180-dən çox ölkədə 3 milyarddan çox insan WhatsApp1 vasitəsilə istənilən vaxt və istənilən yerdə dostları və ailəsi ilə əlaqə saxlayır. WhatsApp ödənişsizdir2 və bütün dünyada telefonlarda əlçatan olan sadə, təhlükəsiz, etibarlı mesajlaşma və zəngetmə xidməti təklif edir.
1 Bəli, WhatsApp adı What's Up (Nə olub) ifadəsinin söz oyunudur.
2 Data istifadəsinə görə ödəniş çıxıla bilər.
WhatsApp, SMS-ə alternativ qismində işə salındı. Məhsulumuz indi müxtəlif media: mətn, fotolar, videolar, sənədlər və məkan, həmçinin səsli zənglərin göndərilməsini və qəbulunu dəstəkləyir. Dəyərli anlarınızın bir çoxunu WhatsApp-la paylaşdığınızdan tətbiqimizdə tam şifrələmə quraşdırmışıq. Hər bir məhsul qərarının arxasında insanların dünyanın istənilən yerində maneəsiz şəkildə ünsiyyət qurmasına imkan vermək istəyimiz dayanır.
WhatsApp əvvəllər Yahoo-da birlikdə 20 il keçirmiş Jan Koum və Brian Acton tərəfindən yaradılmışdır. WhatsApp 2014-cü ildə Facebook-a qoşuldu, lakin tam olaraq əsas diqqəti dünyanın istənilən yerində sürətli və etibarlı şəkildə işləyən mesajlaşma xidmətinin qurulmasına yönəldən ayrıca tətbiq kimi fəaliyyətini davam etdirir.