karantez

Brezhoneg

Etimologiezh

Savet diwar ar ger kar.

Meneget er C'hatolikon (carantez).

Da geñveriañ gant ar ger kembraek cerennydd.

Karantez mamm (1869), gant William-Adolphe Bouguereau.

Anv-kadarn

karantez /kaˈrãnte(s)/ benel (a-wechoù gourel); (liester karantezioù)

1. Santad kreñv, tener ha don a zeu d'ur boud denel evit unan bennak all.
   • N'eo ket ma c'harantez ezvezant zo bet kaoz. — (Fañch an Uhel, Sainte Tryphine et le Roi Arthur, Presses Universitaires de Rennes, Terre de Brume, 2002, p. ?.)
   • Disoñjomp un dra ker poanius all ha bezomp gwir vreudeur gant karantez leizh hor c'halon. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 51.)
2. Plac'h karet

   Ur garantez, div garantez.

3. Paotr karet.

   Ur c'harantez, daou garantez.

4. bezañ karantez etre tud
   • chetu perak é hes karanté étré er priedeu. — (Sant Frañsez a Sal, troet gant Jelvestr Seveno, En Nor ag er Vuhé Devot, Gwened, 1917, p. 171.)

     Setu perak ez eus karantez etre ar priedoù.

5. kaout karantez ouzh ub
   • N'eo ket iskis evit gwir, en dije keuz da genvreudeur hag o doa bet kement a garantez outañ, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 43.)
6. traoù, tud, a garantez
   • un alfo a garantez,
   • prouennoù a garantez,
   • ur seblant a garantez, — (Sant Frañsez a Sal, troet gant Jelvestr Seveno, En Nor ag er Vuhé Devot, Gwened, 1917, p. ???.)
   • merkoù tener a garantez, — (Sant Frañsez a Sal, troet gant Jelvestr Seveno, En Nor ag er Vuhé Devot, Gwened, 1917, p. 206.)

Gerioù heñvelster

(1)

(2)

• amour (a-wezhioù)

(3)

• amourouz
• dousig
• karedig
• kariad

• kariadez
• mestrez
• muiañ-karet
• serc'h

Deveradoù

• karantezus

Troioù-lavar

• Fritañ laou ar baourentez war billig ar garantez.
• Fritañ laouenn ar baourentez war billig kras ar garantez.

Krennlavarioù

• Gwell eo karantez leizh an dorn
  Evit madoù leizh ar forn. — (Jules Gros, Le trésor du breton parlé Troisième Partie, 1974, p. 312.)
• — Gwelloc'h karantez leizh an dorn
  Eget aour melen leizh ar forn. — (Youenn Drezen, Itron Varia Garmez, Skrid ha Skeudenn, 1941, Al Liamm, 1977, p. 93.)
• Dousoù e pep lec'h, karantez e nep lec'h.
• Karantez bell, Karantez well.

Troidigezhioù

• alamaneg : Liebe ^(de)
• galleg : amour ^(fr)
• kembraeg : serch ^(cy)  ; cariad ^(cy)

• kerneveureg : kerensa ^(kw)
• saozneg : love ^(en)
• spagnoleg : amor ^(es)  gourel