sálabe

Asturianu

Sálabes Alosa alosa.

Sálabres Lepidopus caudatus.

Pronunciación

• [ ˈsa.la.βe ]

«sálabe»

(rexistru)

Sustantivu

masculín singular sálabe; plural sálabes

1. (Ictioloxía) Pexe marín qu'esgüeva en ríos, de cuerpu allargáu y comprimíu llateralmente y que pue algamar los 70 cm de llargor, de color azul escuro pel llombu y gris platiao pel vientre, a vegaes con una tonalidá cobriza, y con una mancha negra enriba les branquies de la que salen alliniaes otres más pequeñes, con una sola aleta dorsal, de nome científicu Alosa alosa.
2. (Ictioloxía) Pexe marín de cuerpu mui llargu y finu, llixeramente comprimíu llateralmente, que pue algamar los dos metros de llargor, de color platiao, ensin escames, con una aleta dorsal que va de la cabeza hasta'l rabu, de focicu apuntiáu y dientes afilaos, de nome científicu Lepidopus caudatus. → definición non incluyida nel DALLA

Otres formes

• sálabre ~ sable

Sinónimos

• [1] xagüeta, arencón, madre de la sardina, pexerrial, sardina de ríu, trancha ~ tracha, trancha de ríu, sabela
• [2] gurgúi

Traducciones y equivalencies

«sálabe»: Alosa alosa → ver traducciones na entrada xagüeta

▶ ver traducciones na entrada «xagüeta»

«sálabe»: Lepidopus caudatus → ver traducciones na entrada sable

▶ ver traducciones na entrada «sable»

Consulta na Wikipedia l'artículu tocante a «sálabe».

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Asturianu-Castellanu; Xuan Xosé Sánchez Vicente, ed. Trabe, Uviéu, 2021; ISBN: 978-84-18286-67-4.