Elizabeth Van Lew.
| Elizabeth Van Lew | |
|---|---|
Retrato ni Elizabeth Van Lew | |
| Kamundagan | 25 Oktobre 1818 Richmond, Virginia |
| Kagadanan | 25 Septyembre 1900 (edad 81) Richmond, Virginia |
Dahilan kan kagadanan | natural na kagadanan |
Lulubngan | Shockoe Hill Cemetery 37.551816, -77.432016 |
| Dinakulaan | 2301 E. Grace Street, Richmond, Virginia (now Bellevue Elementary School) |
| Nasyunalidad | Amerikano |
| Iba pang mga ngaran | "Crazy Bett" |
| Midbid bilang | Pag'espiya durante kan Amerikanong Gera Sibil |
| Dinakulaan | Richmond, Virginia |
Si Elizabeth Van Lew(Oktobre 25, 1818 – Septyembre 25, 1900) sarong pilantropo asin espiya na taga-Richmond, Virginia na nagbilog asin nag'operar nin sarong mahiwas na network nin mga espiya para sa Estados Unidos kan panahon nin Amerikanong Gera Sibil. Siya asin an kairiba niya nagmamangno kan mga hiro-hiro kan mga Confederado.[1]
Mga enot na taon
[baguhon | baguhon an source]Si Elizabeth Van Lew namundag kan Oktobre 25, 1818 sa Richmond, Virginia ki John Van Lew asin Eliza Baker. An ama niya sarong alkalde sa Philadelphia poon 1976 abot 1798 alagad naghubo sa Richmond kan 1806 sa edad na 16 asin sa laog nin 20ng taon nakapundar asin napadakula an negosyong hardware asin ini may rogaring siyang mga surogoon. Siya pinadara sa Philadelphia na mag'adal asin pinalaog siya sa sarong eskwelahan na Quaker na kun saen nagkusog an saiyang pagtubod na dapat haleon an pag'ooripon kan mga itom.
Siya gustong gayo mawara na an pagka'oripon kan mga itom sa Amerika. Kan magadan na an saiyang ama, kinumbinsi niya an saiyang ina na palibrehon na sa pagkaoripon an saindang mga surogoon, mala ta sinunod siya ka saiyang ina. Siya asin an saiyang tugang na si John Newton Van Lew, na iyo na an nagpalakaw kan negosyo kan ama, ginigibo ninda an pagdayo sa mga pabakalan nin mga negrong oripon asin saindang binabakal ngani sana ipalibre.[2]