Resumen de Ahots seduzitzaileen ezaugarriak generoaren ikuspegitik
Aintzane Etxebarria Lejarreta, Naia Eguskiza Sánchez, Iñaki Gaminde Terraza, Asier Romero Andonegui
Ahotsaren bitartez era ezberdinetako funtzioak bete ditzakegu; batzuk linguistikoak dira, azentua, intonazioa, fokoa eta esaldi egitura zehazteko balio dute; beste batzuk paralinguistikoak dira eta jarreren, intentzioen eta hizkera estiloen berri ematen digute; azkenik, badaude beste zenbait ez direnak linguistikoak eta fisikoaren, egoera emozionalaren zein pertsonalaren berri ematen digutenak. Adierazitako funtzio horiek betetzeko nahiz pertzibitzeko ezinbestekoak dira tasun akustikoak, oinarrizko maiztasuna edo F0, iraupena, energia, abiada eta ahots mota edo kalitatea.
Lan honetan, hiru mutilen grabazioak erabiliz eta generoa aldagaiari garrantzia emanez, emakumeen ikuspuntua kontuan hartuko baita, ahots seduzitzailearen ezaugarriak zehaztean aipatutako lehen lau tasunetatik zeinek duen eraginik handiena adieraziko da, horretarako pertzepzio testak burutu dituzte Bilboko Irakasleen Unibertsitate Eskolako ehun emakume elebidunek.