Tuman Bey
| Tuman Bey | |
|---|---|
| Sultan vo Egypte | |
Bordret vom Tuman Bey II. vom Paolo Giovio (1483 – 1552) | |
| Regierigsziit | 1516–1517 |
| Chrönig | 1516, Kairo |
| Uf d Wält cho | öbbe 1476 |
| Gstorbe | 15. April 1517 (im Alter vo 40–41) |
| Dodesort | Kairo im Osmanische Riich |
| Vorgänger | Al-Aschraf Qansuh al-Ghawri |
| Nochfolger | Chayer Pascha (As osmanische Wālis vo Egypte) |
Dr Al-Aschraf Tuman Bey, bekannter as Tuman Bey II. (* öbbe 1476, ufghänkt worde am 15. April 1517) isch Sultan vo Egypte worde churz bevor s Osmanische Riich dr Herschaft vo de Mamluke im Land en Änd gmacht het. Er isch uf e Droon gstiige, wo d Osmane under em Selim I. 1516 si Vorgänger Al-Aschraf Qansuh al-Ghawri in dr Schlacht vo Mardsch Dabiq gschlaage häi.[1]
Lääbe
[ändere | Quälltäxt bearbeite]Dr Tuman Bey isch wie d Sultan vor im as tscherkessische Huussklaav im Balast ufgwaggse, isch ufgstiige in Rang vom ene Emir von ere Hundertschaft, denn isch er Brömieeminister worde und het über Kairo gherscht, wo dr Sultan in Chrieg zooge isch .[1] Dr abbasidisch Kalif vo Egypte, dr Al-Mutawakkil III. isch noch dr Schlacht vo Mardsch Dabiq in d Gfangeschaft vom Selim I. gfalle, wääred dr Tuman Bey z Kairo Sultan worde isch. Si Laag isch schwiirig gsi: Sürie isch verloore gsi, d Drubbe demoralisiert, d Emir häi em kä Understützig gee und d Mamluke si nid vil mee as e Söldnerdrubbe gsi.[1]
Z Gaza het d Bevölkerig 1516 en erfolgloose Ufstand gege d Osmane gmacht und e hufe vo de Iiwooner si druf umbrocht worde.[1] Am 22. Januar 1517 isch die egüptischi Armee under em Tuman Bey vor Kairo in dr Schlacht vo Ridanieh besigt worde. Er het sich uf Giseh zruggzooge und isch noch eme Gfächt gfangegnoo und umbrocht worde.
Fuessnoote
[ändere | Quälltäxt bearbeite]- ↑ 1,0 1,1 1,2 1,3 The Mameluke; Or, Slave Dynasty of Egypt, 1260-1517, A. D. - By William Muir Published by Smith, Elder, 1896, Public Domain
| Dä Artikel basiert uff ere fräie Übersetzig vum Artikel „Tuman_bay_II“ vu de änglische Wikipedia. E Liste vu de Autore un Versione isch do z finde. |