Astroloxía

Astroloxía
	superstición (es) , disciplina pseudocientífica (es) y afición
	Pseudociencia y magia blanca (es)
Más información
Basáu en	estudio (es)

L'astroloxía^[1] (del griegu: αστρολογία, de άστρον (ástron), ‘estrella’ y λόγος (logos) ‘pallabra, estudiu’, ye dicir; Estudiu de los cielos), ye un conxuntu de creencies que pretende conocer y aldovinar el destín de les persones, y albidrar asocedíos futuros.

Esta estaya nun tien sofitu científicu nengún y namái caltién calter de seudociencia. Les persones que prautiquen l'astroloxía sofiten que ye dable l'albidru del futuru per aciu de la observación de l'allugamientu y movimientu de los astros, y qu'estos exercen influyencia col abicañu de la xente, los socesos importantes nes sos vides, ya inclusive coles sos carauterístiques físiques.

N'antigüedá, l'astroloxía encontaba cola astronomía (estudiu científicu de los cielos), pero a midida que la humanidá algama mayores conocimientos y pescancia meyor la propia realidá, l'astroloxía queda trespuesta como una reminiscencia (lo mesmo que l'alquimia, l'Oráculu de Delfos o l'adoración a los dioses mitolóxicos).

el so animal secretu oriental

El zodiacu chinu tamién s'utiliza pa nomar periodos del día, onde cada signu correspuende a una "gran hora" o shichen (時辰), que ye un periodu de dos hores (24 estremáu ente 12 animales). Según el shichen nel que naza, a cada persona correspuéndelu un animal secretu, como s'amuesa de siguío. Los periodos tán ordenaos según el tiempu solar:

23:00 - 00:59: L'aguarón.
01:00 - 02:59: El güe.
03:00 - 04:59: El tigre.
05:00 - 06:59: El coneyu.
07:00 - 08:59: El dragón.
09:00 - 10:59: La culiebra.
11:00 - 12:59: El caballu.
13:00 - 14:59: La oveya.
15:00 - 16:59: El monu.
17:00 - 18:59: El gallu.
19:00 - 20:59: El perru.
21:00 - 22:59: El gochu.

Pa una persona nacida en Xixón, el so signu secretu ye:^[2]

horariu d'iviernu	horariu de branu
00:21 - 02:20: aguarón 02:21 - 04:20: güe 04:21 - 06:20: tigre 06:21 - 08:20: coneyu 08:21 - 10:20: dragón 10:21 - 12:20: culiebra 12:21 - 14:20: caballu 14:21 - 16:20: oveya 16:21 - 18:20: monu 18:21 - 20:20: gallu 20:21 - 22:20: perru 22:21 - 00:20: gochu	01:21 - 03:20: aguarón 03:21 - 05:20: güe 05:21 - 07:20: tigre 07:21 - 09:20: coneyu 09:21 - 11:20: dragón 11:21 - 13:20: culiebra 13:21 - 15:20: caballu 15:21 - 17:20: oveya 17:21 - 19:20: monu 19:21 - 21:20: gallu 21:21 - 23:20: perru 23:21 - 01:20: gochu

«Cómo pue l'ascendencia de Marte, nel intre de la mio nacencia influyir sobro mín. Yo nací nuna habitación zarrada, la lluz de Marte nun podía entrar. La única influyencia de Marte que yera a afeutame yera la so gravitación; sicasí la influyencia gravitatoria del tocólogu yera muncho mayor que la de Marte. Marte tien mayor masa, pero'l tocólogu taba abondo más cerca».

Carl Sagan en Cosmos: A Personal Voyage

Referencies

↑ Esti términu apaez nel Diccionariu de l'Academia de la Llingua Asturiana. Ver: astroloxía
↑ (n'inglés) http://www.mastertsai.com/ChineseAstrology/Chineseastrology10.htm

[1] Esti términu apaez nel Diccionariu de l'Academia de la Llingua Asturiana. Ver: astroloxía

[2] (n'inglés) http://www.mastertsai.com/ChineseAstrology/Chineseastrology10.htm

[1]

[2]