Ofiucu

Ofiucu
Nomenclatura
Nome n'asturianu	Ofiucu
Nome en llatín	Ophiuchus
Xenitivu	Ophiuchi
Abreviatura	Oph
Descripción
Superficie	948,3 graos cuadraos 2,299 % (posición 11)
Ascensión reuta	Ente 16 h 1,55 m y 18 h 45,83 m
Declinación	Ente -30,21° y 14,39°
Visibilidá	Completa: Ente 75° S y 59° N Parcial: Ente 59° N y 90° N
Númberu d'estrelles	174 (mv < 6,5)
Estrella más brillante	Ras Alhague (α Ophiuchi) (mv 2,1)
Lluvies de meteoros	Ofiuchides de mayu Ofiuchides septentrionales de mayu septentrionales Ophiuchides de mayu meridionales θ ophiuchi
Meyor mes pa ver la constelación Hora llocal: 21:00
Mes	xunetu
[editar datos en Wikidata]

Ofiucu (el serpentariu, el que lleva la sierpe; o Ophiuchus en llatín) ye una de les 88 constelaciones modernes y una de les 48 enumeraes por Ptoloméu. Puede vese en dambos hemisferios entre los meses d'abril a ochobre por tar asitiada sobre l'ecuador celeste. El cuerpu del serpentariu dixebra la constelación en dos, Serpens Caput y Serpens Cauda, dambes consideraes davezu como una sola constelación.

Carauterístiques

Les estrelles más rellumantes d'Ophiuchus son α Ophiuchi, Ras Alhague y λ Ophiuchi, que ye una estrella triple. Nesta constelación allúgase la Estrella de Barnard, una de les cuatro estrelles más averaes al nuesu sol.

Oxetos nel cielu fondu

Ofiucu contién numberosos enxemes estelares como IC 4665, NGC 6633, M9, M10, M12, M14, M19, M62, M107, y la nebulosa IC 4603-4604. Tamién ta nesta constelación la rara galaxa doble NGC 6240.

Historia

Esta constelación, de posible orixe exipcianu, ye conocida dende antiguu, y ye una de les 48 constelaciones mentaes por Ptoloméu; hasta los romanos nomáronla Serpentarius. L'españíu d'una supernova'l 10 d' ochobre de 1604 averada a θ Ophiuchi, fizo que, tres columbrala, Johannes Kepler espublizara los resultaos na so obra De stella nova in pede Serpentarii. Galileo emplegó esta curtia aparición como prueba escontra l'aristotélicu de la inmutabilidá del cielu.

Mitoloxía

Esta constelación ta presente como representación d'Asclepiu, fíu d'Apolu, que foi médicu de tala bondá y de gran esperiencia, qu'a la so muerte Zeus decidió concede-y l'honor de tar nos cielos so la constelación d'Ofiucu. Amás la sierpe en munches cultures ye la representación de la melecina, como por exemplu anguaño simbolizamos esta ciencia (y tamién la farmacéutica) col caducéu.

Astroloxía

Al igual que les otres dolce constelaciones, Ophiuchus, ta na eclíptica y por embargu nun-y correspuende nenguna de les estayes d'igual tamañu nes que se divide'l cielu, por tanto ye la única que nun tien asociáu un signu astrolóxicu.

Enllaces esternos

• Wikimedia Commons tien conteníu multimedia tocante a Ofiucu.

• Datos: Q8906
• Multimedia: Ophiuchus (constellation)