Bo verán

 PECHADO POR VACACIÓNS

     

      Chegou a hora de pechar as portas da nosa biblioteca ata o próximo curso. Queremos dar as grazas a todo o alumnado, ás familias e a toda a comunidade educativa por converter a nosa biblioteca nun lugar vivo no que se fala, comparte e aprende sobre lecturas e a vida en xeral.

     Queremos facer unha mención especial a todo o alumnado que participou no programa de voluntariado na biblioteca. En setembro, poderedes recoller o voso diploma de acción voluntaria na biblioteca escolar.

      Ademais, como este verán decébranse os Xogos Olímpicos e a Eurocopa, fixemos unha última selección de lecturas deportivas para que desfrutedes da lectura en familia no voso tempo de lecer.

      Tamén podedes levar á praia ou á piscina os vosos libros en versión dixital grazas á plataforma ELBE.2

     Vémonos en setembro para compartir as vosas lecturas refrescantes e para todo o que queirades. A biblioteca espéravos cos brazos abertos. 😊

Os clubs de lectura na ExpOtaku 2024

     ASALTAMOS DE NOVO A EXPOTAKU!

     Para celebrar o día do friki, algúns dos integrantes dos clubs de manda acudimos o sábado 25 de maio á ExpOtaku que se celebrou no recinto ferial Expocoruña. Pasámolo incríble! Puidemos desfrutar de obradoiros de pokeballs, de xincanas de atrapa la bandera e Spy x family e de loitas con todo tipo de armas. Ademais, puidemos conversar con escritores de ciencia ficción como Kaos e coñecer as novidades en realidade virtual e videoxogos. Estamos desexando volver!!!

Encontro con Andrea Maceiras

DE VIAXE POLO AMAZONAS CON ANDREA

    Onte tivemos a sorte de que a autora e antiga alumna do centro, Andrea Maceiras, visitara a nosa biblioteca para falar co alumando de 1º ESO e dos clubs de lectura sobre as  súas obras, desentrañando especialmente A folla azul. Grazas a iso, fixemos unha espectacular viaxe pola Amazonas. 

        Neste vídeo podedes experimentar parte desa viaxe:   

      Ademais, tivemos a oportunidade de compartir con ela  as nosas impresións sobre as temáticas que desenvolve nas súas obras, o seu proceso creativo e os seus gustos como lectora. Á rapazada encantoulles e xa preguntan se pode volver máis veces.

     Podedes pasar pola biblioteca a ver a exposicións dos xogos que crearon os alumnos de 1º ESO sobre esta obra de Andrea Maceiras. Menuda creatividade!

Cita a cegas

  CITA CUN LIBRO = BOA IDEA

      Despois das vacacións de Entroido, tivo lugar a nosa cita a cegas cun libro, un clásico para conmemorar o día do amor. Estamos moi contentas e agradecidas pola acollida que tiveron as lecturas que os membros dos clubs de lectura realizaron con moito amor para todo o alumnado do centro.

Namórate da lectura por San Valentín

NAMÓRATE DA LECTURA

       Nun día como o 14 de febreiro, no que se conmemora o amor, pásate  despois do entroido outro ano máís pola biblioteca para celebrar o amor pola lectura e atrévete a ter unha cita a cegas con algunha das recomendacións que os membros dos clubs deixaron preparadas para vós.

        Ademais, para abrir boca, deixamos unha selección de lecturas que podes atopar na nosa biblioteca e que celebrar todo tipo de amores.

30 xanerio:día da paz e a non violencia

DIN NON Á VIOLENCIA

      Na celebración do día da paz tiveron lugar na biblioteca os primeiros encontros de Bibliotecas humanas nas que visitaronnos persoas de nacionalidades que na actualidade están en conflicto (Ucrania, Palestina) para que o noso alumnado coñeza de primeria mán os horrores da guerra. 

        Relacionado co non á violencia, os membros dos clubs de lectura fixeron unha escolma de obras do noso catálogo no que se aborda desde diversas perspectivas os conflictos bélicos e que podedes levar en empréstito para casa.

      Ademais, repartimos as nosas mochilas viaxerias (incluídas no programa de Lecturas e familias) para repartir paz entre o alumnado con lecturas e películas que serviran para expandir os ideais necesairos para vivir nunha sociedade que rechace a violencia e acepte a todo o mundo, indendentemente de orixe, credo ou orientación.  

 CLUB DE XADREZ

     

      Xa está en marcha o noso club de xadrez que lerá e poñerá en práctica todas as xogadas que veñen nestes libros. Se che apetece, ainda estás a tempo de formar parte do club. Pásate pola biblioteca os mércores no segundo recreo.

 SAMAÍN 2023

     Este ano puidemos achegarnos ao medo e as tradicións do Samaín ao longo de todo o centro. 

     Como todos os anos, apareceu no vestíbulo do centro o Camposanto no que se colocaron todas as lápidas que participaron no concurso organizado polo equipo de Normalización Lingüística, que tivo gran acollida. Así puidemos visitar as tumbas de Cupido, Halloween, Marie Curie, Rosalía de Castro ou Otero Pedrayo entre outras moitas

       Tamén, volveu a percorrer a Santa Compaña as clases e os corredores do noso centro en busca de almas perdidas que foran con ela ata o Alén. 

        Non obstante, este ano estivo presente a música coa actuación do coro da Santa Compaña no salón de actos de centro:

       Ademais, dinamización Lingüística e o departamento de Lingua galega organizaron a terceira edición de portas terroríficas. O alumnado de 1º e 2º da ESO decoraron as portas das súas clases con lendas galegas tradicionais como o home peixe, Maricastaña, a tía Xoanoa ou Santa Compaña:

       Os clubs de literatura comparada de Secundaria e Bacharelato reuníronse na biblioteca para pasar moito medo con lecturas como Demeter ou os contos de Edgar Alan Poe e curtametraxes como Alexia ou La bolsa. 

      O alumnado de diferentes clubs de lectura gravaron podcast terroríficos que se puideron escoitar nos recreos na biblioteca e que agora tamén podedes escoitar vós en familia:

• As tres Marías
• A dama do castro
• O lobishome
• Romasanta

      Se queredes continuar co Samaín pola vosa conta, ademais das lecturas que vos propoñemos, podedes consultar no noso catálogo a lista recomendacións terroríficas. 

24 outubro: día das bibliotecas

 CELEBRAMOS O NOSO DÍA

      O 24 de outubro celébrase o día das bibliotecas para non esquecer o día no que a Biblioteca Nacional de Saraxevo foi destruída durante o conflicto bélico dos Balcáns. Como equipo e usuarios das bibliotecas escorales e municipais, estamos moi orgullosos da comunidade que estamos a tecer.

          Non se nos ocorre mellor maneira de celebrarlo que en boa compañía e rodeados de libros. Os integrantes do club de literatura comparada aproveitaron ademais para asesorarnos na compra de novidades tanto en galego como en castelán (que estarán dispoñibles en breves para empréstito)

            Ademais, hoxe inaguramos o Recuncho Familiar. O ano pasado xa comezaramos a destacar lecturas para toda a familia mediante as nosas mochilas viaxeiras, pero este ano conta cun espazo permanente dentro da nosa biblioteca. Nesta nova sección, mensualmente faremos unha selección de lecturas de toda índole que se acheguen aos intereses de todos os membros e que podan compartilos coa familia. 

             Neste mes, seleccionamos lecturas moi variadas, como a epopea Azucre de Bibliana Candia , a banda deseñada Miguel en Cervantes. el retablo de las maravillas de Miguelanxo Prado e David Rubín, o libro de arte con pingas literarias Emocionarte de Carlos del Amor, ou a novela de ciencia ficción Guía del autoestopista galáctico de Douglas Adams, entre outros. Non obstante, podedes vir á biblioteca para descubrir moitas máis lecturas que están no voso recuncho para gozalas en familia :

Novidades lectoras outubro

 

        No mes de outubro, noso catálogo temos moitas novidades. Fixemos unha escolma de novos mangas, bandas deseñadas e novelas de ciencia ficción para que podades levar para casa e explorar novos mundos.

          Esperamos que vos gusten 😊 Ademais, lembramosvos que se tedes algunha suxestión podedes deixala no noso buzón.

16 outubro: día das escritoras

LE EN FEMININO

        Este ano a Biblioteca Nacional de España celebra a octava edición do Día das Escritoras baixo o lema "O pracer, a ledicia e a risa das mulleres". Non hai mellor forma de celebrarlo que lendo a autoras de todas as épocas, todos os xéneros e todos os estilos. Así poderemos darlles o espazo que lles foi negado durante tantos séculos. 

        Coa estimada colaboración de parte do voluntariado de Bacharelato, fixemos unha escolma das autoras que están presentes na nosa biblioteca e que podes levar a casa para celebrar este día. Pásate e lévate a que máis che chame a atención. Se botas algunha autora en falta, podes contribuír a nosa exposición buscando o libro e incluíndoo nas mesas.

          Como novidade deste curso, no noso catálogo podes consultar a lista recomendacións en feminino na que se recollen escritoras que esperamos que vos gusten.

          Ademais, queremos facer unha mención especial a todas esas autoras galegas que no 2023 foron premiadas e que deixan constancia do nivel da nosa literatura actual:

            Desfruta da lectura en feminino!

10 de outubro: día da saúde mental

 COIDA A TÚA SAÚDE MENTAL

            Como cada 10 de outubro, celebrase o día mundial da saúde mental para concienciar sobre la importancia da mesma. Desde Somos estupendas, queren concienciarnos se é así como nos queren?

          Para concienciar sobre a importancia da saúde mental queremos que refelexionedes sobre os seguintes datos:

• Un de cada catro persoas terá algún tipo de problema de saúde mental ao longo da súa vida.
• Aproximadamente 450 millóns de persoas en todo o mundo veranse afectadas por un problema de saúde mental.
• Máis de 300 millóns de persoas no mundo viven con depresión, cifra que aumentou un 18.4% entre 2005 e 2015.
• O 50% comezan antes dos 14 anos e o 75% antes dos 18.
• Máis da metade de persoas con algún transtorno mental que necesitarían tratamento non o reciben.

          Desde a biblioteca, queremos tender a man a todos os que necesitades un lugar seguro para poder expresar os vosos problemas. Por iso, escollemos unha serie de lecturas que consideramos que poden ser un bo punto de partida para identificar os nosos problemas e así conseguir ter unha boa sáude mental.  

          Non só están no panel da biblioteca, senón que podedes consultar a seguinte lista do noso catálogo: 

            Esperamos que vos gusten, que as levedes para casa e despois falemos de elas.

Club ecléctico Bacharelato

O CLUB MIRA POLA FIESTRA VALDEIRA  

       No día de onte os membros do club ecléctico O bosque animado de 2º de Bacharelato volveron a reunirse despois do verán para centrarse na primeira lectura deste curso: A fiestra Valdeira de Rafael Dieste. Nesata xutanza na hora de comer non só debatiron sobre a súa simboloxía e compartiron impresións sobre a trama e os personaxes, senón que tamén se animaron a dramatizar as súas escenas favoritas. 

    Encántanos empregar o espazo da biblioteca para compartir o pracer da lectura. Continuamos tecendo comunidade.

Horario dos nosos clubs

OS CLUBS XA ESTÁN EN MARCHA!

      Despois de moitas voltas para encaixar todos os clubes e que podades formar parte de todos os que querades, xa temos o horario de todos eles.

      Os coordinadores de cada club avisará aos integrantes das do calendario das reunións.

      Moitas gracias por tecer comunidade a través da lectura.

Novidades lectoras setembro

        Pasa pola biblioteca para coñecer as novidades de setembro. Preparamos un panel con algunhas delas, pero hai moitas máis dentro da biblioteca. Entra e pregunta.

        Ademais, se non atopas o que buscas podes deixar a túa suxestión no noso buzón. 

Hora de ler

 RETOMAMOS OS BOS COSTUMES.      TOD@ A LER!

       
          Xa está de volta a hora de ler incluída no Plan Lector do noso instituto. Con ela, retomamos un ano máis costumes que nos permiten desfrutar da lectura todas as semanas nas aulas. Iniciamos este costume o luns a primeria hora. Ademais de ter xa anotados nos tablóns das clases as datas deste cruso, podedes conssultar o seguinte calendario onde aparece sinaladas as horas nas que se levará a cabo a hora de les en cada mes de curso 2023/2024:

           Xa podedes anotar nas vosas axendas o día que tedes que traer as vosas lecturas en papel. Tamén podedes telas seleccionadas no voso ordenador grazas á Plataforma ELBE 2. Se non sabesdes como se emprega, non tedes máis que seguir as seguintes instrucións.

            Ademais, por se alún de vós esquece o libro ou precisa de asesoramento, cada grupo disporá dunha caiza con suxestións lectoras de todo tipo que foron escollidas con moito mimos polos membros da biblioteca e que se renovará cada un dos trimestres. 

Volven os clubes de lectura

 Estamos de volta!

      Un ano máis os clubes de lectura queren forma parte da túa vida. Entre a variedade de clubes que propoñemos este curso desde a Biblioteca, seguro que atopas algún do que queras formar parte: 

o    Clubes de literatura e cine: dirixidos ao alumnado de toda a Secundaria e Bacharelato e coordinado por Iria Collantes (profesora de lingua castelá e literatura).

o    Club Apología de un matemático: dirixido ao alumnado de Matemáticas Académicas de 4º ESO e 1ª BACH e coordinado por Eduardo Dorrego (profesor de Matemáticas).

o    Clubes de manga: dirixido ao alumnado de ESO e Bacharelato e coordinado por  María Jesús Domínguez e Estefanía Fernández (profesores de Música e Historia).

o    Club de literatura universal: dirixido ao alumnado de 1º BACH coordinado por Rosa Maceiras (profesora de lingua castelá e literatura).

o    Club de artes escénicas: dirixido ao alumnado da materia Artes escénicas e danza de 4º ESO e coordinado por Beatriz Alonso (profesora de Música).

o   Clubes ecléticos O bosque animado: dirixido ao alumnado de ESO e Bacharelato e coordinado por Estefanía Fernández (profesora de Historia) e Iria Collantes (profesora de Lingua Castelá)

o    Clube LGTBIQ+: dirixido ao alumnado de ESO e BACH e coordinado por Graciela Fiaño Cacheda (Departamento de Orientación)

o    Clube de adultos: dirixido ás nais e pais do alumnado do centro e ao profesorado. Será coordinado por Susana Vicente (profesora de Latín), Iria Collantes (profesora de Lingua Castelá e Literatura) e Estefanía Fernández (profesora de Historia)

o    Clube de literatura universal: dirixido ao alumnado da materia de Literatura Universal de 1º BACH coordinado por Rosa Maceiras (profesora de lingua castelá e literatura).

o  Club de poesía: dirixido ao alumnado de ESO e Bacharelato e coordinado por Iria Collantes (profesora de Lingua castelá)

        Animádevos e apuntádevos na biblioteca do centro durante calquera dos recreos. Estamos desexando contar con vós nestas actividades.

         Tamén podedes mandar un correo da biblioteca indicando nome, apelidos, curso e clube no que estás interesado en participar.

 

Xa estamos abertos

 VOLVEMOS CON MOITAS GANAS

      Despois dun merecido descanso, as portas da nosa biblioteca xa están abertas e comenzamos o curso con moitas ganas. 

      Estamos encantados de que tanto a reapertura como as novas seccións (como a ludoteca, que irá medrando neste curso) tiveran tan boa acollida entre o alumnado. Moitísmas gracias por vir durante todos os recreos e facer da biblioteca un espazo vivo:

          Ademais, o equipo da biblioteca estamos a preparar novidades no espazo e moitas actividades de diversa índole para este curso. Estade moi atentos 😉

Nós tamén entendemos

       A LOITA TEN QUE CONTINUAR!

       O 28 de xuño celébrase o día internacional do Orgullo LGTBIQ+. Desde a biblioteca queremos reinvidicar a importancia de visibilizar todas as realidades para que podamos crecer como sociedade e non retrocedamos nos dereitos que xa se conseguiron. 

        Ademais, tal e como di Ursula K. Leguin, consideramos que "lemos libros para descubrir quenes somos" e para comprender aos demais. Por iso, plantexamos as seguintes lecturas que se fixeron este ano no club de lectura LGTBIQ+, ademais doutras suxestións plantexadas polos seus membros. 

        Tamén, sumámonos a iniciativa das Bibliotecas Municipais de A Coruña "As municipais entenden". Pasade pola páxina web e dade a vosa opinión:

 

O máis lector

 SER O MÁIS LECTOR TEN RECOMPENSA

        Hoxe no recreo fixemos entrega dun merecido agasallo ao lector máis fiel da nosa biblioteca: Joel Aroca de 4º ESO. Moitas gracias por vir tantas veces a visitarnos á biblioteca e levar tantos e tan bos empréstitos neste curso.