Hilda Zimmerma
| Hilda Zimmerma | |
|---|---|
| alm. Hilde Zimmermann | |
| | |
| Doğum tarixi | 12 sentyabr 1920 |
| Doğum yeri | |
| Vəfat tarixi | 25 mart 2002 (81 yaşında) |
| Vəfat yeri | |
| Fəaliyyəti | müqavimət döyüşçüsü[d] |
Hilda Zimmerma (alm. Hilde Zimmermann; 12 sentyabr 1920, Vyana – 25 mart 2002, Vyana) — Avstriyalı siyasi fəal, Nasizmə qarşı mübarizə aparan[1].
Avstriya müqavimət hərəkatının üzvü, Ravensbrük həbs düşərgəsi və Ölüm yürüşündən xilas olmuş şəxs.
Bioqrafiyası
[redaktə | mənbəni redaktə et]12 sentyabr 1920-ci ildə Vyanada anadan olmuşdur. Valideynləri aktiv Sosial Demokratlar idi: anası Anna Vudsam Avstriya Sosialist Partiyasının təhsil şövbəsində işləyirdi, atası dəmiryolu işçisi olaraq eyni zamanda sadiq Sosial Demokrat idi.
Dörd yaşında ikən Hilda valideynləri və kiçik qardaşı Otmar ilə Kaqran kəndinə köçür. Əvvəlcə ailəsi ilə yaşayır, sonra bir müddət nənə və babasının yanında böyüyür. Valideynlər 1934-cü ildə işsiz qalır və Avstriya Vətəndaş müharibəsində iştirak edirlər. Tezliklə vbalideynləri həbs olunur: anası iki ay, atası isə altı ay həbsdə yatır. 14 yaşlı Hilda və 12 yaşlı qardaşı tək qalır. Onlara beynəlxalq yardım göstərilir. İlk dəfə 1935-ci ildə qısa müddətə həbs olunur, lakin qısa müddət ərzində sərbəst buraxılır.
1936-cı ildə Hildanın valideynləri boşanır. O dövrdə qız təmizlik sahəsində işləyir və ev təsərüfatına yardım kursunda təhsil alır alır. Sonra Macarıstandakı bir evdə dayə kimi işə düzəlir və yalnız 1938-ci ildə Avstriyaya qayıdır. Orada anası ilə Kaqranda yaşayır. 1939-cu ildə polis axtarış zamanı kommunist vərəqəsi tapdıqdan sonra qardaşı ilə birlikdə onuda həbs edir. Qardaşı məsuliyyəti öz üzərinə götürür və doqquz ay həbsdə qalır. Hilda isə bir həftə sonra sərbəst buraxılır. 1941-ci ildə Vyana Qadın Akademiyasında heykəltəraşlıq ixtisasına başlamış və 1944-cü ilin martında həbs olunana qədər təhsil almışdır. İkinci Dünya müharibəsinin başlaması ilə qardaşı vermaxta çağırılır. 1943-cü ildə Hilda nasizmə qarşı müqavimətin yeraltı üzvləri ilə görüşür və özü də ona üzv olur. 1944-cü ilədək SSRİ-dən göndərilən rus paraşütçüləri ilə yerli anti-nasist hisslərini genişləndirməyə kömək edir. Nasistlər tərəfindən tutulur və dostları ilə birlikdə Ravensbrük həbs düşərgəsinə yerləşdirilir. Tətildə ailəsi ilə birlikdə olan qardaşı Otmar da Buhenvald həbs düşərgəsinə göndərilir. Müharibənin sonunda, düşərgənin boşaldılması zamanı Hilda Zimmerman qaçır və Qızıl Ordu tərəfindən onsuz da azad edilmiş Ravensbrükə qayıtarılır. Daha sonra yatalağ xəstəliyinə tutulur, sağaldıqdan sonra 1945-ci ilin iyulunda Berlin yolu ilə Vyanaya qayıtdı.
Avstriyada bir müddət sağ qalmış qardaşı ilə birlikdə yaşaır, keçmiş həbs düşərgəsi məhbusları ilə əlaqələrini davam etdirir və Avstriya kommunist gənclər təşkilatında (Kommunistische Jugend Österreichs) iştirak edir. Partiya qəzetinin işində fəaliyyət göstərir, Ümumdünya Gənclər və Tələbələr Festivalının iştirakçısı olur. Vyana Keçmiş Konsentrasiya Düşərgəsi Məhbuslar Birliyinin (KZ-Verband) üzvü və ömrünün sonuna qədər çalışdığı Avstriya Ravensbrük düşərgə icmasının (alm. Österreichischen Lagergemeinschaft Ravensbrück, ÖLGR) həmtəsisçisi olur. 1968-ci ildə Çexoslovakiyadakı hadisələrdən sonra Hilda Zimmerman Avstriya Kommunist Partiyasından uzaqlaşır.
25 mart 2002-ci ildə Vyanada vəfat edir. O, şəhərin mərkəzi qəbiristanlığında dəfn edilir.
Mənbə
[redaktə | mənbəni redaktə et]- Präambel der Vereinsstatuten der ÖLGRF (alm.)
- Dagegen muss ich etwas tun. Portrait der Widerstandskämpferin Hilde Zimmermann (alm.)
- Documentary about Hilde Zimmermann
İstinadlar
[redaktə | mənbəni redaktə et]- ↑ "Hilde Zimmermann (1920-2002)". 2021-12-12 tarixində arxivləşdirilib. İstifadə tarixi: 2021-05-12.