Manga
| Dialäkt: Nîdrelsàssisch |
Manga (jap. 漫画, èbbe: zwengloses, unbandigs Bìld) ìsch dr japanisch Begreff fer Comics.
Begreffsàbgrantzung
Ahnlig wie dr wèstlich Begreff Comic ìsch au Manga in sinr Beditung endr unschàrf un schlîesst no glichkràfte Bìldergschichte, kurtze Comic-Strips un Karikatüre zum Bispel au Zeichetrickfilme mìt een. Um si bessr vu Comics in Büechform untrschide zue kànn, sètzt sìch fer japanisch Zeichetrickfilme mettlerwil wèltwitt d’Verwandung vu‘m Fàchwort Anime dure. Àls Mèhrheet vu Manga sìnn‘m Ditsche sowohl « d’ Manga » àls au « d’ Mangas » gwenlig.
In Japan wârt dr Begreff « Manga » glichberachtigt mìt “Comic” (コミック komikku) fer àlle Tüpe vu Comics verwandt, unàbhangig vu ìhrer Harkunft. In Àbgrantzung zue de japanische Manga wâre Comics üss Südkorea àls Manhwa un Comics üss‘m chìnesische Raum àls Manhua gnannt.
‘M Wèste bestemme mr mìt Manga zenèxt fascht nume Comics üss Japan, mettlerwil wârt dr Begreff àwer vor‘m àlle vu Comicüssgab au vermèhrend fer Comics üss àndre Làndr verwandt, wo sìch am Stil vun japanische Prodüktione orientiere. International wârt mettlerwil vor‘m àlle in Fanmettl reddt, ob au s Schaffe vu nìtt-japanischr Zeichnr àls «Manga» bestemmt kànn. Wahrend sìch im englische Sprochrüüm fer Comics ‘m Manga-Stil, wu vu englischsprochige Kentschler gezeichnet wore sin, mettlerwil dr Begreff «original English-language manga» (odder Kurz «OEL manga») gse eengborgert, sètzt sìch im Ditsche bislang ke glichartig Üssdruck dure.
Manga àls Wirtschaftsfaktor
Manga sìnn e dr Hauptsüle vu 'm japanische Üssgabswese. Im Johr 2002 hàn si 38,1% vu Drucksache in Japan üssgmàcht. Doodevun èntfàlle schwàch 28% uf Manga-Magazine un schwàch 11% uf Manga-Teschebüechr.
Statistisch gsah kauft jedr Japanr pro Johr 15 Manga. Bi de Umsàtzzàhle zeigt sìch aktüell e neii Neigung: Wahrend im Johr 2004 d'Gsamteinnahme bi Manga-Magazine nôch bi ca. 255 Milliarde Yen un bi Manga-Taschebüechr bi ca. 250 Milliarde Yen (salamols binandr èbbe 3,7 Milliarde Euro) glage sen, sin im Johr 2005 d Ynahme bi Manga-Magazin um 5% uff 242,1 Milliarde Yen zruckgange, während d Ynahme bi Manga-Däschebiecher um 4,2% uff 260,2 Milliarde Yen gstyge sin. S Johr 2005 isch also s erscht Johr in de japanische Verlagsgschicht gsi, wo d Gsamtynahme bi de Manga-Däschebiecher höcher gsi sin wie bi de Manga-Magazin.