Naig Gars

Naig Gars (Anne Le Gars e marilh ar boblañs) zo ur stourmerez vreizhat. Kelennerez Istor ha douaroniezh eo.

Buhez

Ganet eo bet d'an 11 a viz Du 1956 e Kemper. Eus Brieg eo he familh, seizh bugel enni. Goude he bachelouriezh e labouras evel gwerzherez e stal he mamm-gozh. Er gounezerezh e labouras goude. Kendelc'her gant e studioù a eure betek tapout un DEUG e 1982.

Eveshaerez ha studierez e voe etre 1982 ha 1987. Goude ur vestroniezh Istor e 1985 e tapas an diplom CAPES e 1987. Kelennerez eo abaoe er c'hlasoù divyezhek. Ganet he deus daou vugel : Anna e 1982 ha Yann e 1984.

Ar stourmerez

Stourmerez eo bet abaoe ar bloavezhioù 1973, 1974 ha 1975 en he lise.

Kendalc'het he deus war meur a dachenn (ekologiezh, gwir ar merc'hed, brezhoneg, stourm evit ar brizonidi politikel breizhat (Kuzulioù an Distaoliadeg / KAD hag all). Emezelañ a reas en Emgann pa voe krouet ar strollad e 1983. Anvet e voe da vouezh aotreet ar strollad e 1987. Pellaat a reas diouzh Emgann adalek 1993.

Skrivet he deus meur a levr ha krouet ar gevredigezh Ijin e 1995 evit stourm evit sevenadur Breizh e bro Gemper.

E miz Gwengolo 1999 ec'h emezelas en UDB.

Dilennet e voe e kuzul-kêr Pluguen e 2001. Eilmaerez karget eus ar c'hehentiñ e voe. Dilennet e voe da guzulierez e Rannvro Breizh e 2004 hag a-nevez e 2010. Anvet e voe da ezelez eus kuzul-merañ Ofis Publik ar Brezhoneg e 2010 ivez.

E 2014 e kemeras penn ul listenn Gauche bretonne, Kemper a-gleiz evit an dilennadegoù kuzulioù-kêr (6,06% eus ar mouezhioù e c'hentañ tro).

Oberennoù

E galleg

• 1995 : Breizh Europa, histoire d'une aspiration, IJIN.
• 1996 : Marie Le Bec : Chronique de Menez Banal, oberenn istorel, Keltia Graphic.
• 1999 : Les bretons par eux-mêmes, An Here.

E brezhoneg

• 1996 : Chao e Kêris, romant, Delioù.
• 1997 : Ni hon-unan, Al Lanv.

Mammennoù

• Lionel Henry : Dictionnaire biographique du mouvement breton XX-XXIe siècles, Yoran Embanner, 2013.