Practical class an neihpui
bawk.
September 14 (Thawhlehni) zan dar 6:30 hian Final Evaluation & Graduation Service an hmang dawn a,
Rev. Zothansanga, FG&CC Director-in programme a kaihruai ang a, Rev. Vanlalzuata, Senior Executive Secretary-in
trainee-te hnenah Certificate a hlan ang a, thuchah a sawi nghal ang.
Synod hian 1991 atang khan Pastor-te pualin Counselling Training hi a buatsaih thin a, kum 2002 atang khan Lay
Leader-te pualin Counselling Training hi buatsaih thin a ni bawk.
Family Guidance & Counselling Centre hi mimal, nupa, chhungkua leh kawng hrang hranga harsatna neiten an pan thin
a, a din tirh 1997 atangin pantu mi 4548 an awm tawh a ni. Tunah hian Centre pui ber, Synod Compound Mission Veng
ami bakah Chanmari Biak In hnuaiah pawh Counselling Centre Branch hawn a ni tawh a. Hengte hi kawng hrang
hranga harsatna neite tan pan theih reng an ni.
1 Zin
w September 6 - 11 chhung hian PCI Communication & NEITAC Meeting, Shillong-ah neih mek a ni a, meeting-ah
hian Rev. Zosangliana Colney, Executive Secretary; Rev. Thangzauva, Editor leh Upa F. Lalsangliana, Bookroom Gen.
Manager te an tel. Rev. Zosangliana Colney leh Pu Thangliankhuma, Asst. Engineer-ten Shillong & Guwahati-a Synod
Guest House Building thawmthat ngaite an enfiah nghal ang.
w Vawiin (Sept. 9) hian Tripura Mission Field Committee meeting, Agartala-ah an nei a ni dawn a, Rev. Lalzuithanga,
Executive Secretary, Rev. C.M. Zalenthanga, Field Committee Member leh Upa B. Lalrinliana, Field Committee
Member-te an tel ang. September 6 (Thawhtanni) khan Karbi Mission Field Committee meeting, Diphu-ah an nei tawh
bawk a ni.
w September 8 - 11 chhung hian Churachandpur, Manipur-ah Synod sum vawn dan leh Kohhran Hruaitute Training
neih mek a ni a, training neihpui tur hian Upa C. Lalmuankima, Asst. Finance Manager a kal.
1 Social Front
w September 10 (Zirtawpni) hian PCI Monitoring Cell Meeting, Shillong-ah neih a ni dawn a, meeting-a tel tur hian Dr.
Robert S. Halliday, Social Front Coordinator & PCI Monitoring Cell Member a kal. Dr. Robert S. Halliday hian vawiin
(Sept. 9) khan Shillong a pan a, September 11 (Inrinni) hian a lo let leh ang.
w September 11 & 12 hian Teikhang Kohhranah Social Front Campaign neih a ni dawn a, hemi neihpui tur hian
Pu John Lalhruaitluanga, Social Front Asst. Coordinator leh Tv. Sangzuala Chhangte (Soloist) te an kal ang.
Synfocity=309 1
1 Music
Synod Music Committee-in Kristian Chhungkaw Hla leh Inneih Hla inphuahsiak a buatsaihah hla thehlut an thahnem hle
a, chhan hrang hrang avangin hnawl (disqualified) engemawzat a awm bawk. Hla thehluh enthat hnuah Kristian
Chhungkaw Hla (Hla pui) - 45, Kristian Chhungkaw Hla (Vantlang Hla) - 358, Kristian Chhungkaw Hla (Solo) - 159,
Kristian Chhungkaw Hla (Hla chham chi) - 294 leh Inneih Hla (Vantlang Hla) - 460 te pawm a ni a, a vaiin hla 1,316 a ni.
Hla inphuahsiak hi September 25 (Inrinni) ral hma-in endik zawh tum a ni a, September 30 (Ningani) ah Results puan
leh lawmman sem a ni ang. Results puan hma hian TV leh Chanchinbu-ah progamme hi tarlan tum a ni a, hla
phuahtuten lo ngaihven tur a ni e.
1 Synod Bookroom News
w September 13 (Thawhtanni) zan hian Mission Vengthlang Branch KTP leh Bookroom tangkawpin Literature Nite an
hmang dawn a, Tv. Lalzarmawia, Bookroom Sales Promoter-in thu a sawi ang a, Tv. Lalniliana, Synod Bookroom
Manager-in Slideshow a present ang. Literature Nite an hman turah hian 10% Discount-in bungrua hrang hrang zawrh
chhuah a ni ang.
w September 14 - 18 chhung hian Lunglei leh Lawngtlai Branch-ah Reduction Sale neih a ni dawn a, Reduction Sale
neihpui tur hian Synod Bookroom Headquarters atangin Tv. Lalzarmawia, Sales Promoter leh Pi B. Lalthiangi, Foreman
te an kal ang.
w September 13 - 18 chhung hian Serchhip Branch-ah Physical checking neih a ni dawn a, hemi neihpui tur hian
Pu P.C. Lalramliana leh Pu C. Vanlalhmuaka te an kal ang. September 6 - 8 chhung khan North Vanlaiphai Distributor-
ah Physical checking hi Pu C. Zonunsanga leh Tv. Chawnghmingliana ten an lo nei tawh bawk a ni.
1 Naupang Inkhawmpui
September 12 (Pathianni) hian Presbyterian Kohhran Naupang Sunday School (Beginner - Sakramen Department) ten
Kohhran hrang hrangah inkhawmpui an nei ang a, thu leh hla hmangin intihsiakna an nei ang. September 19 (Pathianni)
hian Senior Department-ten Inkhawmpui (Senior Department Meet) Bial tinah an nei thung ang.
MSSU hnuaiah kum 2010 hian Sunday School 862 a awm a, Zirtirtu 38967 an awm a, Zirlai 343614 an awm a. A vai
belhkhawmin 385884 an ni. Senior Department bikah tunah hian Zirtirtu 3893 an awm a, zirlai 26332 an awm a ni. A vai
belhkhawmin 30225 an ni.
1 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
w September 10 (Zirtawpni) - Sentlang Biak In thar hawn
w September 11 (Inrinni) Zan - Dinthar Vengthlang
w September 12 (Pathianni) Zan - Chanmari Kohhran
ADMISSION NOTICE
Kum 2011 Session atan September 1, 2010 atangin Class ‘A’ leh Class ‘B’ tur tan Rs. 150/- kengin School Office-ah
Admission tih theih a ni e.
Headmistress,
P.C. Girls’ School
MSSU Hriattirna
Kumin 2010 Khawvel Sunday School Ni Zirlai Thupui zir tur chu peih fel a ni tawh a, Bial Sunday School Secretary-ten
Synod Office, MSSU Department-ah lam theih a ni.
REV. ZOSANGLIANA COLNEY
Executive Secretary
SMTC Hriattirna
Synod Multipurpose Training Centre chuan man tlawm zawkin Pastor kawr (Clerical Shirt), kawr (mipa & hmeichhia),
kekawr an thui thei reng e.
Programme Director,
SMTC
Synfocity=309 2
H R I A T T I R N A
Aizawl Theological College-a B.D.emaw, M.Th (Christian Theology; New Testament; Missiology; History of Christianity)
emaw, BCS – Bachelor of Christian Studies(Mizo tawngin) emaw, Dip.C.S.- Diploma in Christian Studies (Mizo tawngin)
emaw zir duhte tan dîl a hun leh ta a. A zir duhte chuan Office hun chhûngin College Office-ah dîlna form hi Rs. 100/- a
lei theih a ni. Dîlna form hi kim taka dahkhatin College Office-ah thehluh tur a ni a. Dîltute tana hriattur a hnuaiah hian
kan han târlang e. Ruih theih thil leh zûk leh hmuam tite tan leh Tatoo neite tan dîl buai a ngai lo ang.
Dîl thei chin :
M. Th. tan (i) B.D. Second Class B Grade chin; an zir tur subject-ah B.D. an zirlaiin Paper 3 ah 60% an hmu tur a ni.
(N.T. leh Theology subject atan Biblical language requirement pawh a tel)
(ii) B. Th. zo tawh B.D. zo tawh bawk chuan an zir tur Subject-ah B.D. an zir laiin Paper 2 ah 60% an hmu
tur a ni. (N.T. leh Theology subject atan Biblical language requirement pawh a tel)
B.D. tan (i) Graduate leh a chung lam emaw
(ii) B. Th. (English papers 72 & 73 passed)
B.C.S. tan (i) Graduate leh a chung lam emaw,
(Mizo tawngin) (ii) B. Th. emaw, Dip.C.S. Second class passed emaw, (English Paper 72 & 73 passed chin)
(iii) Senate pawm theih rawngbawlna kum 2 thawk tawh kum 25 chin chung lam Senate of Serampore
College Mature Candidate examination passed tawhte emaw tan
Dip. C.S. tan (i) Kum 18 chin Class XII passed emaw,
(Mizo tawngin) (ii) Class X passed Senate of Serampore College pawm theih rawngbawlna kum 5 thawk tawh te
emaw,
(iii) Class X passed kum 2 Theology emaw Secular Institution emawa zir tawh emaw, rawngbawl hna lo
thawk tawhte emaw tan
Dîl theih hun chhûng :
BCS/Dip. CS : November 15, 2010
B.D./M.Th. : January 5, 2011
Entrance Test :
M.Th. : January 25, 2011
B.D. : February 16, 2011
Interview :
M.Th. : January 26 & 27, 2011
B.D. : February 18, 2011
Dîlna form (Application form)-ah hengte hi thil tel tur a ni :
1) HSLC leh a chunglam Certificates leh Marksheets
2) Mahni awmna Kohhran lehkha
3) Medical Fitness Certificate (Church Mission Hospital atangin)
- Principal
Aizawl Theological College, Durtlang
………………………………………………….............................................................................................................................
9th September, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org
Synfocity=309 3
