Estratexias para a xestión sostible de residuos vitivinícolas na provincia de Ourense

• F. J. Sánchez-Sellero ^[1] ; A. Alvaredo-López-Vizcaíno ^[1] ; S. Rivas ^[1] ; M. Fernández ^[1] ; V. M. Suárez-Porto ^[1] ; J. A. Teixeira ^[2] ; M. M. Cruz-González ^[1] ; G. Garrote ^[1] ; P. Ferreira-Santos ^[1]
  1. [1] Universidade de Vigo

     Universidade de Vigo

     Vigo, España

     
  2. [2] Universidade do Minho

     Universidade do Minho

     Braga (São José de São Lázaro), Portugal

     
• Localización: Proxectos INOU 2023: Investigación aplicada na provincia de Ourense, 2024, ISBN 978-84-1188-035-0, págs. 31-61
• Idioma: gallego
• Enlaces
  • Texto Completo Libro (pdf)
• Resumen

  • Nos últimos anos está a aumentar a demanda de produtos biofuncionais a partir de recursos naturais, especialmente derivados de subprodutos agroforestais grazas á súa sustentabilidade e renovabilidade. Neste sentido, persoal investigador e industrias incidiron na procura de novas materias primas ricas en compostos bioactivos de interese para a industria alimentaria, farmacéutica e cosmética. Este traballo trata unha estratexia de valorización integral de diferentes residuos da industria vitivinícola (bagazo e poda de vide) para obter produtos de alto valor como compostos antioxidantes, prebióticos e bioetanol. Ademais, elaborouse unha análise socioeconómica para comprender a viabilidade do estudo na provincia de Ourense.

    En resumo, as tecnoloxías de explosión de vapor e de quecemento óhmico postúlanse como métodos eficientes e respectuosos co medio ambiente para procesar biomasa lignocelulósica e son ferramentas útiles para recuperar compostos biofuncionais a través do enfoque da biorrefinaría. A partir destas tecnoloxías pódense obter extractos bioactivos da poda de vide e do bagazo da uva, que se empregan na formulación de alimentos (como conservantes, antioxidantes ou ingredientes bioactivos) e no sector nutracéutico. Ademais, as podas de vide pretratadas con explosión de vapor poden ser aproveitadas e valorizadas en diversos sectores industriais como, por exemplo, para a produción de biocombustibles.

    Desde o punto de vista socioeconómico, a través dunha estratexia apoiada na economía circular, o desenvolvemento de produtos de alto valor procedentes dos residuos agrícolas pode ser unha oportunidade para o desenvolvemento sostible das zonas rurais. Mediante a reutilización de subprodutos, a redución dos custos dos insumos e a reciclaxe dos residuos xerados durante o seu procesamento, increméntase a oportunidade de implantar elementos de sustentabilidade e resiliencia nos sistemas produtivos das agroindustrias, así como a creación de emprego e a mellora da xestión dos residuos agrícolas e industriais.