Munneref

Munneref dt. Bad-Mondorf, frz. Mondorf-les-Bains
Wappe	Charte
S Wappe vu Munneref	D Lag vu Munneref
Basisdate
Land	Luxemburg Luxeburg
Koordinate:	49° 30′ N, 6° 17′ O49.5048888888896.2801027777778
Distrikt	Gréivemaacher
Kanton	Réimech
Yywohner	4608 (1. Jänner 2011)
Bevelkerigsdichti	336,4 Ywohner/km²
Hechi	191m ü. NN
Sproch(e)	Lëtzebuergesch
Zytzone	UTC+1
Burgermaischter	Maggy Nagel (DP)
Internetsite	www.mondorf-les-bains.lu
Bild
Rothuus Munneref

Munneref (dt. Bad-Mondorf, frz. Mondorf-les-Bains) isch aini vu dr 105 Gmaine z Luxeburg. Bekannt isch Munneref vor allem dur syy Thermalbad un s Spiilcasino, s ainzig z Luxeburg.

Ortsdail

Zue Munneref ghere d Ortschafte Altwis (Altwies), Elleng (Ellingen/Ellange) un Munneref, derzue d Wyler un Gheft Kaaschtelmillen, Elleng-Gare, Heinrichsmillen un Maison Brehm.

Verwaltig

Munneref ghert zum Kanton Réimech im Distrikt Gréivemaacher. Dr Burgermaischter vu Munneref isch dr Maggy Nagel (DP). Scheffe sin dr Norbert Soyka un dr Steve Schleck. Gwehlt wird iber e Proporzwahl.

Bevelkerigsentwicklig

Johr	1821	1851	1871	1880	1890	1900	1910	1922	1930
Yywohner	1217	1651	1632	1423	1322	1455	1482	1563	1586
Johr	1935	1947	1960	1970	1981	1991	2001	2002	2003
Yywohner	1732	1739	1757	2062	2510	2883	3638	3690	3747
Johr	2004	2005	2006	2007	2008	2009	2010	2011
Yywohner	3847	3967	4000	4081	4222	4447	4530	4608

Gschicht

Munneref isch zum erschte Mol gnännt wore anne anne 1069 as Muomendorph (1. H. 12. Jh.: Muomundorf, 1148: Momendorf, 1156: Momenthorp, 1161: Muomendorp). Vu 1659 bis 1769 het Munneref zämme mit dr Gmaine Biermereng, Bus un Duelem zue Frankrych ghert. Im Johr 1769 ich dr Siddail vu dr Gmai Munneref widr zue Franrych chuu un bildet syterhär di lothringisch Gmai Mondorf.

Dialäkt

Dr luxeburgisch Dialäkt vu Munneref ghert zum Moselfränkisch.

Sport

Z Munneref hän zwaimol – 1989 un 1995 – d Europamaischterschafte im Dressurryte stattgfunde. Vu 1983 bis 2002 (user in dr Europamaischterschaftsjohr) isch do au ne international Spring- un Dressurrytturnier uusdrait wore. Derzue het z Munneref s CDIO***-Turnier vu Luxeburg mit eme Dressur-Nationebryys stattgfunde.

Böuwärch

• Chilche Saint Michael, Munneref
• Synagog, Munneref

• 
  Chilche Saint Michael
• 
  Synagog
• 
  Jugendstil-Huus, Biederstrooss
• 
  Casino 2000

Partnergmaine

• Bad Homburg, Dytschland
• Chur, Schwyz
• Terracina, Italie

Lyt

• John Grün (1868–1912), Bodybuilder, het zue syre Zyt as „sterkschte Mänsch vu dr Wält“ gulte.
• Andy Schleck (* 1985), Radrännfahrer
• Fränk Schleck (* 1980), Radrännfahrer
• Jeff Strasser (* 1974), Fueßballspiiler
• Auguste Lies (1874–1949), Bolitiker un Schriftsteller

Literatur

• Lé Tanson: Chronik der "Stadt" und Gemeinde Bad Mondorf. Éd. Administration communale de Mondorf-les-Bains. 1981. 414 S.

Weblink

 Commons: Mondorf-les-Bains – Sammlig vo Multimediadateie

• www.mondorf-les-bains.lu