华沙

华沙个部分地标

华沙（波兰文：Warszawa。“华沙”是吴语对英文Warsaw[ˈwɔː.sɔː]个音译）是中欧东面个一个城市，乃朝归波兰管辖，也是波兰个首都。华沙是波兰境内顶大个城市，市区人口有得170万，都会区人口有得250万也弗罢。此地从16世纪末脚开始成为合并脱仔以后波兰立陶宛大公国个首都，之后一径充当波兰首都搭国家象征。第二次世界大战辰光畀严重损毁，后手来重新修造；20世纪五十年代，在拉苏联控制下底头波兰施行社会主义，个咾造仔交关斯大林建筑，乃么再形成功乃朝个风貌。