Vroegdinastiese Tydperk van Egipte

Tydperke en dinastieë van Antieke Egipte
Alle jare is v.C.
Vroeë Tydperk Voordinastiese tydperk Eerste Dinastie I 3150–2890 Tweede Dinastie II 2890–2686
Ou Ryk Derde Dinastie III 2686–2613 Vierde Dinastie IV 2613–2498 Vyfde Dinastie V 2498–2345 Sesde Dinastie VI 2345–2181
Eerste Oorgang Sewende Dinastie VII twyfelagtig Agtste Dinastie VIII 2181–2160 Negende Dinastie IX 2160–2130 Tiende Dinastie X 2130–2040 Vroeë Elfde Dinastie XI 2134–2061
Middelryk Laat Elfde Dinastie XI 2061–1991 Twaalfde Dinastie XII 1991–1803 Dertiende Dinastie XIII 1803–1649
Tweede Oorgang Veertiende Dinastie XIV 1705–1690 Vyftiende Dinastie (Hyksos) XV 1674–1535 Sestiende Dinastie XVI 1660–1600 Abydos Dinastie 1650–1600 Sewentiende Dinastie XVII 1580–1549
Nuwe Ryk Agtiende Dinastie XVIII 1549–1292 Negentiende Dinastie XIX 1292–1189 Twintigste Dinastie XX 1189–1077
Derde Oorgang Een-en-twintigste Dinastie XXI 1069–945 Twee-en-twintigste Dinastie XXII 945–720 Drie-en-twintigste Dinastie XXIII 837–728 Vier-en-twintigste Dinastie XXIV 732–720 Vyf-en-twintigste Dinastie (Nubiese) XXV 732–653
Laat Tydperk Ses-en-twintigste Dinastie XXVI 672–525 Sewe-en-twintigste Dinastie (1ste Persiese Tydperk) XXVII 525–404 Agt-en-twintigste Dinastie XXVIII 404–398 Nege-en-twintigste Dinastie XXIX 398–380 Dertigste Dinastie XXX 380–343 Een-en-dertigste Dinastie (2de Persiese Tydperk) XXXI 343–332
Hellenistiese Egipte Twee-en-dertigste Dinastie XXXII 332–305 Drie-en-dertigste Dinastie XXXIII 305–30
Romeinse Egipte Vier-en-dertigste Dinastie (Romeinse faraos) XXXIV 30–313 n.C.

’n Bord wat in die Vroegdinastiese Tydperk van Antieke Egipte gemaak is. Dit beeld ’n man op ’n boot uit saam met ’n seekoei en krokodil.

Die Argaïese of Vroegdinastiese Tydperk van Antieke Egipte het begin net ná die vereniging van Bo- en Benede-Egipte omstreeks 3100 v.C. Dit het oor die 1ste en die 2de Dinastie gestrek tot omstreeks 2686 v.C., of die begin van die Ou Ryk.

Tydens die 1ste Dinastie is die hoofstad van Abydos na Memphis verskuif en die land is deur ’n Egiptiese god-koning regeer. Abydos het die belangrikste heilige gebied in die suide gebly. Talle kenmerke van Antieke Egipte soos sy kuns, argitektuur en godsdiens het in hierdie tyd vorm aangeneem.

Twee lande in hiërogliewe

Voor die vereniging van Egipte het die streek uit talle outonome dorpe bestaan. Tydens die vroeë dinastieë en vir die grootste deel daarna het Egipte bekend gestaan as die Twee Lande. Die farao's het ’n nasionale administrasie gevorm en koninklike goewerneurs aangestel. Die geboue van die sentrale regering was gewoonlik opelugtempels van hout en sandsteen.

Die vroegste hiërogliewe het net voor dié tydperk ontstaan, hoewel min bekend is oor die gesproke taal wat hulle verteenwoordig.