Chodos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chodos
Municipio d'o País Valenciano
Entidat  • Estau  • Comunidat  • Provincia  • Comarca	Municipio  Espanya  País Valenciano Castellón Alcalatén
Superficie	44,3 km²
Población  • Total	117 hab. (2013)
Altaria  • Meyana	1.063 m.
Distancia  • 63 km	enta Castellón de la Plana
Alcalde	Juan Manuel Benages Monfort
Codigo postal	12134
Coordenadas	40°13’56’’N 0°17’35’’U
Chodos Chodos en Comunidat Valenciana
Web oficial

Chodos (Xodos oficialment en catalán, pero Xous en la parla local; Chodos en castellano) ye un municipio de la provincia de Castellón, situau en la comarca de l'Alcalatén. La suya población ye de 136 habitants (2005), en una superficie de 44,3 km² con una densidat de población de 3,07 hab/km².

Mugas

Lo suyo termin municipal muga con Vistabella, con Adzaneta y con Lucena.

Toponimia

S'escribe Chodos en un texto de 1319 en aragonés, en lo que Pero Churdán d'Arenoso y la Marquesa Llopiz de Rada ceden a lo suyo fillo Gonzalvo parte de la sinyoría d'Arenoso; lo nombre se vei con dos variants, confundindo-lo con localidaz de la depresión d'Ebro:

Los quales sobreditos castieyllos son en el reyno de Valencia, et afruentan con Ruvielos e con Noveruelas, et con san Agustín, aldea de Teruel, e con Pina, et con Castielmontán, et con Pavías, et con Matet, et con Val de Almonazir, et con Jinquer, et con Zuera, et con Ansara, et con Arrayna, et con Luzena, et con Chodos, et con Vistabeylla, et con el Puerto de Vengalmón, et con Castielvispal, et Zuara.

En catalán local ye Xous (a X- inicial se pronuncia en catalán occidental como ch-) y ye posible que tamién siga la forma real como se dició en aragonés, pus bi ha palabras aragonesas con estas trazas. Si Chous estió la forma inicial podría fer relación a lo teonimo IUPITER, IOVIS, como toponimos aragoneses, catalans y occitans como Chuseu, Fanjaus, Colldejou, etc...

Historia

Tenió carta de población en 1254 y s'escribió en aragonés:

In Dei nomine et eius gratia. Pateat cunctis com yo, don Ximén d'Urrea, estando en mi cesso et en mi plena memoria, do a poblar Chodos a don Martín Talayero e a don Valero, a los fueros e a las costumbres de Çaragoça, a dos e a todos aquellos que ellos la darán, con entradas, con exidas, a décima e a primicia, e con yerbas, e con prados e con montes, e con aguas, e todas aquellas costumnes que nulla puebla e buena deve haver al buen fuero de Çaragoça. Retengo por mí host e cavalgada, e forno e molino. E, por mayor siguridad, yo, don Ximén d'Urrea, juro sobre libro e la cruz que vos atengo estas convinenças que con boz he puestas.

Testes qui esto odiron e videron: don Rodrigo de Cabanas e Fortuny de Resa, e don Sancho Portolés, e Domingo Navarro, e don Ángel de Palomar.

Facta carta decimo quinto chalendis julii quando Era <la encarnación> mil duscientos nonagesima secunda.

Lario de Roda, qui esta carta fizo e est signo y puso.

Luengas y parlas

La parla de Chodos se clasifica en lo tortosín, como d'atras parlas de la redolada suya (Benafigos y Vistabella).

Demografía

Evolución demografica

2003 2004 2005 2006 2007 2008 2009 2010 2011 - - 136 - - - - - -

2021 2022 2023 2024 2025 2026 2027 2028 - - 120 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Vinclos externos

• Carta de poblament de Xodos, per Cèsar Mateu i Beltran.

• Datos: Q1768688
• Multimedia: Xodos / Q1768688