La unua skribmencio pri la vilaĝo devenas el la jaro 1233, en kiu estas menciata cisterciana monaĥejo Porta coeli fondita je tri jaroj pli antaŭe fare de reĝino Konstanca Hungara (1181–1240), vidvino post Přemysl Otakar la 1-a (1155–1230). Konstanca estas ĉi tie sepultita.
Porta coeli estas frue gotika monaĥejo, nuntempe ununura moravia virina cisterciana monaĥejo. Ĝi estis fondita verŝajne en la jaro 1230 fare de Konstanca Hungara, vidvino post Přemysl Otakar la 1-a. La monaĥeja preĝejo de Ĉielpreno de virgulino Maria estas triala baziliko kun transversa navo.
En la areo de la monaĥejo havas sidejon Podhoracka muzeo kun ekspozicio Historio kaj nuntempo de monaĥejo Porta Coeli. En ĝiaj pluaj spacoj estas ekspozicioj de mineraloj kaj paleontologiaj trovaĵoj.