Mont d’an endalc’had

Nolwenn Leroy

Eus Wikipedia
Nolwenn Leroy

Nolwenn Leroy e Gouelioù-Meur Kerne (Kemper) e 2011
Anv Nolwenn Leroy
Anv orin Nolwenn Le Magueresse
Ganedigezh 28 a viz Gwengolo 1982
Lokournan - Breizh
Micher Kanerez
Bloavezhioù
oberiant		 Abaoe 2002
Doare Sonerezh skañv
Doare mouezh Mezzo soprano
Benvegoù Piano, biolin
Label(ioù) Mercury
Universal
Internet www.nolwenn-officiel.com

Nolwenn Leroy, Nolwenn Le Magueresse hec'h anv gwir, zo ur ganerez vreizhat ganet d'an 28 a viz Gwengolo 1982 e Lokournan.

Buhez

[kemmañ | kemmañ ar vammenn]

Bugaleaj - Krennoad

[kemmañ | kemmañ ar vammenn]

D'he fevar bloaz e kuitaas Kersent-Plabenneg e lec'h m'he doa bevet he bloavezhioù kentañ[1] evit mont da Bariz gant he zud, ha goude se da Lille, a-raok dont en-dro da Vreizh da Wengamp e 1990 e lec'h ma voe ganet he c'hoar vihan Kay. E 1992 e tispartias he zud, Muriel Leroy hag ar melldroader a-vicher Jean-Luc Le Magueresse. D'an oad a unnek vloaz, goude meur a zilojadenn da heul kudennoù labour he mamm, ez eas da chom gant he mamm hag he c'hoar da di he zud-kozh da Saint-Yorre e 1993. Mirout a reas o anv-tiegezh Leroy.

Skoliataet e voe e skolaj ar Selestined (collège des Célestins) e Vichy. Eno e voe merzet he donezon gant he c'helenner sonerezh a vroudas anezhi da zeskiñ seniñ gant ar violin.

D'he 13 vloaz e c'hounezas Les écoles du désert (skolioù an dezerzh), ur genstrivadeg paeronet gant an hipermarc'hadoù Cora, ha beajiñ a reas dek devezh e Mali eus Gao da Dombouktou gant ur gefridiezh denegour. Diwezhatoc'h e lavaras he doa bet ar veaj-se ul levezon vras warni.

E miz Gouere 1998 e voe dibabet gant Rotary Club Vichy evit mont da dremen ur bloavezh er Stadoù Unanet e Cincinnati en Ohio, da geñver un eskemm studierien etrebroadel. P'edo eno e pleustras skol arzoù an arvestoù Hamilton High School. Pa zistroas da Vro-C'hall e tivizas heuliañ kentelioù war ar c'han klasel e skol-sonerezh Vichy evit en em varrekaat. Kanerezh lourennek eo a bleustras eno.

E 2001 e lakaas hec'h anv e skol-veur ar gwir e Clermont-Ferrand er gwir angl-hag-amerikan p'edo en he soñj mont da labourat e-giz diplomatez en ABU pe en un AMG betek-gouzout ne rafe ket berzh e bed ar sonerezh.

He red-micher

[kemmañ | kemmañ ar vammenn]

Star Academy

[kemmañ | kemmañ ar vammenn]

P'edo o sellet ouzh an abadenn skinwel Star Academy e voe boemet[2] gant ar gelennerez war ar c'han Armande Altaï, ha divizout a reas lakaat hec'h anv en he c'hlas. E-pad ouzhpenn c'hwec'h miz e heulias he c'hentelioù kan e Pariz. Goude se e voe dibabet evit kemer perzh e koulzad 2 ar Star Academy a c'hounezas e miz Kerzu 2002.

Nolwenn

[kemmañ | kemmañ ar vammenn]

D'ar 4 a viz Meurzh 2003 e teuas he fladenn gentañ anvet Nolwenn er-maez. Meur a arzour brudet a gemeras perzh enni, en o zouez edo Pascal Obispo, Lara Fabian, Laurent Voulzy, Lionel Florence ha Daniel Lavoie. Ouzhpenn 650 000 skouerenn[3] a voe gwerzhet, a drugarez d'an tennadoù Cassé (niv. 1 an Top 50 ha Top Singles)[4], Une femme cachée ha Suivre une étoile pergen. Er bloaz-se ivez e tapas NRJ Music Awards an Dizoloadenn c'hallek, ha kregiñ a reas gant un droiad er Frañs a-bezh, e Belgia hag e Suis.

Histoires naturelles

[kemmañ | kemmañ ar vammenn]

D'ar 5 a viz Kerzu 2005 e teuas hec'h eil albom er-maez, Histoires naturelles, sevenet gant Laurent Voulzy ha Franck Eulry. Testeniet e voe pladenn platin gant ouzhpenn 300 000 gwerzh[5],[6] ha tizhout a reas 3de plas an Top. Mont a reas an tennad kentañ Nolwenn Ohwo !, sinet gant an daouad Alain Souchon/Laurent Voulzy, da vezañ diouzhtu niv. 1 ar gwerzhioù[7]. Ar wezh kentañ e oa dezhi da sinañ an hanter eus testennoù an albom, en o zouez edo ar single Mon ange. Lezel a ra personelezh ar ganerez da zont war wel, etre metafizik, ezoteregezh hag hunvreoù kuzh.

Goude un droiad nevez a badas pevar miz e salioù c'hoariva ha zenitoù Frañs ha Belgia, gant un nebeud devezhioù en Olympia hag un nebeud deiziadoù e festivalioù an hañv, ec'h embannas he CD ha DVD live kentañ Histoires Naturelles Tour d'ar 27 a viz Here 2007. Ouzhpenn 30 000 skouerenn eus ar CD a voe gwerzhet ha testeniet e voe an DVD evel DVD aour.

Le Cheshire Cat et moi

[kemmañ | kemmañ ar vammenn]
Nolwenn e Francofolies Spa (Belgia) e 2010

D'ar 7 a viz Kerzu 2009 e teuas he zrede albom studio er-maez : Le Cheshire Cat et moi, gant teir c'hanaouenn saoznek e-touez ar re c'hallek. Goursellet he deus ouzh sevenidigezh an albom-se gant kenlabour ar c'haner faeroat Teitur Lassen. Kenlabouret o doa ivez Rupert Hine, Ruth Wall (Goldfrapp) ouzh an delenn, Nico Muhly (Björk) ouzh kempennadur ar c'herdin. Faut-il Faut-il pas eo ar single kentañ. D'ar sizhun ma teuas er-maez e tapas Le Cheshire Cat et moi ar 26vet plas e roll ar gwerzhioù albomoù e Frañs[8] ha testeniet e voe pladenn aour (50 000 gwerzh) buan war-lerc'h.
Skrivet e oa bet an albom orin penn-da-benn e saozneg gant Nolwenn Leroy. Graet e oa bet an trede opus-se evit ur publik gallek da gentañ penn. N'eo ket azasaat an titloù e galleg he deus graet Nolwenn, met adskrivañ da vat an albom a-bezh pe dost. Bez' ez eus ur stumm peursaoznek diembann eus an albom-se eta, ha fiziañs he deus lakaat hec'h arvesterien e Frañs hag en estrenvro d'e zizoleiñ. Etre klev ha jazz e kinnig ar ganerez ur bed personeloc'h ha nesaegour-kenañ.

Kregiñ a reas troiad klev ar "Cheshire Cat" d'an 12 a viz Meurzh 2010 gant ur sonadeg e Forom Liège, heuliet gant ur sonadeg e La Cigale d'an 18 a viz Meurzh 2010. Dleout a rafe an droiad-se kenderc'hel betek Mae-Mezheven 2011.

Bretonne

[kemmañ | kemmañ ar vammenn]
Nolwenn gant ar Gwenn-ha-du

Ur pevare albom anvet Bretonne zo deuet er-maez d'ar 6 a viz Kerzu 2010. Kavout a reer ennañ kanaouennoù hengounel kelt dreist-holl, e brezhoneg, galleg, saozneg hag iwerzhoneg. Lod eus kanaouennoù Breizh zo hengounel evel Suite Sudarmoricaine (Pardon Speied) ha Tri Martolod bet kanet c'hoazh gant Alan Stivell ; La jument de Michao bet brudet gant ar strollad Tri Yann, ha lod all nevesoc'h evel Ma Bretagne Quand Elle Pleut bet savet gant Jean-Michel Caradec ha Le Bagad de Lann-Bihoué gant Alain Souchon. Un nebeud kanaouennoù a zeu eus Iwerzhon evel Greensleeves, Sunday Bloody Sunday (war iTunes hepken) ha Mna Na H-Eireann (Merc'hed Iwezhon) e gouezeleg. Un ton nevez ez eus ivez : Je ne serai jamais ta Parisienne skrivet a-ratozh gant Christophe Miossec ha sonaozet gant Didier Squiban.

En holl ez eus peder c'hanaouenn vrezhonek en albom-mañ. Labouret he doa Nolwenn war ar brezhoneg gant Serj Plenier, ur c'helenner eus Ti ar Vretoned e Pariz, ha fellout a ra dezhi kenderc'hel da zeskiñ ar yezh emezi.[1][9]

Pladennrolladur

[kemmañ | kemmañ ar vammenn]
Nolwenn Leroy e 2011.

Albomoù

[kemmañ | kemmañ ar vammenn]
2003 : Nolwenn
  1. Cassé
  2. Être une femme
  3. Suivre une étoile
  4. Inévitablement
  5. Jure-moi
  6. Vu d'en haut
  7. Ce qu'il nous faudrait
  8. Une femme cachée
  9. Finir contre toi
  10. Rayer l'émotion inutile
  11. 14 février
  12. Qui mieux que moi
2005 : Histoires naturelles
  1. Nolwenn Ohwo !
  2. L'enfant cerf-volant
  3. Reste encore
  4. Mon ange
  5. Histoire Naturelles
  6. Rien de mieux au monde
  7. Mystère
  8. Les chimères
  9. Le rêve des filles
  10. Endormie
  11. London Fantasy
  12. Mélusine
  13. J'aimais tant l'aimer
2007 : Histoires Naturelles Tour
  1. Intro
  2. Mélusine
  3. Histoires Naturelles
  4. Mystère
  5. Rien de mieux au monde
  6. Mon ange
  7. L'enfant cerf-volant
  8. Running up that hill
  9. Les chimères
  10. Le rêve des filles
  11. One and only
  12. Time after time
  13. Une femme cachée
  14. Suivre une étoile
  15. Reste encore
  16. J'aimais tant l'aimer
  17. A song for you
  18. Cassé
  19. Nolwenn Ohwo !
  20. Endormie
2009 : Le Cheshire Cat et moi
  1. Le Cheshire Cat et moi
  2. Faut-il, faut-il pas ?
  3. Mademoiselle de la gamelle
  4. Feel good
  5. Cauchemar
  6. Valse au sommet
  7. Parfaitement insaisissable
  8. You get me
  9. Textile schizophrène
  10. Amis des jours de pluie
  11. Safe and sound
  12. Ici c'est moi qui commande (uniquement dans la version collector)
  13. Aucune idée (uniquement dans la version collector)
  14. Me and you (uniquement sur itune)
2010 : Bretonne
  1. Tri Martolod
  2. La Jument De Michao
  3. Suite Sudarmoricaine
  4. Greensleeves
  5. Brest
  6. Bro Gozh Va Zadoù
  7. Mna Na H-Eireann
  8. Ma Bretagne Quand Elle Pleut
  9. Je Ne Serai Jamais Ta Parisienne
  10. Karantez Vro
  11. Le Bagad De Lann-Bihoué
  12. Dans Les Prisons De Nantes
  13. Rentrer En Bretagne
  14. Sunday Bloody Sunday (war itune hepken)
2012 : Ô filles de l'eau
  1. Davy Jones (Christophe Miossec, Nolwenn Leroy / Jon Kelly, Boo Hewerdin) 4:06
  2. Juste pour me souvenir (Nolwenn Leroy, Assane Attyé, Dave Bux) 3:14
  3. Ophélia (Nolwenn Leroy, Jon Kelly, Matt Johnson, Sophie Delila, John Parricelli) 4:00
  4. Sixième Continent (Nolwenn Leroy, Jon Kelly, Matt Johnson, Sophie Delila, John Parricelli) 3:51
  5. Homeland (James Horner, Jon Kelly, Ciara Newell) 3:25
  6. J'ai volé le lit de la mer (Nolwenn Leroy, Dele Ladimeji, Paul Boddy) 3:42
  7. A La vie, à la mort (Hubert Mounier) 2:49
  8. Aux filles De l'eau (Nolwenn Leroy, Franck Fossey) 3:08
  9. Limitless (Sophie Delila, Martin Brammer) 3:15
  10. Ahès (Gwennyn Louarn, Nolwenn Leroy, Matt Johnson, Sophie Delila, John Parricelli) 3:57
  11. Sur les lèvres (JLM Bergeaud, alias Jean-Louis Murat) 4:30
  12. Tout a une fin (Nolwenn Leroy, Jon Kelly, Matt Johnson, Laurel Arnell-Cunell) 3:43
  13. D’émeraude (Jean-Christophe Urbain, Nolwenn Leroy) 4:00

Pennad pennañ: Dastumad pladennoù Nolwenn Leroy

Bloaz Albom Fr Gwerzhioù
2003 Nolwenn 1 Fr: 650 000
2005 Histoires Naturelles 3 Fr: 300 000
2009 Le Cheshire Cat Et Moi 26 Fr: 50 000
2010 Bretonne
2012 Ô Filles de l'eau

Single

[kemmañ | kemmañ ar vammenn]

Skridoù-sonerezh

[kemmañ | kemmañ ar vammenn]
  • Songbook Histoires Naturelles (Embannadur Capte Note, Kerzu 2007)

Prizioù ha loreoù

[kemmañ | kemmañ ar vammenn]

Loreadez "Grand Prix de l'UNAC" gant Juste pour me souvenir (2013)

Pennadoù kar

[kemmañ | kemmañ ar vammenn]

Notennoù ha daveoù

[kemmañ | kemmañ ar vammenn]
  1. ↑ 1,0 ha1,1 (fr)Michel Troadec, « La chanteuse Nolwenn Leroy revient à ses sources bretonnes » e www.ouest-france.fr, 14 a viz Du 2010. Lennet d'ar 5 a viz Kerzu 2010.
  2. ↑ (fr)RFI musique.com
  3. ↑ (fr)Lec'hienn People.fr
  4. ↑ (en)Lec'hienn Lescharts.com
  5. ↑ (fr)Clip : Nolwenn Leroy se demande, "Faut-il, faut-il pas ?" e www.infomaroc.net. Lennet d'ar 25 a viz Gouere 2010.
  6. ↑ (fr)Nolwenn Leroy e www.virgin17.fr. Lennet d'ar 25 a viz Gouere 2010.
  7. ↑ (en)Lescharts.com
  8. ↑ (fr)NOLWENN LEROY - LE CHESHIRE CAT & MOI (ALBUM) e lescharts.com. Lennet d'25 a viz Gouere 2010.
  9. ↑ (fr) Philippe Argouarch, « BRETONNE : L'étonnant nouvel album de Nolwenn Leroy » e www.abp.bzh, 2 a viz Du 2010. Lennet d'an 2 a viz Kerzu 2010.

Gwelet ivez

[kemmañ | kemmañ ar vammenn]

Diseurt

[kemmañ | kemmañ ar vammenn]

Patrick Castells ha Christophe Abramowitz o doa heuliet Nolwenn Leroy e-pad ar bloaz 2005, digarez dezho da skrivañ ul levr diwar-benn ar ganerez. N'eo ket un emvuhezskrid met un danevell eus ar mare m'edo ar ganerez o fardañ hec'h eil albom.

Kanet he doa Nolwenn Leroy evit Les Enfoirés abaoe 2006.

Emañ o vevañ gant ar c'hoarier tennis Arnaud Clément.

Liammoù diavaez

[kemmañ | kemmañ ar vammenn]
g • ka • ke
Trec'hourien ar Star Academy e Frañs
Jenifer (2001) • Nolwenn Leroy (2002) • Élodie Frégé (2003) • Grégory Lemarchal (2004) • Magalie Vaé (2005) • Cyril Cinélu (2006) • Quentin Mosimann (2007) • Mickels Réa (2008)


Portal:sonerezh
 Porched sonerezh
Adtapet diwar « https://br.wikipedia.org/w/index.php?title=Nolwenn_Leroy&oldid=2034416 »