MES DA CIENCIA EN GALEGO 2025: MOITOS RETOS E UN EXPERIMENTO

Na segunda quincena de novembro temos varias propostas para conmemorar o Mes da Ciencia en Galego: 

• Retos diarios na biblio para os nenos e nenas de 2º a 6º de primaria
• Retos semanais para resolver na clase para os nenos e nenas de infantil e 1º de primaria
• Gran reto no que poderán participar todos os nenos e nenas do cole... e os adultos que queiran tamén!
• Experimentos compartidos: o alumnado de 1º e 2º de primaria compartirá co resto do alumnado un experimento que están a preparar na clase. 

Retos diarios

Retos de 2º e 3º

Retos de 4º

Retos de 5º e 6º

A Pescadora cos retos de infantil e 1º 

Nenas de 4º resolvendo retos :-)

Gran reto: Cantos peóns haberá no museo?

Aínda estás a tempo!

NOVIDADES 1º TRIMESTRE 25-26

Neste trimestre houbo unha morea de novidades, moitas delas suxestións dos nenos e nenas do cole.

Como podedes decirlle á Pescadora que libros queredes ou algunha idea para mellorar a biblioteca? Deixando unha nota dentro da caixa de correo que está na biblioteca. Deste xeito a Pescadora tomou boa nota das vosas propostas e mercou libros de banda deseñada como "Pitufos", "El club de las canguro", "Dani y Evan" ou "Coraje"; narrativa como "El diario de Greg" o "Los compas" e libros informativos como un sobre a Primeira e Segunda Guerra Mundial.

A Pescadora tamén fixo a súa propia selección comprando libros informativos como "Inuit", "O gran libro das nosas vilas" ou "A egua de Breog´na", poesía como "Tesouro" de Hércules edicións, narrativa con Ledicia Costas con "Feriópolis"e banda deseñada como "Fantasmas" da editorial Maeva Young.

Esperamos que estas lecturas sexan do voso interese!

MES DA CIENCIA EN GALEGO 2025: CONCEPCIÓN PAZ PENÍN

Este ano pon voz ao manifesto polo Mes da Ciencia en Galego a ferrolá Concepción Paz Penín, enxeñeira industrial, catedrática e doutora pola Universidade de Vigo. Actualmente, dirixe o Departamento de Enxeñaría mecánica, máquinas e motores térmicos e fluídos nesa universidade. Tamén é directora do Centro de Investigación en Tecnoloxía, Enerxía e Procesos Industriais (CINTECX). 

"As bibliotecas son parte esencial deste ecosistema: non só como espazos físicos, senón como nodos de encontro, conexión social e aprendizaxe permanente. A súa transformación dixital e social facilita que o coñecemento circule, que a ciencia se comparta e que máis persoas participen activamente, proporcionando as ferramentas para seguir aprendendo, cuestionando e creando. "

• Manifesto polo Mes da Ciencia en Galego

• Recursos didácticos sobre Concepción Paz Penín

• Actividades polo Mes da Ciencia en Galego nas bibliotecas

• Recompilación de materiais sobre Ciencia en Galego

MES DA CIENCIA EN GALEGO 2025: ACTIVIDADES NA BIBLIOTECA

En novembro conmemoramos o Mes da Ciencia en Galego, realizando varias actividades relacionadas coa ciencia e a lectura. Premendo na imaxe poderedes acceder a información interesante sobre esta celebración.

Na escola, na primeira quincena do mes, repartiremos polas aulas unhas caixas temáticas con libros de ciencia -principalmente en lingua galega- que estarán a disposición do alumnado durante todo o mes nas súas aulas. Neste sentido estamos a facer un esforzo por incorporar novidades científicas escritas en galego, actualizando á vez o noso catálogo de fondos informativos. 

Tamén realizaremos unha exposición de libros sobre matemáticas, que estarán no corredor da biblioteca e se poderán coller en préstamo cando se desexe. 

Na segunda quincena do mes haberá propostas máis interactivas. por unha banda, uns retos matemáticos que nenos e nenas poderán resolver na bibliteca no tempo de recreo e, por outra, o alumnado de 1º e 2º de primaria preparará uns experimentos que explicará ao resto dos compañeiros antes de acabar o mes de novembro. 

Esperamos que sexa un mes de moitas aprendizaxes e moitas lecturas!

CLUB DE LECTURA 2025-2026

Comezaron as sesións do Club de Lectura da biblioteca dos tesouros con novos participantes, novo coordinador e novas lecturas!

A primeira sesión foi moi ben e xa está decidida a lectura para estas semanas, o libro de banda deseñada "Cuando brillan las estrellas". 

Neste tempo de encontro houbo tempo para comer, compartir alguna que outra sobremesa, establecéronse unha serie de normas de funcionamento e todos os integrantes firmaron un acordo de compromiso. 

Moitas grazas aos nenos e nenas de 6º de primaria por amosar tanto interese nesta actividade.