Museum Patahillah

Museum Patahillah manang goar tulenna ima Museum Sejarah Jakarta ima sada museum na maringanan di Jalan Taman Fatahillah Nomor 1, Jakarta Barat, bidang na adong 1.300 meter persegi.

Tingki nasalpu, Bangunan on gabe Balai Kota Batavia (Bahasa Bolanda: Stadhuis van Batavia) na dibangun taon 1707-1710 alani parinta Gubernur Jenderal Joan van Hoorn, namarkuaso tingki i. Tompa ni Bangunan on hombar tu Istana Dam di Amsterdam, idia adong bangunan utamana adong dua habangna sabola purba (timur) dohot pastima (barat). Adong muse bangunan na dipangke bage kantor, ruang pangadilan, dohot adong ruang-ruang bawah tanah (di toru tano) gabe inganan ni panjara. Topet tanggal 30 Maret 1974, bangunan on diresmikan Ali Sadikin, gubernur Jakarta tingki i, gabe Museum Sejarah Jakarta.

Sarita

Lukisan balai kota kedua Batavia pada tahun 1682

Mulana, balai kota naparjolo di Batavia dipajonjong taon 1620 di topi sabola purba Kali Besar. Bangunan on holan onom taon dipangke, dung i dibongkar guna mangadopi serangan sian pasukan Sultan Agung taon 1626.^[1] Gontina, dibangunma museng balai kota naimbaru taon 1627, parinta sian Gubernur-Jenderal Jan Pieterszoon Coen. Lokasina di Nieuwe Markt, saonari ima Taman Patahillah (Fatahilla).^[2] Dibagasan buku jamita pamarinta Jakarta, balai kota paduahon on holan sada tingkat, tingkat paduahon dipajongjong haduan. Ditaon 1648, kondisi ni balai kota dang denggan, alana tano di kota Batavia (saonari Jakarta) dang denggan tingki i, ujungna manyusutma parmukaan bangunan on.

Taon 1707, diparinta Gubernur-Jenderal Joan van Hoorn, asa dibongkar bangunan i, jala dipajongjong ulangi muse gabe bangunan naimbaru, alai pondasina tong sarup dohot naparjolona. Dung dipajonjong muse, ditabalhon ma Balai kota patoluhon, ima namanabalhon Gubernur-Jenderal Abraham van Riebeeck, tanggal 10 Juli 1710, dua taon sebelum bangunan on sidung dipajonjong saluhutna.^[2] Dua abad lelengna, balai kota Batavia on gabe kantor administrasi kota Batavia. Godung on dipangke muse gabe inganan College van Schepenen (Dewan Kotapraja) dohot Raad van Justitie (Dewan Pangadilan).^[2]

Galeri koleksi

Replika prasasti Tugu.
Replika prasasti Ciaruteun.
Replika Padrão Sunda Kalapa.
Pot Keramik Japang sian abad pa-17.
Mural dang sae, dibahen Harijadi Sumodidjojo.
Lempengan batu gombar kapal VOC di dinding Museum Sejarah Jakarta.

Pustaha

↑ Schets van de verlegging der Rivier van Batavia in 1632.
↑ ^2.0 ^2.1 ^2.2 A. Heuken SJ. Tempat-tempat Bersejarah di Jakarta. Cipta Loka Caraka, 2015. ISBN 974-602-70395-7-5

[1] Schets van de verlegging der Rivier van Batavia in 1632.

[Heuken15-2] 2.0 ^2.1 ^2.2 A. Heuken SJ. Tempat-tempat Bersejarah di Jakarta. Cipta Loka Caraka, 2015. ISBN 974-602-70395-7-5

[1]

[2]