Geometry Dash

Geometry Dash
Дата выпуску	13 жніўня 2013, 22 сьнежня 2014 і 12 чэрвеня 2014
Апошняя вэрсія	Android: 2.2.142 (30 траўня 2024) IOS[d]: 2.206 (1 чэрвеня 2024) Windows: 2.207 (8 лістапада 2024)
Жанр	рытмічная гульня[d], плятформавая гульня[d] і аркадная кампутарная гульня[d]
Стваральнікі
Выдавец	RobTop Games[d]
Мова інтэрфэйсу	ангельская мова
Тэхнічныя дэталі
Рухавік	Cocos2d-x[d]
Плятформа	Windows, macOS, Android, IOS[d] і Windows Phone
Рэжым	аднакарыстальніцкая гульня[d] і шматкарыстальніцкая кампутарная гульня[d]
Носьбіт	лічбавы распаўсюд[d] і лічбавая загрузка[d]
Кіраваньне	дотыкавы экран[d], геймпэд[d], кампутарная мыш і клявіятура кампутара
Афіцыйны сайт
Geometry Dash у Вікісховішчы

Geometry Dash — кампутарная гульня, створаная ў жанры 2D-плятформару. Спачатку была даступная толькі для тэлефонаў, з часам зрабілася даступнай і для кампутараў. Гульню зрабіў Робарт Тапала са Швэцыі, пад псэўданімам RobTop. Працэс гульні — праходзіць узроўні пад рытмічную музыку. Ва ўзроўнях прысутнічаюць шмат рэжымаў гульні, якіх сем. Гульцы могуць ствараць новыя ўзроўні і выкладаць іх анлайн, калі ўзроўні зьяўляюцца верыфікаванымі. Найбольш папулярны паводле спамповак унутры гульні ўзровень — «OuterSpace»: яго спампавала прыкладна 80 мільёнаў гульцоў. Гульня была анансавана 29 красавіку 2013 году. У гульне існуе толькі ангельская мова, мову ніяк нельга зьмяніць у наладах.

Гісторыя

Першыя вэрсіі гульні і рэліз

Гульня пачала існаваць з рэлізу трэйлеру на канале RobTop. У першай вэрсіі гульні, 1.0, было толькі 7 афіцыйных узроўняў (ад «Stereo Madness» да «Jumper», уключаючы апошні), толькі 2 рэжыма гульні (куб і човен / карабель), вельмі няшмат блёкаў у стваральніку: было толькі няшмат квадратных блёкаў, шыпоў, батутаў і парталаў. За аснову гульні была ўзята The Impossible Game. Але нашчадак значна пераўзышоў свой арыґінал. У гульню ў той час у асноўным гулялі людзі з Рэспублікі Карэі, што пацьвярджаецца вялікай колькасьцю карэйскамоўных допісаў тых часоў на форуме Geometry Dash World, які быў створаны аматарамі гульні, і іншых форумах. Гульня па большасьці ў першых абнаўленьнях не зьмянялася значна — часьцей за ўсё дадаваліся новыя рэжымы гульні і аб’екты ў стваральнік узроўняў, адчыняючы новыя прасторы складанасьці і прыгажосьці для ўзроўняў. У кожным абнаўленьні прысутнічалі новыя афіцыйныя ўзроўні, якія выкладаліся з мэтай показу новых гульнявых мэханік. Амаль заўсёды распрацоўшчык будаваў адзін узровень і за рэдкім выключэньнем два. У вэрсіі 1.3 быў дададзены рэжым гульні «шар». У 1.6 былі дададзены манэты.

Абнаўленьне 1.9

Абнаўленьне 1.9 выйшла 9 лістапада 2014 году. Гэта было рэвалюцыйнае абнаўленьне ў гісторыі гульні, якое зьмяніла ўсё. Цяпер зьявілася магчымасьць выкарыстоўваць музыку з музыкальнага сэрвісу Newgrounds, што дазволіла пераадолець абмежаваньне з 13 песень у гульне да амаль 1,3 мільёнаў. Таксама дадаўся рэжым гульні «хваля», які дазволіў зьдзейсьніць рэвалюцыю ў сьфэры магчымай складанасьці ўзроўняў. Сама тэндэнцыя да выкарыстаньня хвалі пачалася празь узровень Nine Circles, які пачаў абнайменную сэрыю ўзроўняў, асноўную цяжкасьць гэймплэю ў якой склядае хваля. Таксама ў 1.9 была дадана сыстэма акаўнтаў і рэзэрвовых капіяваньняў, якая дазваляла рабіць захаваньня праґрэсу.

Абнаўленьне 2.0

Абнаўленьне 2.0 выйшла ў сьвет 26 жніўня 2015 году. У ім быў даданы новы гульнявы пэрсанаж пад назвай робат. У рэдактары дадаліся трыґеры, якія дапамагаюць стварэньню эфэктаў, якія адлюстроўваюцца на экране гульца, а таксама групы аб’ектаў і каналі колеру (у 1.9. іх было 4, у 2.0 іх стала 999, а ў 2.1 — 9999). Невялікую ролю ў рэдактары згулялі таксама і парталы тэлепартацыі.

Абнаўленьне 2.1

Абнаўленьне 2.1 выйшла ў сьвет 16 студзеня 2017 году. У абнаўленьні зьявіўся новы гульнявы рэжым павук і афіцыйны ўзровень, базаваны на павуцэ. Дадалася 4х хуткасьць, што дазволіла лепш рытмаваць ґэймплэй (то бок гульнявы працэс) з дынамічнымі момантамі музыцы. Дадалася магчымасьць прывязаньня да акаўнту сваіх акаўнтаў у іншых сацсетак, а менавіта Twitch ды Twitter. Дадаліся штодзённыя ўзроўні, за праходжаньне якіх магчыма атрымаць унутрагульнявыя ўзнагароды ў выглядзе брыльянтаў. Гульня зрабілася болей аптымізаванай: цяпер у наладах магчыма было абраць мод «нізкай якасьці», які не зьмяншае колькасьць аб’ектаў ва ўзроўне (як гэта робяць мады самога ўзроўня), а прыбярае часткі, якія пакідаюць за сабою парталы і пэрсанажы.

Абнаўленьне 2.2

Над абнаўленьнем 2.2 распрацоўнік працуе з моманту выкладаньня 2.1. Паводле афіцыйных зьвестак, абнаўленьне павінна выйсьці ў кастрычніку 2023 году. Самыя ўплывовыя функцыі абнаўленьня: Даданьне новага гульнявага рэжыму: Сьвінґоптар; Даданьне новага рэжыму: плятформару; Даданьне функцыі мультыплэеру; Даданьне рэдактару часьцін; Даданьне 2 афіцыйных узроўняў; Даданьне магчымасьці перамяшканьня аб’ектаў ўнутры стваральніка з дапамогай сыстэмы Keyframe; Функцыя паварочваньня камары; Даданьне дадатковых гукаў ў рэдактар гульні, якія будуць выкарыстоўвацца адрозна ад песьні; Новыя аб’екты і трыґеры ў стваральніке ўзроўняў. Па меркаваньні пераважнай большасьці гульцоў, гэтае абнаўленьне зробіцца самым уплывовым абнаўленьнем за гісторыю гульні. Таксама пасьля 2.2 распрацоўнік плянуе пачаць найміт працаўнікоў, якія будуць дапамагаць яму з распрацоўкай гульні і ў яе дасьледаваньні.

Іншыя гульні

Пасьля абнаўленьня 1.9 распрацоўнік гульні пачаў працаваць над дадатковымі прыкладаньнямі да арыгінальнай гульні, у якіх адлюстроўваў функцыі наступных (2.0, 2.1, 2.2) абнаўленьняў.

Geometry Dash Lite

Geometry Dash Lite зьяўляецца дадаткам для тых гульцоў, у якіх няма грошай на тое, каб плаціць за арыгінал. Прыкладаньне безкаштоўнае. Там разьмешчаны ўсі афіцыйныя ўзроўні да вэрсіі 1.6, не ўключаючы яе.

Geometry Dash Meltdown

Geometry Desh Meltdown была выпушчаная 19 сьнежня 2015 году. Яна ўключае ў сябе функцыі абнаўленьня 2.0 з трыма эксклюзіўнымі ўзроўнямі.

Geometry Dash World

Geometry Dash World выйшла ў сьвет 21-22 сьнежня 2016 году. Яна ўключае ў сябе 10 дадатковых узроўняў, якія патрэбны быць пройдзеныя па чарзе, якія разьбітыя на 2 г. зв. сьветы. У гульне даступны пошук узроўняў і табліца лідараў, якія не працуюць, але былі даданыя ў абнаўленьні 2.1.

Geometry Dash SubZero

Geometry Dash SubZero выйшла 21 сьнежня 2017 году. Яно ўключае ў сябе функцыі абнаўленьня 2.2 і тры дадатковыя ўзроўні.