Resumen de Crecemento económico e contaminación,unha aproximación dende a aprendizaxe automática
Gonzalo Astray Dopazo, Concepción Pérez Lamela, Antonio Cid Samamed, Nuria Vila Romeu, Luis Velasco Martínez
Nesta investigación propóñense diferentes modelos de aprendizaxe automática baseados no bosque aleatorio, na máquina de vector de soporte e na rede neuronal artificial, para tratar de relacionar diferentes variables socioeconómicas con variables de calidade do aire na provincia de Ourense. Os diferentes enfoques realizados proporcionaron axustes de predición baixos, debido ao problema de localizar series temporais grandes e datos cun intervalo de recollida adecuado. A mellora destes modelos pasa por atopar fontes de información máis amplas, a inclusión de novas variables, a transformación doutras e o estudo de diferentes combinacións de hiperparámetros para que os modelos sexan capaces de predicir de forma máis adecuada