Над 3 милијарди луѓе во над 180 земји ја користат WhatsApp1 за да останат во контакт со пријателите и роднините, секогаш и секаде. WhatsApp е бесплатна2 и нуди едноставни, безбедни и сигурни пораки и повици, достапни на телефони низ целиот свет.
1 Да, името на WhatsApp е финта добиена од фразата „What's Up“ (Како е?).
2 Може да ти се наплати од операторот.
WhatsApp започна како алтернатива на SMS-пораките. Нашиот производ поддржува испраќање и примање разни аудиовизуелни содржини: текст, фотографии, видеа, документи и локации, како и гласовни повици. Дел од твоите најинтимни моменти се споделуваат преку WhatsApp и затоа вградивме целосно шифрирање во нашата апликација. Зад секоја одлука за производ стои нашата желба да им овозможиме на луѓето да комуницираат каде било во светот без бариери.
WhatsApp е основана од Јан Кум и Брајан Ектон, поранешни вработени во Yahoo кои заедно поминаа вкупно 20 години таму. WhatsApp се придружи на Facebook во 2014 година, но продолжи да функционира како одделна апликација со сосредоточен фокус на градење услуга за размена на пораки која функционира брзо и сигурно секаде во светот.