Seeberg BE
| - La mallongigo BE en Seeberg BE staras por la svisa Kantono Berno. Por aliaj signifoj de la nomo vidu sub Seeberg. |
| Seeberg | |
|---|---|
| Blazono de Seeberg | |
| Reformita preĝejo de Seeberg | |
| komunumo en Svislando | |
| Kantono | Berno |
| Administra distrikto | Supra Argovio |
| Malnova distrikto ĝis 2009 | Wangen |
| Geografia situo | CH1903: 617146 / 222695 (mapo)47.1557.6647222222222Koordinatoj: 47° 9′ N, 7° 40′ O; CH1903: 617146 / 222695 (mapo) |
|
| |
| Nombro de loĝantoj | 1374 |
| Areo | 15,75 km² |
| Alteco | 495 m super marnivelo |
| Poŝtkodo | 3365 |
| Komunumkodo | 0988 |
| Mapo de Seeberg | |
Seeberg estis ĝis la 31-a de decembro 2009 komunumo de la distrikto Wangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 1374 loĝantojn je la 31-a de decembro 2010.
Geografio
[redakti | redakti fonton]Seeberg situas en la Svisa Mezlando inter Burgdorf kaj Herzogenbuchsee. En nordo de la komunumo situas la lageto Burgäschisee. La komunumo konsistas el la vilaĝoj Seeberg kun la setlejo Berg kun la preĝejo sur monteto supre de la vilaĝo, la vilaĝo Grasswil kun la setlejoj Niedergrasswil kaj Egge, Rägenhaule, Riedtwil kun la iama stacidomo ĉe la trajnlinio de Herzogenbuchsee al Burgdorf, Loch, Spiegelberg, Bittwil kaj Neuhus, kaj multnombraj izolitaj bienoj. La plej alta punkto kun alteco de 810 m s.m. estas la monteto Lindenberg en sudo de la komunumo. La sidejo de la komunuma administracio situas en Grasswil.
La teritorio de la komunumo etendiĝas sur areo de 15,75 km², de kiuj 34,0% estas kovritaj de arbaro, 58,9% servas por agrikulturo kaj 6,4% por setlado. [1]
Najbaraj komunumoj
[redakti | redakti fonton]La komunumo Seeberg limas en nordo al Aeschi (SO), en nordoriento al Herzogenbuchsee, en oriento al Steinhof (SO), en orientsudoriento al Hermiswil, en sudoriento al Ochlenberg, en sudsudoriento al Oeschenbach, en sudo al Wynigen, en sudokcidento al Alchenstorf, en okcidento al Hellsau, kaj en nordokcidento al Heinrichswil-Winistorf (SO).
Trafiko
[redakti | redakti fonton]Tra la komunumo Seeberg pasas unuflanke la grava kantona ĉefvojo n-ro 1 de Zuriko al Berno, apud kiu situas la ĉefvilaĝo Seeberg, kaj la 240 tra Spiegelberg de Langenthal al Burgdorf BE. Per la buslinio de Herzogenbuchsee al Wynigen la komunumo estas konektita al la publika transportreto.
Historio
[redakti | redakti fonton]La unua dokumenta mencio de Seeberg datiĝas el la jaro 1264 kiel Seberch. [2] La vilaĝo Grasswil estis menciita jam pli frue en 1070 kielo Craolteswile.[3] Riedtwil menciiĝis unuan fojon en la jaro 1261 kiel Rietwilere.[4] Dum mezepoko la vilaĝoj de la hodiaŭa komunumo Seeberg apartenis al la Grafoj de Kiburgo kaj formis parton de la malalta tribunalo Grasswil, kiu en la jaro 1395 fariĝis havaĵo kaj voktejo de la urbo Burgdorf. En la 19-a jarcento la kvin lokokomunumoj de Seeberg kuniĝis al la hodiaŭa politika komunumo Seeberg. La lokaj komunumoj pluekzistis kiel apartaj municipoj ĝis la komunumreformo de la jaro 1991.
Vidu ankaŭ
[redakti | redakti fonton]- Aliaj signifoj de Seeberg
Notoj kaj referencoj
[redakti | redakti fonton]- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Anne-Marie Dubler: Seeberg en Historia Leksikono de Svislando (2011-11-17)
- ↑ Fonto: Anne-Marie Dubler: Grasswil en Historia Leksikono de Svislando (2007-01-16)
- ↑ Fonto: Anne-Marie Dubler: Riedtwil en Historia Leksikono de Svislando (2010-08-24)
Eksteraj ligiloj
[redakti | redakti fonton]- Oficiala retejo de la komunumo Seeberg
- Seeberg BE en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Seeberg BE – (Kolekto de bildoj kaj plurmediaj dosieroj)
Bildoj
[redakti | redakti fonton]-
Preĝejo
-
La preĝejo de interne
-
Pastra domo
-
Faktrabdomo en Seeberg
-
Lernejo de Seeberg
-
Ligna grejnejo en Seeberg
-
Kantona ĉefvojo n-ro 1 en Seeberg
| ||||||