Wys bron van Huisgenoot

{{TITELAANSIG|''Huisgenoot''}}
{{Inligtingskas tydskrif
|titel = Huisgenoot
|beeld_leêr = Logo huisgenoot.png
|beeld_grootte =
|beeld_byskrif =
|redakteur_titel =
|redakteur = Yvonne Beyers
|redaksielid = Almari Wessels, Cyril Blackburn, Lara Atson, Charlea Sieberhagen-Grey, Hugo Loubser, Deon Lamprecht, Johannes de Villiers, Suzaan Hall e.a.
|kategorie = Algemene belang; gesinstydskrif
|frekwensie = Weekliks
|oplaag = 
|uitgewer = [[Media24]]
|betaalde_oplaag =
|onbetaalde_oplaag =
|totale_oplaag = 140&nbsp;279 (ABC, 1e kwartaal 2021)
|gestig = 1916
|eerstedatum =[[20 Mei]] [[1916]]
|finaledatum =
|finalenommer =
|maatskappy =
|land = [[Suid-Afrika]]
|taal = [[Afrikaans]]
|webwerf={{URL|http://www.huisgenoot.com/}}
|issn=
}}
'''''Huisgenoot''''' is 'n weeklikse [[Afrikaans]]e gesinstydskrif. Dit het lank die hoogste sirkulasiesyfers van alle betaalde [[Suid-Afrika]]anse tydskrifte gehad,<ref>[http://www.marklives.com/2013/02/the-biggest-circulating-consumer-magazines-in-sa-3/#.U3tHa_mSz-o The biggest circulating consumer magazines in SA], marklives.com, URL besoek op 20/05/2014</ref> en is steeds die beste verkoper onder Afrikaanse tydskrifte. Sy susterstydskrif ''YOU'', die [[Engels]]talige weergawe, is ook onder die toptydskrifte. Nog 'n voormalige susterstydskrif, ''[[Drum (tydskrif)|Drum]]'', was op die swart mark gerig. Daar word geskat dat meer as twee miljoen mense weekliks ''Huisgenoot'' lees. ''Huisgenoot'' word deur [[Media24]], 'n filiaalmaatskappy van [[Naspers]], uitgegee en die inhoud bestaan uit 'n mengsel van ware drama, glansonderwerpe, mode en verbruikersake sowel as resepte, [[blokkiesraaisel]]s, tuisprojekte en sport. Dit het ook 'n kinder- en tienerafdeling en elke week minstens een kortverhaal of ’n vervolgverhaal.

==Bestuur==
[[Beeld:Henriëtte Loubser, redakteur van Huisgenoot.jpg|duimnael|links|190px|[[Henriëtte Loubser]], redakteur tot einde Mei 2017, aan die woord tydens die viering van ''Huisgenoot'' se 100-jarige bestaan op 20 Mei 2016.]]
[[Beeld:Esmaré Weideman HG 100-partytjie, 20 Mei 2016.jpg|links|190px|duimnael|[[Esmaré Weideman]], 'n oudredakteur van ''Huisgenoot'', aan die woord tydens die tydskrif se eeufeesviering op [[20 Mei]] [[2016]].]]
[[Beeld:Media24-sentrum nuwe vooraansig 2015.jpg|duimnael|links|190px|Huisgenoot se kantoor is op die sewende en agtste verdieping van die [[Media24-sentrum]] op die Kaapse Strandgebied.]]
Izelle Venter was van [[1 Julie]] [[2011]] hoofredakteur van al drie publikasies, wat saam 'n sirkulasie van sowat 435&nbsp;000 eksemplare per week gehad het in die eerste kwartaal van 2016.<ref>{{en}} [http://www.marklives.com/2016/05/abc-analysis-q1-2016-the-biggest-circulating-consumer-mags-in-sa/ ANC Analysis Q1 2016.]</ref> Venter het Esmaré Weideman opgevolg wat aangestel is as uitvoerende hoof van [[Media24]]. Julia Viljoen het redakteur van Huisgenoot geword en sy is deur Henriëtte Loubser opgevolg.<ref>[http://whoswho.co.za/henriette-loubser-862826 Henriëtte Loubser by Who's Who in Southern Africa] {{Webarchive|url=https://web.archive.org/web/20170401003902/http://whoswho.co.za/henriette-loubser-862826 |date= 1 April 2017 }}, URL besoek op 20/05/2014</ref> Einde 2013 is die hoofredakteurspos afgeskaf. Yvonne Beyers is van [[1 Junie]] [[2017]] af redakteur van die tydskrif.<ref>[http://www.netwerk24.com/Nuus/Algemeen/huisgenoot-yvonne-beyers-is-nuwe-redakteur-20170502] {{Webarchive|url=https://web.archive.org/web/20200807131008/https://www.netwerk24.com/Nuus/Algemeen/huisgenoot-yvonne-beyers-is-nuwe-redakteur-20170502 |date= 7 Augustus 2020 }} Huisgenoot: Yvonne Beyers is nuwe redakteur]. Netwerk24, 2 Mei 2017. Besoek op 26 Mei 2017</ref>

==Handelsmerk==
[[Lêer:Eeugenoot 1999.jpg|duimnael|200px|Gedenkuitgawes van die tydskrif verskyn gereeld om mylpale in sy bestaan te vier, maar ook boeke, soos dié glanspublikasie van 1999, ''Eeugenoot'', 'n oorsig oor hoogtepunte in Huisgenoot se beriggewing in die 20ste eeu.]]
Daar is verskeie handelsmerkuitbreidings (afsonderlike tydskrifte oor onder meer brei, bak, blokraaie). Verder is 'n gewilde konsert, [[Skouspel]], jaarliks tot in 2014 aangebied waar van die land se vooraanstaande Afrikaanse kunstenaars opgetree het. Dit is gewoonlik oor twee naweke by Sun City gehou. By 'n afsonderlike geleentheid word die gewildste sangers, akteurs, TV-programme ens. van die jaar vereer met 'n toekenning, Tempo.<ref>[http://www.channel24.co.za/Music/News/Local-award-ceremony-announces-nominees-20130621 Tempos by Channel24], URL besoek op 20/05/2014</ref> 'n Jaarlikse Skouspel is ook in [[Kaapstad]] gehou.<ref>[http://www.media24.com/af/mediasentrum/nuus/item/2245-huisgenoot-skouspel-terug-op-die-kaapse-kalender.html Huisgenoot-Skouspel terug op die Kaapse kalender, News24] {{Webarchive|url=https://web.archive.org/web/20140521031429/http://www.media24.com/af/mediasentrum/nuus/item/2245-huisgenoot-skouspel-terug-op-die-kaapse-kalender.html |date=21 Mei 2014 }}, URL besoek op 20/05/2014</ref> In 2015 het Skouspel SuperSkouspel geword, 'n eenmalige konsert vir sowat 30&nbsp;000 toeskouers in die FNB-stadion in Johannesburg. Dit is net in 2015 aangebied.

In Julie 2012 het ''Huisgenoot'' in samewerking met [[kykNET]] hul eie [[werklikheidsreeks]], [[Saktyd]], geloods.<ref>[http://maroelamedia.co.za/blog/boeretroos/taaltoffie/saktyd-kyknet-se-nuwe-realiteitsprogram/ KykNET's new reality show Saktyd] Maroela Media, URL besoek op 20/05/2014</ref> Die reeks het vir ''Huisgenoot''-aanhangers 'n agter-die-skerms-kykie gegee van wat dit verg om weekliks die land se mees gewilde tydskrif te vervaardig, terwyl dit ook 13 deelnemers uitgedaag het om 'n gesogte pos by die tydskrif te wen. Die uiteindelike wenner was [[Christiaan Boonzaier]].

== Geskiedenis ==
Die tydskrif is in [[1916]] as die maandblad ''De Huisgenoot'' gestig (die eerste uitgawe het op [[20 Mei]] daardie jaar verskyn) om 'n inkomstestroom vir [[Die Burger]] te verskaf en om die [[Afrikaners|Afrikanerbevolking]] te voorsien van inspirasie, inligting en vermaak.<ref name=Froneman>Prof. J. D. Froneman, Skool van Kommunikasiestudies, Potchefstroomse Universiteit, [http://academic.sun.ac.za/journalism/news/archive/conference03/papers/froneman.doc Dominante motiewe in die transformasie van Huisgenoot] {{Webarchive|url=https://web.archive.org/web/20060310003058/http://academic.sun.ac.za/journalism/news/archive/conference03/papers/froneman.doc |date=10 Maart 2006 }}, 1916–2003, Voorgedra by die Media in Africa conference, Stellenbosch, 11-12 September 2003. Afgelaai op 18 November 2007</ref> Die ''Huisgenoot'' was in die beginjare 'n belangrike bron van kennis oor geskiedenisonderwerpe, nie net Suid-Afrikaanse onderwerpe nie, maar ook gebeure uit die wêreldgeskiedenis en dit kon as "die volk se universiteit" beskou word.<ref>[[Die Burger]], [http://152.111.1.251/argief/berigte/dieburger/2004/04/03/BY/16/01.html US-databasis bewaar]{{Dooie skakel|date=Augustus 2021 |bot=InternetArchiveBot |fix-attempted=yes }}, besoek op 18 November 2007</ref> [[Eugène Marais]] het byvoorbeeld vier artikels oor miere vir ''Die Huisgenoot'' geskryf.<ref>[[Universiteit van Johannesburg]], [http://general.rau.ac.za/library/lidi/ujlic/SBVframe.htm Library & Information Centre – H.G. Viljoen-dokumente]{{Dooie skakel|date=Augustus 2021 |bot=InternetArchiveBot |fix-attempted=yes }}, besoek op 18 November 2007</ref>

Die tydskrif is in sy beginjare sterk vereenselwig met die ontluikende Afrikanernasionalisme. Historiese figure is gereeld op die voorblad gebruik. Die eerste uitgawe het 'n foto van pres. [[Paul Kruger]] vertoon en die opvolgende uitgawe dié van pres. J.H. Brand (Julie 1916). Ander figure wat op die voorblad gepryk het, het genl. Piet Joubert (Augustus 1916), die volksdigter [[Jan F.E. Celliers]] (September 1916), Karel Trichardt (Oktober 1916), pres. [[F.W. Reitz]] (November 1916) en die Vader van Helpmekaar, ds. [[John Daniel Kestell|J.D. Kestell]] (Desember 1916) ingesluit.<ref name="Froneman" />

''Huisgenoot'' het egter geleidelik ál meer markgerig geraak en die inhoud is ter wille van populêre smaak aangepas. In Oktober [[1923]] het ''Die Huisgenoot'' aangekondig dat dit in 'n weekblad sou verander. In dié uitgawe skryf die redakteur, prof. [[Johannes J. Smith|J.J. Smith]], dat hoewel die "ernstige sy van die lewe" nie verwaarloos sal word nie, daar ook gepoog sal word "om iets vir die smaak van elke leser aan te bied" en "meer in voeling met die behoeftes en wense van die aangroeiende leserskring te bly".<ref name="Froneman" /> Teen die laat 1940's het die tydskrif in die meeste van sy doelwitte geslaag, naamlik om in die middelpunt van die Afrikaanse kultuurlewe te staan, te help om Afrikaans as skryftaal te vestig, 'n leesgewoonte onder Afrikaners te kweek en om 'n platform te bied aan Afrikaanse skrywers en digters.<ref>Stella Viljoen, [https://www.up.ac.za/dspace/bitstream/2263/3090/2/Viljoen_Imagined(2006).pdf Imagined Community': 1950s kiekies of the volk]{{Dooie skakel|date=Augustus 2021 |bot=InternetArchiveBot |fix-attempted=yes }}, Afgelaai op 18 November 2007</ref>

Teen die 1950's en 1960's het filmsterre soos [[Audrey Hepburn]] (2 September 1960) en Ava Gardner (2 Desember 1960) pleks van landskappe of geskiedkundige figure op die voorblad gepryk. Gebeurtenisse soos Republiekwording in [[1961]] en die sluipmoord op dr. [[H.F. Verwoerd]] het egter heelwat publisiteit gekry. Die [[Nederlands]]erige titel ''De Huisgenoot'' is na die meer Afrikaanse ''Die Huisgenoot'' aangepas en in [[1977]] is die naam verder verkort tot ''Huisgenoot''.<ref name="Froneman" />

==Nuwe fokus==
[[Beeld:Karen Zoid, Huisgenoot se eeufeesviering, Mei 2016.jpg|duimnael|regs|260px|[[Karen Zoid]] het ''Huisgenoot'' se eeufeesliedjie, ''Waar was jy?'', gekomponeer en uitgevoer tydens die tydskrif se eeufeesviering op Nasdak in die [[Media24-sentrum]] op [[20 Mei]] [[2016]].]]
Teen die laat 1970's was die tydskrif besig om uit voeling te raak met die veranderende kulturele norme van die Afrikanerbevolking, ook weens die invoer van televisie-uitsendings in 1976, en die leserstal het drasties gedaal. Teen [[1978]] was die tydskrif in 'n ernstige verknorsing en 'n nuwe redakteur, [[Niel Hammann]], is aangestel. Hy het ''Huisgenoot'' in 'n meer populistiese en winsgedrewe rigting gestuur en die gewildheid en verkope het die hoogte ingeskiet – van 140&nbsp;000 tot 500&nbsp;000 kopieë per week. Hammann het hom veral op vroue, wat die primêre aankoper van tydskrifte is, se belangstellings toegespits. Die voorblaaie het sedertdien bekendes soos TV- en rolprentsterre, skoonheidspersoonlikhede soos Anneline Kriel en later Diana, prinses van Wallis, vertoon.<ref name="Froneman" /><ref>Van Reybrouck, D. 2003. ''Die plaag: Die stil geknaag aan skrywers, termiete en Suid-Afrika''. Vertaal deur Daniel Hugo. Pretoria: Protea Boekhuis, bl. 117: ''Hulle'' [Naspers] ''is ook die uitgewer van'' Huisgenoot '', die blad waarin Marais sy termietstukke gepubliseer het. Dit bestaan steeds. In die middel van die sewentigerjare het die blad sy gewildheid verloor, toe is dit drasties herskep volgens die beproefde resep van Duitse blaaie soos'' Bild ''en'' Stern: ''Minder is meer. Vandag is dit dus 'n sensasieblad vol gesondheidspraatjies, radelose lesersbriewe en skokkende foto-artikels. Met 'n weeklikse verkope van amper 'n halfmiljoen is dit die grootste tydskrif in Suid-Afrika. Op die voorblad is altyd mooi, opgewekte, halfberoemde mense. Binne-in is opskrifte soos'' Onthoof deur 'n ontploffende halsband, ''en'' Agtien verkeerde dinge wat jy met jou lyf kan doen – ''ek wonder of die dra van 'n ontploffende halsband een die 18 is''.</ref>

Saam met sy Engelse susterstydskrif, YOU, is dit een van die suksesvolste tydskrifte in Suid-Afrika, hoewel ''Huisgenoot'' se sirkulasie ná die halfmiljoen-hoogtepunt deurentyd daal en in die vierde kwartaal van 2012 op 270&nbsp;000 weekliks te staan gekom het, vergeleke met 283&nbsp;000 in die ooreenstemmende kwartaal 'n jaar vantevore, 'n afname van 4,6%.<ref>[http://blog.in24.co.za/wp-content/uploads/2013/03/Circflash-Oct-Dec2012-2.pdf Blog.in24.co.za]{{Dooie skakel|date=Augustus 2021 |bot=InternetArchiveBot |fix-attempted=yes }}</ref> In die vierde kwartaal 2015 was die sirkulasie sowat 238&nbsp;000. Huisgenoot se dalende verkope word egter gesien as tekenend van wat met die gedrukte media (koerante en tydskrifte) wêreldwyd gebeur. Die digitale revolusie met sy internet-toegang, wat behels dat inligting, vermaak en bowenal kommunikasie net 'n paar vingerdrukke ver is vir die mensemassa, verg besonderse pogings van joernaliste om gedrukte publikasies staande te hou. In die volgende afdeling word egter gesien hoe Huisgenoot ook by die tyd aanpas en die elektroniese uitdaging kaalvuis gepak het.

== Digitale gebruik ==
''Huisgenoot'' het sy digitale gebruik vergroot met onder meer ’n iPad-uitgawe, e-magazine op Zinio, ’n webtuiste, ’n iPhone-toepassing en blaaie op Facebook (met meer as 275&nbsp;000 aanhangers<ref>[http://www.media24.com/af/mediasentrum/nuus/item/2251-huisgenoot-se-facebook-gemeenskap-nou-200-000-sterk.html Huisgenoot se Facebook-gemeenskap nou 200 000 sterk, News24]{{Dooie skakel|date=Augustus 2021 |bot=InternetArchiveBot |fix-attempted=yes }}, URL besoek op 2014/05/20</ref><ref>[https://www.facebook.com/huisgenoot Huisgenoot op Facebook], URL besoek op 2014/05/20</ref>), Twitter, YouTube en Mxit.

=== Interaktiewe inhoud ===
Sedert 2010 gebruik ''Huisgenoot'' ’n interaktiewe toepassing wat [[Microsoft Tag]]-tegnologie gebruik. Dit stel lesers in staat om na video's te kyk deur eenvoudig ’n strepieskode-ikoon te skandeer. Dié ikone kom regdeur die tydskrif voor.<ref>Hofmeister, R. ''Huisgenoot''. Media24, 6 Januarie 2011, p. 5.</ref>

==Kyk ook==
* [[Huisgenoot: Ware Lewensdramas]]

== Verwysings ==
{{Verwysings|2}}

== Eksterne skakels ==
* Steytler, N.G.: Aan sy uitdaging getrou - hulde aan "Die Huisgenoot" 1916-1966. In: Lantern. Tydskrif vir Kennis en Kultuur. Jaargang 16, nr. 2, Desember 1966
* [http://www.huisgenoot.com/ Huisgenoot se amptelike webwerf]

{{Normdata}}

[[Kategorie:Afrikaanse tydskrifte]]
[[Kategorie:Suid-Afrikaanse tydskrifte]]