Доўгае (возера, Глыбоцкі раён)
| Доўгае возера | |
|---|---|
| | |
| Морфаметрыя | |
| Вышыня над узроўнем мора | 172,6 м |
| Даўжыня | 6 км |
| Шырыня | 0,7 км |
| Плошча | 2,19 км² |
| Аб’ём | 0,04317 км³ |
| Даўжыня берагавой лініі | 14,9 км |
| Сярэдняя глыбіня | 53,7 м |
| Гідралогія | |
| Салёнасць | 0,24—0,25 ‰ |
| Празрыстасць | да 5 м |
| Басейн | |
| Плошча вадазбору | 30,4 км² |
| Упадаюць | ручаі |
| Выцякаюць | Шоша |
| Размяшчэнне | |
| Краіна |
|
|
Доўгае возера |
|
|
|
|
|
Доўгае возера |
|
 |
|
До́ўгае во́зера — возера ў Глыбоцкім раёне Віцебскай вобласці (басейн ракі Шошы). Найглыбейшае возера Беларусі (да 53,7 м)[1].
Гідраграфія
[правіць | правіць зыходнік]Плошча паверхні возера — 2,19 км², даўжыня каля 7 км, найбольшая шырыня 0,7[2] км, сярэдняя — 0,4 км. Найбольшая глыбіня дасягае 53,7 м, сярэдняя 16,6 м. Аб’ём вады 43,17 млн м³, плошча вадазбору 30,4 км².
Катлавіна возера лагчыннага тыпу, моцна выцягнутая з паўночнага захаду на паўднёвы ўсход. Схілы катлавіны вышынёй ад 10 метраў на паўночным захадзе і паўднёвым усходзе да 25—30 метраў у астатняй частцы. Схілы стромкія, складзеныя з суглінкаў. Берагавая лінія Доўгага возера звілістая, даўжынёй 14,9 км. Берагі зліваюцца са схіламі катлавіны. Падводная частка катлавіны мае стромкія схілы. Літаральная зона вузкая. Ложа возера з глыбіні 3 м мае карытападобную форму. Уздоўж сярэдзіны возера маецца некалькі глыбокіх упадзін. Зона мелкаводдзя пясчаная і пясчана-галечная, месцамі з валунамі. У глыбакаводнай частцы дно глеістае, у залівах пакрыта сапрапелем.
Упадаюць ручаі з азёр Свядава і Псуя, выцякае ручай у возера Шо.
Экалогія
[правіць | правіць зыходнік]Возера Доўгае мезатрофнае, слабапраточнае. Возера зарастае слаба. Надводная расліннасць пашыраецца на адлегласць да 25 метраў ад берага, месцамі адсутнічае. Падводная расліннасць пашырана да глыбіні 5—7 метраў.
У возеры водзяцца лешч, шчупак, акунь, плотка, мянтуз, лінь, сняток і іншыя віды рыб. Адзначаны рачок лімнакалянус (рэліктавы від ледавіковага перыяду)[2]. На возеры і навакольнай тэрыторыі створаны гідралагічны заказнік «Доўгае»[3]
Зноскі
[правіць | правіць зыходнік]- ↑ Блакітная кніга…
- ↑ а б Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
- ↑ Гидрологические заказники Архівавана 27 снежня 2013. (руск.)
Літаратура
[правіць | правіць зыходнік]- Доўгае возера // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).
- Якушка В. П. Доўгае возера // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 19, 28. — 72 с. — 10 000 экз. — ISBN 978-985-508-136-5. (руск.)
Спасылкі
[правіць | правіць зыходнік]На Вікісховішчы ёсць медыяфайлы па тэме Доўгае (возера, Глыбоцкі раён)
- Долгое на Посейдон.by Архівавана 19 чэрвеня 2014.
- Возера Доўгае
- Долгое — самое глубокое озеро Архівавана 25 лістапада 2010.