API-olie-waterskeier
'n API olie-waterskeier is toerusting wat ontwerp is om groot hoeveelhede olie en vastestowwe in suspensie uit die uitvloeisels van olieraffinaderye, petrochemiese-, chemiese-, aardgasverwerkingsaanlegte en ander nywerheidsbronne te verwyder. Die naam is afgelei uit die feit dat sulke skeiers ontwerp word aan die hand van standaarde wat deur die Amerikaanse Petroleum Instituut (API) gepubliseer is.[1][2]
Beskrywing van ontwerp en bedryf
[wysig | wysig bron]Die API-skeier is 'n skeier wat swaartekrag gebruik om die skeiding van olie en water te bewerkstellig. Stokes se wet word gebruik om die snelheid waarmee die oliedruppels styg aan die hand van hulle grootte en digtheid te definieer. Die ontwerp van die olie-waterskeier is gegrond op die spesifieke digtheidsverskil tussen die olie en die afvalwater aangesien die digtheidsverskille groter is as die verskil tussen die water en die gesuspendeerde vastestowwe. Hierdie ontwerpskriterium bring mee dat die meeste gesuspendeerde vastestowwe na die bodem sal uitsak as 'n sedimentlaag en die olie sal styg om 'n laag bo-op die water sal vorm. Die afvalwater sal dan die middelste laag uitmaak.[2]
Die olielaag word afgeskei en daarna herverwerk of mee weggedoen en die sedimentlaag word verwyder met 'n kettingskraper en 'n slykpomp. Die waterlaag word dan verder verwerk, gewoonlik met behulp van 'n opgeloste- lugflotteringsproses vir verdere olieverwydering en dan in een of ander biologiese behandelingseenheid vir die verwydering van ongewensde opgeloste chemiese stowwe.
Verwysings
[wysig | wysig bron]- ↑ American Petroleum Institute (API) (Februarie 1990). Management of Water Discharges: Design and Operations of Oil-Water Separators (1ste Uitgawe uitg.). Amerikaanse Petroleum Instituut.
- ↑ 2,0 2,1 Beychok, Milton R. (1967). Aqueous Wastes from Petroleum and Petrochemical Plants (1st uitg.). John Wiley & Sons. Library of Congress Control Number 67019834.