Noord-Pohjanmaa
Noord-Pohjanmaa (Fins: Pohjois-Pohjanmaa, Sweeds: Norra Österbotten) is 'n administratiewe streek in Finland. Dit strek van die Botniese Golf in die weste tot by die Russiese grens in die ooste en maak deel uit van die historiese Oulu-provinsie. Die streek word begrens deur Lapland in die noorde, die Russiese outonome Republiek van Karelië in die noordooste, Kainuu in die ooste, Noord-Savo in die suidooste, Sentraal-Finland in die suide en Sentraal-Pohjanmaa in die suidweste.
Noord-Pohjanmaa beslaan 'n landoppervlakte van 39 182 km² en het 'n bevolking van 412 190 in 2019 gehad.[1] Die streek het 30 munisipaliteite waarvan elf stadstatus het. Die administratiewe hoofstad van die streek is Oulu (Sweeds: Uleåborg) , wat met meer as 200 000 inwoners ook die grootste stad in die noordelike Finland is. Ander groot nedersettings is Raahe, Ylivieska en Kuusamo.
Verwysings
[wysig | wysig bron]- ↑ (fi) "Väestörakenteen ennakkotiedot muuttujina Kuukausi, Alue, Sukupuoli, Ikä ja Tiedot". Tilastokeskus. 25 Julie 2019. Geargiveer vanaf die oorspronklike op 14 Desember 2020. Besoek op 4 September 2019.
| Streke | ||
|---|---|---|
| Voormalige streke | ||