Alien - La clonazione
|
C'l artìcul chè 'l è scrit in
Miranduléś |
| Alien - La clonazione | ||
La Weaver, la Ryder e Cruz in na figùra dal film | ||
| Aglièṅ - La clunasiòṅ 1997 | ||
|---|---|---|
| Regìa: Jean-Pierre Jeunet | ||
| Scritōr: Joss Whedon | ||
| Atōr: Sigourney Weaver • Dominique Pinon Winona Ryder • J.E. Freeman • Ron Perlman Brad Dourif • Gary Dourdan • Michael Wincott Kim Flowers • Dan Hedaya • Raymond Cruz Leland Orser • David St. James • Rico Bueno | ||
| Müsica: John Frizzell | ||
| Léngua: Ingléś | ||
| Dürä dal film: 109 minüt | ||
| Nasiōṅ: Stat Unî | ||
Alien - La clonazione (Aglièṅ - La clunasiòṅ) l è 'n film fantàstic e ad scarésa dal 1997 ad Jean-Pierre Jeunet. 'L è 'l quàrt e ùltim capìtul dla saga di „Aglièṅ“ dòp Alien ad Ridley Scott dal 1979, Aliens - Scontro finale ad James Cameron dal 1986 e Alien3 ad David Fincher dal 1992.
Custâ da piò ad ssanta migliòṅ ad dòlar, al film al 'n à pò catâ sù sènt-a-ssant'òṅ.
Sunt
I èṅ pasâ dū-śènt an da quànd l’Ellen Ripley (Sigourney Weaver) la s è cupàda in sal pianéda „Fiorina 161“. Adès in sl'atrunâṿ „Auriga“ 'l è in cōrs 'n esperimènt par pruàr a clunàr al sò còrp par tiràr-ag fóra 'l embriòṅ dl'Aglièṅ par far sù 'n eśèrcit ad chi móstar lè da druàr in guèra. A nas acsè na Ripley nóva c'n al nóm ad “Clôn 8”.
In séguit a riva n'atra atrunâṿ ciamàda „Betty“ ch'la s taca a l'„Auriga“. A bōrd a gh'è dla gint in un stat criugènig ch'la sarvirà par far nàsar na rasa nóva di Aglièṅ da i óṿ dla regìna, qvésta chè l'è la traplàda segréta dal generàł Perez (Dan Hedaya).
La Ripley la capìs incòsa e la gh'à da far saltàr p'r ària la „Betty“ prima ch'la pòsa rivàr in sla Tèra. La s fà jutàr par l'andròida Call (Winona Ryder), p'r al siensiâ ch'al l'à clunàda, al dutōr Dr Wren (J. E. Freeman), e p'r al suldâ Distephano (Raymond Cruz).